म. टा. खास प्रतनििधी, मुंबई
अंधेरी वर्सोवा येथील सरदार वल्लभभाई पटेल नगर, आरामनगर परिसरात अभिनेता कपिल शर्मा याने ऑफिससाठी केलेल्या बांधकामांसोबतच या भागात आणखी ३०० ते ४०० मीटर परिसरात अवैध बांधकामे असल्याचे आढळून आले आहे. या बांधकामांसाठी मोठ्या प्रमाणात तिवरांच्या जंगलांची कत्तल करण्यात आली असल्याने राज्याच्या वन विभागाच्या अधिकाऱ्यांनी सोमवारी या परिसराला भेट देऊन पाहाणी केली.
कपिल शर्माने अवैध बांधकाम करताना ऑफिसच्या मागील बाजूस असलेल्या खाडी परिसरातील तिवरांचे जंगल तोडून भराव टाकला आहे. या प्रकरणी वॉचडॉग फाऊंडेशनने वर्सोवा पोलिस ठाणे तसेच राज्य कांदळवन व वनविभागाकडे कपिलच्या विरोधात तक्रार दाखल केली होती. त्याची दखल घेत या विभागाचे अधिकारी मकरंद घोडके यांनी सरदार वल्लभभाई पटेल नगर व आरामनगर परिसराची शुक्रवारी दुपारी पाहाणी केली.
या पाहणीत ३०० ते ४०० मीटर परिसरात बंगल्यांच्या बांधकामांसाठी तिवरांची कत्तल झाली असल्याचे आढळून आले आहे, अशी माहिती वॉचडॉग फाऊंडेशनचे अध्यक्ष गॉडफ्रे पिमेंटा यांनी दिली. घोडके हे या पाहाणीचा अहवाल राज्य कांदळवन व वनविभागाचे प्रमुख एन. वासुदेवन यांना सादर करणार असल्याचे पिमेंटा यांनी सांगितले.
समाजवादी पक्षाची नोटीस
ऑफिसच्या बांधकामासाठी महापालिकेच्या अधिकाऱ्यांनी आपल्याकडे पाच लाख रुपये लाच मागितल्याचा आरोप करणाऱ्या कपिल शर्मा यांना आपला आरोप सिद्ध करता आलेला नाही. त्यामुळे त्यांच्यावर कायदेशीर कारवाई करावी, अशी मागणी समाजवादी पक्षाचे पालिकेतील गटनेते रईस शेख यांनी पालिका आयुक्ताकडे केली आहे.
अंधेरी वर्सोवा येथील सरदार वल्लभभाई पटेल नगर, आरामनगर परिसरात अभिनेता कपिल शर्मा याने ऑफिससाठी केलेल्या बांधकामांसोबतच या भागात आणखी ३०० ते ४०० मीटर परिसरात अवैध बांधकामे असल्याचे आढळून आले आहे. या बांधकामांसाठी मोठ्या प्रमाणात तिवरांच्या जंगलांची कत्तल करण्यात आली असल्याने राज्याच्या वन विभागाच्या अधिकाऱ्यांनी सोमवारी या परिसराला भेट देऊन पाहाणी केली.
कपिल शर्माने अवैध बांधकाम करताना ऑफिसच्या मागील बाजूस असलेल्या खाडी परिसरातील तिवरांचे जंगल तोडून भराव टाकला आहे. या प्रकरणी वॉचडॉग फाऊंडेशनने वर्सोवा पोलिस ठाणे तसेच राज्य कांदळवन व वनविभागाकडे कपिलच्या विरोधात तक्रार दाखल केली होती. त्याची दखल घेत या विभागाचे अधिकारी मकरंद घोडके यांनी सरदार वल्लभभाई पटेल नगर व आरामनगर परिसराची शुक्रवारी दुपारी पाहाणी केली.
या पाहणीत ३०० ते ४०० मीटर परिसरात बंगल्यांच्या बांधकामांसाठी तिवरांची कत्तल झाली असल्याचे आढळून आले आहे, अशी माहिती वॉचडॉग फाऊंडेशनचे अध्यक्ष गॉडफ्रे पिमेंटा यांनी दिली. घोडके हे या पाहाणीचा अहवाल राज्य कांदळवन व वनविभागाचे प्रमुख एन. वासुदेवन यांना सादर करणार असल्याचे पिमेंटा यांनी सांगितले.
समाजवादी पक्षाची नोटीस
ऑफिसच्या बांधकामासाठी महापालिकेच्या अधिकाऱ्यांनी आपल्याकडे पाच लाख रुपये लाच मागितल्याचा आरोप करणाऱ्या कपिल शर्मा यांना आपला आरोप सिद्ध करता आलेला नाही. त्यामुळे त्यांच्यावर कायदेशीर कारवाई करावी, अशी मागणी समाजवादी पक्षाचे पालिकेतील गटनेते रईस शेख यांनी पालिका आयुक्ताकडे केली आहे.