म. टा. प्रतिनिधी, मुंबई करोनाविरोधात ग्रामीण भागात ग्रामपंचायत पातळीवर जोखीम पत्करून काम करणारे सर्व ग्रामपंचायत कर्मचारी, अंगणवाडी, मिनी अंगणवाडी कार्यकर्त्या, अंगणवाडी मदतनीस, आशा कार्यकर्ती यांना मिळणाऱ्या नियमित वेतन, मानधनाव्यतिरिक्त त्यांना एक हजार रुपये प्रोत्साहनपर देण्याचा निर्णय घेण्यात आल्याचे ग्रामविकासमंत्री हसन मुश्रीफ यांनी मंगळवारी सांगितले. या मानधनाचा लाभ सुमारे पावणेतीन लाख कर्मचाऱ्यांना होणार आहे. करोनाचा प्रादुर्भाव रोखण्यासाठी ग्रामविकास विभागामार्फत उपाययोजना करण्यात येत आहेत. यासंदर्भात मुख्यमंत्र्यांच्या अध्यक्षतेखाली झालेल्या आढावा बैठकीत आवश्यक ते निर्देश देण्यात आलेले आहेत. ग्रामपंचायत स्तरावर सर्व ग्रामपंचायत कर्मचारी, अंगणवाडी कार्यकर्त्या, मिनी अंगणवाडी कार्यकर्त्या, अंगणवाडी मदतनीस, आशा कार्यकर्ती यांच्यामार्फत जनजागृती, स्वच्छता मोहीम, आरोग्याची काळजी घेणे, आवश्यकतेनुसार सर्वेक्षण करणे इत्यादी कामे अहोरात्र सुरू आहेत. हे कर्मचारी जिवाची जोखीम पत्करून ही कामे करीत असल्याने त्यांना मिळणाऱ्या नियमित वेतन, मानधनाव्यतिरिक्त त्यांना एक हजार रुपये इतकी प्रोत्साहनपर रक्कम अदा करण्यास मान्यता देण्यात आली आहे.
ग्रामीण कर्मचाऱ्यांना मानधन
म टा...
महाराष्ट्र टाइम्स.कॉम 1 Apr 2020, 4:00 am