म. टा. प्रतिनिधी, मुंबई
पती-पत्नीच्या भांडणात दोन वर्षांच्या मुलाला पहिल्या मजल्यावरून फेकल्याने त्यात त्या मुलाचा मृत्यू झाल्याप्रकरणी दाखल केलेल्या हत्येच्या खटल्यात पत्नीच्या साक्षीनंतर सत्र न्यायालयाने सोमवारी पतीची निर्दोष सुटका केली. ‘आमच्या भांडणामध्ये मुलगा हातातून निसटून खाली पडला,’ अशी साक्ष पत्नीने न्यायालयापुढे दिल्याने तो मुद्दा महत्त्वाचा ठरला. याशिवाय आरोपी पती मानसिकदृष्ट्या आजारी असल्याचाही वैद्यकीय पुरावा न्यायालयाने ग्राह्य धरला आहे.
या खटल्याची न्या. दाते यांच्यापुढे सुनावणी झाली. त्यात आरोपी महेश कंकोडिया याच्याविरुद्ध भारतीय दंड संहितेच्या कलम ३०२ अंतर्गत हत्येचा गुन्हा सिद्ध होत नसल्याचे न्या. दाते यांनी स्पष्ट करत आरोपींची खटल्यातून सुटका केली. आरोपीच्यावतीने अॅड. प्रकाश वाघ यांनी बाजू मांडली.
महेश पत्नीच्या चारित्र्यावर संशय घेत असे. १८ ऑक्टोबर, २०१४ रोजी त्या दोघांमध्ये सकाळी ६.३०च्या सुमारास कडाक्याचे भांडण झाले. संतापलेल्या महेशने रागाच्याभरात पत्नीच्या डोक्यात हातोडा मारला. तसेच ब्लेडने तिच्या हातावर वारही केले. त्यानंतर त्याने आपल्या दोन वर्षांच्या मुलाला घराच्या पहिल्या मजल्यावरून खाली टाकले. त्यातच त्या मुलाचा मृत्यू झाला, असे व्ही. पी. रोड पोलिस ठाण्यात दाखल झालेल्या फिर्यादीत नोंदविण्यात आले होते.
न्यायालयापुढे झालेल्या सुनावणीत मात्र आरोपीच्याबाजुने पुराव्यातील विसंगती निदर्शनास आली. आरोपीच्या पत्नीसह १७ साक्षीदार तपासण्यात आले. त्यात शेजारी राहणारे दोघ प्रत्यक्षदर्शी होते. प्रामुख्याने तीन मुद्दे अॅड. वाघ यांनी न्यायालयापुढे मांडले. पंचनाम्यात हत्याराविषयी पुरावा मिळाला नाही. आरोपी मनोरुग्ण असल्याचा जे. जे. रुग्णालयाचा पुरावा न्यायालयापुढे मांडण्यात आला. साक्षीदारांच्या साक्षींमध्ये विसंगती असल्याचा दावा अॅड. वाघ यांनी केला, सर्व मुद्दे ग्राह्य धरून न्यायालयाने आरोपीला मुक्त केले.
पती-पत्नीच्या भांडणात दोन वर्षांच्या मुलाला पहिल्या मजल्यावरून फेकल्याने त्यात त्या मुलाचा मृत्यू झाल्याप्रकरणी दाखल केलेल्या हत्येच्या खटल्यात पत्नीच्या साक्षीनंतर सत्र न्यायालयाने सोमवारी पतीची निर्दोष सुटका केली. ‘आमच्या भांडणामध्ये मुलगा हातातून निसटून खाली पडला,’ अशी साक्ष पत्नीने न्यायालयापुढे दिल्याने तो मुद्दा महत्त्वाचा ठरला. याशिवाय आरोपी पती मानसिकदृष्ट्या आजारी असल्याचाही वैद्यकीय पुरावा न्यायालयाने ग्राह्य धरला आहे.
या खटल्याची न्या. दाते यांच्यापुढे सुनावणी झाली. त्यात आरोपी महेश कंकोडिया याच्याविरुद्ध भारतीय दंड संहितेच्या कलम ३०२ अंतर्गत हत्येचा गुन्हा सिद्ध होत नसल्याचे न्या. दाते यांनी स्पष्ट करत आरोपींची खटल्यातून सुटका केली. आरोपीच्यावतीने अॅड. प्रकाश वाघ यांनी बाजू मांडली.
महेश पत्नीच्या चारित्र्यावर संशय घेत असे. १८ ऑक्टोबर, २०१४ रोजी त्या दोघांमध्ये सकाळी ६.३०च्या सुमारास कडाक्याचे भांडण झाले. संतापलेल्या महेशने रागाच्याभरात पत्नीच्या डोक्यात हातोडा मारला. तसेच ब्लेडने तिच्या हातावर वारही केले. त्यानंतर त्याने आपल्या दोन वर्षांच्या मुलाला घराच्या पहिल्या मजल्यावरून खाली टाकले. त्यातच त्या मुलाचा मृत्यू झाला, असे व्ही. पी. रोड पोलिस ठाण्यात दाखल झालेल्या फिर्यादीत नोंदविण्यात आले होते.
न्यायालयापुढे झालेल्या सुनावणीत मात्र आरोपीच्याबाजुने पुराव्यातील विसंगती निदर्शनास आली. आरोपीच्या पत्नीसह १७ साक्षीदार तपासण्यात आले. त्यात शेजारी राहणारे दोघ प्रत्यक्षदर्शी होते. प्रामुख्याने तीन मुद्दे अॅड. वाघ यांनी न्यायालयापुढे मांडले. पंचनाम्यात हत्याराविषयी पुरावा मिळाला नाही. आरोपी मनोरुग्ण असल्याचा जे. जे. रुग्णालयाचा पुरावा न्यायालयापुढे मांडण्यात आला. साक्षीदारांच्या साक्षींमध्ये विसंगती असल्याचा दावा अॅड. वाघ यांनी केला, सर्व मुद्दे ग्राह्य धरून न्यायालयाने आरोपीला मुक्त केले.