chinmay.kale@timesgroup.com
@ChinmaykaleMT
मुंबई : खर्च परवडत नसल्याने ऑपरेशन्स तात्पुरते बंद करण्याचा निर्णय जेट एअरवेज कंपनीच्या संचालकांनी घेतल्याचे वृत्त आहे. पण अशाप्रकारे ऑपरेशन बंद करण्यात तांत्रिक अडचण आहे. नागरी हवाई वाहतूक महासंचालनालयाचा (डीजीसीए) परवाना वैध ठेवण्यासाठी जेटला किमान पाच विमाने उडती ठेवणे अत्यावश्यक असेल.
भरमसाठ तोट्यामुळे जेट एअरवेजच्या ताफ्यातील ९० टक्क्यांहून अधिक विमाने सध्या जमिनीवर आहेत. कर्मचाऱ्यांच्या पगारासह दैनंदिन खर्चासाठी कंपनीला किमान १५०० कोटी रुपयांच्या तातडीच्या मदतीची गरज आहे. कर्जपुरवठा करणाऱ्या स्टेट बँकेने हा निधी देण्यास नकार दिल्याने संचालक मंडळ अखेर सर्व विमाने जमिनीवर आणण्याच्या विचारात आहे. पण तसे केल्यास कंपनीसमोरील अडचणी वाढणार आहेत.
प्रवासी विमानसेवा देणाऱ्या प्रत्येक कंपनीला डीजीसीएकडून एअर ऑपरेशन परमिट (एओपी) दिले जाते. या परवान्यासाठी संबंधित कंपनीच्या ताफ्यातील किमान पाच विमानांचे उड्डाण सुरू असणे अत्यावश्यक आहे. त्यामुळे जेटची सर्व विमाने जमिनीवर आल्यास हा परवाना रद्द होईल. त्यानंतर पुन्हा हा परवाना घेण्यासाठी संचालकांना किमान ५० कोटी रुपयांचे भागभांडवल उभे करावे लागेल. जेट एअरवेजकडे सध्या ११९ विमानांसाठी १२ फेब्रुवारी २०२३ पर्यंत असा परवाना आहे. कंपनीचे सध्याचे सीईओ विनय दुबे हे या परवान्यासाठीचे 'जबाबदार व्यवस्थापक' आहेत.
मंगळवारी ३७६, बुधवारी ३८७ उड्डाणे रद्द
आर्थिक संकटामुळे जेटकडून रोज उड्डाणे रद्द केली जात आहेत. मंगळवारी ३७६ उड्डाणे रद्द करण्यात आली. आज, बुधवारी त्यात आणखी ११ची भर पडून ३८७ उड्डाणे रद्द होतील. मंगळवारी जेटने एकूण ४८ उड्डाणे सुरू ठेवली. आज, बुधवारी हा आकडा ३७ असेल. त्यामध्ये मुंबईहून फक्त दिल्लीसाठी दोन विमाने रवाना होतील. त्यातील एक विमान रात्री अमृतसरहून मुंबईला परतेल.
@ChinmaykaleMT
मुंबई : खर्च परवडत नसल्याने ऑपरेशन्स तात्पुरते बंद करण्याचा निर्णय जेट एअरवेज कंपनीच्या संचालकांनी घेतल्याचे वृत्त आहे. पण अशाप्रकारे ऑपरेशन बंद करण्यात तांत्रिक अडचण आहे. नागरी हवाई वाहतूक महासंचालनालयाचा (डीजीसीए) परवाना वैध ठेवण्यासाठी जेटला किमान पाच विमाने उडती ठेवणे अत्यावश्यक असेल.
भरमसाठ तोट्यामुळे जेट एअरवेजच्या ताफ्यातील ९० टक्क्यांहून अधिक विमाने सध्या जमिनीवर आहेत. कर्मचाऱ्यांच्या पगारासह दैनंदिन खर्चासाठी कंपनीला किमान १५०० कोटी रुपयांच्या तातडीच्या मदतीची गरज आहे. कर्जपुरवठा करणाऱ्या स्टेट बँकेने हा निधी देण्यास नकार दिल्याने संचालक मंडळ अखेर सर्व विमाने जमिनीवर आणण्याच्या विचारात आहे. पण तसे केल्यास कंपनीसमोरील अडचणी वाढणार आहेत.
प्रवासी विमानसेवा देणाऱ्या प्रत्येक कंपनीला डीजीसीएकडून एअर ऑपरेशन परमिट (एओपी) दिले जाते. या परवान्यासाठी संबंधित कंपनीच्या ताफ्यातील किमान पाच विमानांचे उड्डाण सुरू असणे अत्यावश्यक आहे. त्यामुळे जेटची सर्व विमाने जमिनीवर आल्यास हा परवाना रद्द होईल. त्यानंतर पुन्हा हा परवाना घेण्यासाठी संचालकांना किमान ५० कोटी रुपयांचे भागभांडवल उभे करावे लागेल. जेट एअरवेजकडे सध्या ११९ विमानांसाठी १२ फेब्रुवारी २०२३ पर्यंत असा परवाना आहे. कंपनीचे सध्याचे सीईओ विनय दुबे हे या परवान्यासाठीचे 'जबाबदार व्यवस्थापक' आहेत.
मंगळवारी ३७६, बुधवारी ३८७ उड्डाणे रद्द
आर्थिक संकटामुळे जेटकडून रोज उड्डाणे रद्द केली जात आहेत. मंगळवारी ३७६ उड्डाणे रद्द करण्यात आली. आज, बुधवारी त्यात आणखी ११ची भर पडून ३८७ उड्डाणे रद्द होतील. मंगळवारी जेटने एकूण ४८ उड्डाणे सुरू ठेवली. आज, बुधवारी हा आकडा ३७ असेल. त्यामध्ये मुंबईहून फक्त दिल्लीसाठी दोन विमाने रवाना होतील. त्यातील एक विमान रात्री अमृतसरहून मुंबईला परतेल.