मुंबई: ज्येष्ठ नेते आणि राष्ट्रवादी काँग्रेसचे अध्यक्ष शरद पवार यांच्या मुंबईतील सिल्व्हर ओक या निवासस्थानावर आज हिंसक जमावाने हल्ला केला. पवार यांच्या निषेधाच्या घोषणा देत जमावाने चप्पलफेक आणि दगडफेक केली. या घटनेने मोठी खळबळ उडाली असतानाच कोर्टात एसटी कर्मचाऱ्यांची बाजू मांडणारे वकील गुणरत्न सदावर्ते यांना पोलिसांनी ताब्यात घेतले आहे. सदावर्ते यांना गावदेवी पोलीस ठाण्यात नेण्यात आले आहे. तिथे वृत्तवाहिन्यांकडे प्रतिक्रिया देताना सदावर्ते यांनी गंभीर आरोप केला आहे. ( Gunaratna Sadavarte Detained Latest News ) वाचा : पवारांच्या घरावरील हल्ल्यास कुणाची चिथावणी?; मुख्यमंत्र्यांनी उचलले कठोर पाऊल
शरद पवार यांच्या घरावर आज अचानक हल्ला करण्यात आला. याप्रकरणी कठोर कारवाई करण्याचे निर्देश मुख्यमंत्री उद्धव ठाकरे यांनी दिले आहेत. त्याचदरम्यान पोलिसांनी गुणरत्न सदावर्ते यांना घरातून ताब्यात घेतले असून या हल्ल्याच्या अनुषंगाने त्यांची चौकशी करण्यात येत आहे. सदावर्ते यांना पोलीस गावदेवी पोलीस ठाण्यात घेऊन गेले आहेत. तिथे पोलिसांच्या ताब्यात असतानाच सदावर्ते यांनी माध्यमांकडे प्रतिक्रिया दिली.
वाचा :शरद पवारांच्या घरावर हिंसक आंदोलन; देवेंद्र फडणवीसांची मोठी प्रतिक्रिया
'मला कोणतीही नोटीस देण्यात आली नव्हती. काहीही न सांगता पोलीस मला थेट येथे घेऊन आले आहेत. हे बेकायदेशीर आहे. माझ्या जीवाला धोका निर्माण झाला असून माझी हत्या झाल्यास त्याला गृहमंत्री जबादार असतील', अशी प्रतिक्रिया सदावर्ते यांनी दिली. गुणरत्न सदावर्ते यांच्या पत्नी जयश्री पाटील यांनीही पोलिसांवर आरोप केला. माझे पती आणि आमच्या संपूर्ण कुटुंबालाच धोका असून आम्हाला काही झाल्यास त्याला शरद पवार यांना जबाबदार धरले जाईल, असे त्या म्हणाल्या. सदावर्ते यांना ताब्यात घेतल्यानंतर जयश्री पाटील यांनी मुलीसह गावदेवी पोलीस ठाणे गाठले. तिथे त्या माध्यमांशी बोलल्या.
दरम्यान, शरद पवार यांच्या घरावरील हल्ल्याप्रकरणी पोलिसांनी आतापर्यंत १०७ जणांना अटक केली आहे. पोलिसांचा कसून तपास सुरू आहे.
वाचा : एसटी कर्मचारी 'सिल्व्हर ओक'वर धडकले तेव्हा सदावर्ते कुठे होते?; स्वत:च केला खुलासा
शरद पवार यांच्या घरावर आज अचानक हल्ला करण्यात आला. याप्रकरणी कठोर कारवाई करण्याचे निर्देश मुख्यमंत्री उद्धव ठाकरे यांनी दिले आहेत. त्याचदरम्यान पोलिसांनी गुणरत्न सदावर्ते यांना घरातून ताब्यात घेतले असून या हल्ल्याच्या अनुषंगाने त्यांची चौकशी करण्यात येत आहे. सदावर्ते यांना पोलीस गावदेवी पोलीस ठाण्यात घेऊन गेले आहेत. तिथे पोलिसांच्या ताब्यात असतानाच सदावर्ते यांनी माध्यमांकडे प्रतिक्रिया दिली.
वाचा :शरद पवारांच्या घरावर हिंसक आंदोलन; देवेंद्र फडणवीसांची मोठी प्रतिक्रिया
'मला कोणतीही नोटीस देण्यात आली नव्हती. काहीही न सांगता पोलीस मला थेट येथे घेऊन आले आहेत. हे बेकायदेशीर आहे. माझ्या जीवाला धोका निर्माण झाला असून माझी हत्या झाल्यास त्याला गृहमंत्री जबादार असतील', अशी प्रतिक्रिया सदावर्ते यांनी दिली. गुणरत्न सदावर्ते यांच्या पत्नी जयश्री पाटील यांनीही पोलिसांवर आरोप केला. माझे पती आणि आमच्या संपूर्ण कुटुंबालाच धोका असून आम्हाला काही झाल्यास त्याला शरद पवार यांना जबाबदार धरले जाईल, असे त्या म्हणाल्या. सदावर्ते यांना ताब्यात घेतल्यानंतर जयश्री पाटील यांनी मुलीसह गावदेवी पोलीस ठाणे गाठले. तिथे त्या माध्यमांशी बोलल्या.
दरम्यान, शरद पवार यांच्या घरावरील हल्ल्याप्रकरणी पोलिसांनी आतापर्यंत १०७ जणांना अटक केली आहे. पोलिसांचा कसून तपास सुरू आहे.
वाचा : एसटी कर्मचारी 'सिल्व्हर ओक'वर धडकले तेव्हा सदावर्ते कुठे होते?; स्वत:च केला खुलासा