म. टा. प्रतिनिधी, मुंबई
आपल्या संशोधन आणि नावीन्यपूर्ण अभ्यासक्रमासाठी ओळखल्या जाणाऱ्या आयआयटी मुंबईची लाखभरारी यंदाच्या प्लेसमेंटमध्येही कायम राहिली आहे. यंदा या संस्थेतील विद्यार्थ्यांना सरासरी ११ लाख ४१ हजार रुपये पगाराची ऑफर मिळाल्याचे बुधवारी जाहीर केलेल्या आयआयटी मुंबईच्या प्लेसमेंट अहवालातून समोर आले आहे. या प्लेसमेंटमध्ये यंदा ‘रिसर्च अॅण्ड डेव्हल्पमेंट’या क्षेत्रात फ्रेशर विद्यार्थ्यांना संधी देण्यात आली असून एकूण यात एकूण ११८ विद्यार्थ्यांचा समावेश असल्याचे आयआयटीने जाहीर केले आहे.
मुंबईसह देशभराचे लक्ष लागून राहिलेल्या आयआयटी मुंबईच्या प्लेसमेंट प्रक्रियेचा अहवाल बुधवारी प्लेसमेंट विभागाने जाहीर केला. या अहवालानुसार, यंदा तब्बल १ हजार ११४ जणांना नोकऱ्या मिळाल्या आहेत. यंदाच्या शैक्षणिक वर्षी दोन टप्प्यांत प्लेसमेंट प्रक्रिया पूर्ण करण्यात आली होती. त्याला विद्यार्थ्यांसह अनेक कंपन्यांचा चांगला प्रतिसाददेखील मिळाला.
या प्लेसमेंट प्रक्रियेत इंजिनीअरिंग, आर अॅण्ड डी, कन्सल्टिंग, अॅनालिस्टिक, सॉफ्टवेअर या क्षेत्रात विद्यार्थ्यांना चांगल्या नोकऱ्या मिळाल्या आहेत. तर या प्लेसमेंट प्रक्रियेत एकूण ३०५ कंपन्यांनी सहभाग घेतला होता.
परदेशी कंपन्यांपैकी जपान, तैवान, सिंगापूर या देशातील कंपन्याने सर्वाधिक विद्यार्थ्यांना भरगच्च पगारांची ऑफर्स देऊ केली आहे. ‘आर अॅण्ड डी’ क्षेत्रातील ३२ कंपन्या नोकरभरतीमध्ये सहभागी झाल्या होत्या.
६७ विद्यार्थी परदेशात
गेल्या वर्षीप्रमाणे यंदाही या प्लेसमेंट प्रक्रियेत इंजिनीअरिंग अॅण्ड मॅन्युफॅक्चरिंग, कॉम्प्युटर सॉफ्टवेअर - हार्डवेअर, डाटा अॅनालिसिस, मॅनेजमेंट कन्सल्टिंग, फायनान्स, बँकिंग या क्षेत्रांचे वर्चस्व दिसून आले. ६७ विद्यार्थ्यांना परदेशातील नोकऱ्या मिळाल्या. तर, ५९ विद्यार्थ्यांना ‘प्री -प्लेसमेंट’ मिळाल्या आहेत. शैक्षणिक वर्ष २०१७-१८ मधील ११० विद्यार्थ्यांना प्री-प्लेसमेंट ऑफर्स मिळाल्या असून डिसेंबर महिन्यात यंदाची प्लेसमेंट प्रक्रिया सुरू करण्यात येणार असल्याची घोषणा यावेळी करण्यात आली.
आपल्या संशोधन आणि नावीन्यपूर्ण अभ्यासक्रमासाठी ओळखल्या जाणाऱ्या आयआयटी मुंबईची लाखभरारी यंदाच्या प्लेसमेंटमध्येही कायम राहिली आहे. यंदा या संस्थेतील विद्यार्थ्यांना सरासरी ११ लाख ४१ हजार रुपये पगाराची ऑफर मिळाल्याचे बुधवारी जाहीर केलेल्या आयआयटी मुंबईच्या प्लेसमेंट अहवालातून समोर आले आहे. या प्लेसमेंटमध्ये यंदा ‘रिसर्च अॅण्ड डेव्हल्पमेंट’या क्षेत्रात फ्रेशर विद्यार्थ्यांना संधी देण्यात आली असून एकूण यात एकूण ११८ विद्यार्थ्यांचा समावेश असल्याचे आयआयटीने जाहीर केले आहे.
मुंबईसह देशभराचे लक्ष लागून राहिलेल्या आयआयटी मुंबईच्या प्लेसमेंट प्रक्रियेचा अहवाल बुधवारी प्लेसमेंट विभागाने जाहीर केला. या अहवालानुसार, यंदा तब्बल १ हजार ११४ जणांना नोकऱ्या मिळाल्या आहेत. यंदाच्या शैक्षणिक वर्षी दोन टप्प्यांत प्लेसमेंट प्रक्रिया पूर्ण करण्यात आली होती. त्याला विद्यार्थ्यांसह अनेक कंपन्यांचा चांगला प्रतिसाददेखील मिळाला.
या प्लेसमेंट प्रक्रियेत इंजिनीअरिंग, आर अॅण्ड डी, कन्सल्टिंग, अॅनालिस्टिक, सॉफ्टवेअर या क्षेत्रात विद्यार्थ्यांना चांगल्या नोकऱ्या मिळाल्या आहेत. तर या प्लेसमेंट प्रक्रियेत एकूण ३०५ कंपन्यांनी सहभाग घेतला होता.
परदेशी कंपन्यांपैकी जपान, तैवान, सिंगापूर या देशातील कंपन्याने सर्वाधिक विद्यार्थ्यांना भरगच्च पगारांची ऑफर्स देऊ केली आहे. ‘आर अॅण्ड डी’ क्षेत्रातील ३२ कंपन्या नोकरभरतीमध्ये सहभागी झाल्या होत्या.
६७ विद्यार्थी परदेशात
गेल्या वर्षीप्रमाणे यंदाही या प्लेसमेंट प्रक्रियेत इंजिनीअरिंग अॅण्ड मॅन्युफॅक्चरिंग, कॉम्प्युटर सॉफ्टवेअर - हार्डवेअर, डाटा अॅनालिसिस, मॅनेजमेंट कन्सल्टिंग, फायनान्स, बँकिंग या क्षेत्रांचे वर्चस्व दिसून आले. ६७ विद्यार्थ्यांना परदेशातील नोकऱ्या मिळाल्या. तर, ५९ विद्यार्थ्यांना ‘प्री -प्लेसमेंट’ मिळाल्या आहेत. शैक्षणिक वर्ष २०१७-१८ मधील ११० विद्यार्थ्यांना प्री-प्लेसमेंट ऑफर्स मिळाल्या असून डिसेंबर महिन्यात यंदाची प्लेसमेंट प्रक्रिया सुरू करण्यात येणार असल्याची घोषणा यावेळी करण्यात आली.