म. टा. खास प्रतिनिधी, मुंबई
पारंपरिक मच्छिमारांचा व्यवसाय अडचणीत आणणारी पर्ससीन जाळी व एलईडी दिव्यांनी बेकायदा मासेमारी अद्यापही सुरू आहे. कायदा असूनच प्रशासन ठोस कारवाई करीत नाही. त्यामुळे आता आम्ही स्वत: कारवाई करू, असा इशारा देत कोळी बांधव आक्रमक झाले आहेत.
महाराष्ट्र मच्छिमार कृती समिती, ठाणे जिल्हा मच्छिमार मध्यवर्ती सहकारी संघ व ठाणे जिल्हा मच्छिमार समाज संघाची अलीकडेच संयुक्त बैठक झाली. त्यामध्ये कायदा असतानाही कारवाई होत नसल्याबद्दल प्रशासनाविरुद्ध रोष व्यक्त करण्यात आला. कारवाई होत नसल्यास आपण स्वत: नौका पकडून त्या प्रशासनाच्या ताब्यात द्यायच्या, असा निर्णय उपस्थित मच्छिमारांनी यावेळी घेतला. याखेरीज डिझेल कोट्याबाबतही बैठकीत चर्चा झाली. २०२२ अखेरपर्यंतचा डिझेल कोटा सरकारने मंजूर केला आहे. त्यामुळे १२० अश्वशक्ती असलेल्या नौकांना तत्काळ डिझेलवरील परतावा मिळाला पाहीजे, अशी मागणी यावेळी करण्यात आली.
महाराष्ट्र मच्छिमार कृषी समितीचे कार्याध्यक्ष रामकृष्ण तांडेल, सरचिटणीस किरण कोळी, ठाणे जिल्हा मच्छिमार सहकारी संघाचे अध्यक्ष जयकुमार भाय, ठाणे जिल्हा मच्छिमार समाज संघाचे अध्यक्ष जगदीश नाईक, नॅशनल फिशरवर्क फेडरेशनच्या महिला संघटक ज्योती मेहेर, पूर्णिमा मेहेर, उपाध्यक्ष राजेन मेहेर, उपाध्यक्ष अशोक अंभिरे, सदानंद तरे, विजय थाटू, संजय कोळी आदी कोळी व मच्छिमार नेते तसेच कार्यकर्ते यावेळी उपस्थित होते.
पारंपरिक मच्छिमारांचा व्यवसाय अडचणीत आणणारी पर्ससीन जाळी व एलईडी दिव्यांनी बेकायदा मासेमारी अद्यापही सुरू आहे. कायदा असूनच प्रशासन ठोस कारवाई करीत नाही. त्यामुळे आता आम्ही स्वत: कारवाई करू, असा इशारा देत कोळी बांधव आक्रमक झाले आहेत.
महाराष्ट्र मच्छिमार कृती समिती, ठाणे जिल्हा मच्छिमार मध्यवर्ती सहकारी संघ व ठाणे जिल्हा मच्छिमार समाज संघाची अलीकडेच संयुक्त बैठक झाली. त्यामध्ये कायदा असतानाही कारवाई होत नसल्याबद्दल प्रशासनाविरुद्ध रोष व्यक्त करण्यात आला. कारवाई होत नसल्यास आपण स्वत: नौका पकडून त्या प्रशासनाच्या ताब्यात द्यायच्या, असा निर्णय उपस्थित मच्छिमारांनी यावेळी घेतला. याखेरीज डिझेल कोट्याबाबतही बैठकीत चर्चा झाली. २०२२ अखेरपर्यंतचा डिझेल कोटा सरकारने मंजूर केला आहे. त्यामुळे १२० अश्वशक्ती असलेल्या नौकांना तत्काळ डिझेलवरील परतावा मिळाला पाहीजे, अशी मागणी यावेळी करण्यात आली.
महाराष्ट्र मच्छिमार कृषी समितीचे कार्याध्यक्ष रामकृष्ण तांडेल, सरचिटणीस किरण कोळी, ठाणे जिल्हा मच्छिमार सहकारी संघाचे अध्यक्ष जयकुमार भाय, ठाणे जिल्हा मच्छिमार समाज संघाचे अध्यक्ष जगदीश नाईक, नॅशनल फिशरवर्क फेडरेशनच्या महिला संघटक ज्योती मेहेर, पूर्णिमा मेहेर, उपाध्यक्ष राजेन मेहेर, उपाध्यक्ष अशोक अंभिरे, सदानंद तरे, विजय थाटू, संजय कोळी आदी कोळी व मच्छिमार नेते तसेच कार्यकर्ते यावेळी उपस्थित होते.