Breaking! रवी राणांच्या आत्महत्येच्या इशाऱ्यांनंतर गृहमंत्र्यांकडून मोठा निर्णय

मुंबई : भाजप आमदार रवी राणा यांच्या आक्रमक भूमिकेनंतर अखेर गृहमंत्री दिलीप वळसे पाटील यांनी चौकशीच्या सूचना दिल्या आहेत. रवी राणा यांनी जी भावना व्यक्त केली, त्याच्याशी मी सहमत आहे. तुम्ही दिल्लीत असताना तुमच्यावर ३०७ चा गुन्हा दाखल झाला असेल तर तो का दाखल झाला त्याची चौकशी होणं गरजेचं आहे, असं दिलीप वळसे पाटील यांनी म्हटलं आहे.

खरंतर, अमरावती पालिका आयुक्तांवर शाईफेक केल्याप्रकरणी गुन्हा दाखल झालेले भाजप आमदार रवी राणा यांनी सोमवारी विधिमंडळाच्या परिसरात राज्य सरकारचा निषेध केला. यावेळी त्यांनी थेट फाशी घेण्याचा इशारा दिल्यामुळे यावर तातडीने चौकशीचे आदेश देण्यात आले आहे. याविषयी बोलताना गृहमंत्री म्हणाले की, 'या संदर्भात कोणत्याही प्रकारची कारवाई करण्यासाठी आम्ही आदेश दिले नव्हते. पण याप्रकरणी वरिष्ठ अधिकाऱ्यांच्या मार्फत चौकशी केली जाईल आणि अहवाल विरोधी पक्षनेत्यांसोबत चर्चीला जाईल', अशा सूचना गृहमंत्र्यांनी दिल्या आहेत.

'मी इथेच फाशी घेईन', आक्रमक रवी राणा यांनी दिला आत्महत्येचा इशारा; राजकारणात खळबळ

ते म्हणाले की, 'घटना घडली तेव्हा शिवरायांच्या पुतळ्याची स्थापना विनापरवानगी करण्यात आली होती. यासाठी जिल्हाधिकाऱ्यांची परवानगी लागते. त्या पुतळ्याची उंचीही अशी होती की सहज कुणाचाही हात लागेल. त्यामुळे प्रशासनाने निर्णय घेत तो पुतळा काढण्याचं ठरवलं. नियमाप्रमाणे ही कृती करण्यात आली. जेव्हा महापालिका आयुक्तांवर शाईफेक करण्यात आली, त्या दिवशी अमरावतीत असं वातावरण तयार झालं की त्यात पोलिसांनी कठोर कारवाईशिवाय पर्याय नव्हता.'