मुंबईः उद्योगपती मुकेश अंबानी आणि त्यांच्या कुटुंबीयांना देण्यात येत असलेली झेड प्लस दर्जाची सुरक्षा व्यवस्था काढून घेण्यात यावी, अशी मागणी करणारी एक जनहित याचिका आज मुंबई हायकोर्टाने फेटाळून लावली आहे.
उद्योगपती मुकेश अंबानी आणि त्यांच्या कुटुंबियांना खऱ्या अर्थाने सुरक्षेचा धोका नसताना विनाकारण झेड प्लस सुरक्षा पुरवण्यात आली आहे. यामुळे सरकारी तिजोरीवर विनाकारण भार पडत आहे. त्यामुळे त्यांची ही सुरक्षा काढून घेण्याचे निर्देश मुंबई पोलिस आयुक्तांना द्यावेत, अशा विनंतीची जनहित याचिका चार्टर्ड अकाऊंटंट हिमांशू अगरवाल यांनी केली होती. मात्र, हा जनहित याचिकेचा विषय नाही आणि धोक्याचा आढावा घेऊन सुरक्षा पुरवण्याचा अधिकार पोलिस आयुक्तांना आहे. शिवाय सुरक्षा व्यवस्थेबाबत अंबानी कुटुंब शुल्क भरत आहे, असा युक्तिवाद सरकारी वकिलांनी मांडला. त्यामुळे न्या. रणजित मोरे यांच्या नेतृत्वाखालील खंडपीठाने याचिका फेटाळून लावली. झेड प्लस सुरक्षा सशुल्क असल्याचे सरकारी वकिलांनी व अंबानींच्या वकिलांनी न्यायालयाच्या निदर्शनास आणून दिल्यानंतर कोर्टाने ही याचिका फेटाळून लावली. त्यामुळे अंबानी व त्यांच्या कुटुंबीयांना यापुढेही झेड प्लस दर्जाची सुरक्षा कायम राहणार आहे.
शिवसेनेसाठी भाजपची दारे सदैव खुली: पाटील
समृद्धी हायवेला बाळासाहेब ठाकरे यांचं नाव
शिवसेना संविधानाची आठवण ठेवेल: काँग्रेस
उद्योगपती मुकेश अंबानी आणि त्यांच्या कुटुंबियांना खऱ्या अर्थाने सुरक्षेचा धोका नसताना विनाकारण झेड प्लस सुरक्षा पुरवण्यात आली आहे. यामुळे सरकारी तिजोरीवर विनाकारण भार पडत आहे. त्यामुळे त्यांची ही सुरक्षा काढून घेण्याचे निर्देश मुंबई पोलिस आयुक्तांना द्यावेत, अशा विनंतीची जनहित याचिका चार्टर्ड अकाऊंटंट हिमांशू अगरवाल यांनी केली होती. मात्र, हा जनहित याचिकेचा विषय नाही आणि धोक्याचा आढावा घेऊन सुरक्षा पुरवण्याचा अधिकार पोलिस आयुक्तांना आहे. शिवाय सुरक्षा व्यवस्थेबाबत अंबानी कुटुंब शुल्क भरत आहे, असा युक्तिवाद सरकारी वकिलांनी मांडला. त्यामुळे न्या. रणजित मोरे यांच्या नेतृत्वाखालील खंडपीठाने याचिका फेटाळून लावली. झेड प्लस सुरक्षा सशुल्क असल्याचे सरकारी वकिलांनी व अंबानींच्या वकिलांनी न्यायालयाच्या निदर्शनास आणून दिल्यानंतर कोर्टाने ही याचिका फेटाळून लावली. त्यामुळे अंबानी व त्यांच्या कुटुंबीयांना यापुढेही झेड प्लस दर्जाची सुरक्षा कायम राहणार आहे.
शिवसेनेसाठी भाजपची दारे सदैव खुली: पाटील
समृद्धी हायवेला बाळासाहेब ठाकरे यांचं नाव
शिवसेना संविधानाची आठवण ठेवेल: काँग्रेस