मुंबई: आर्थिक मंदी, मालमत्ता कर, बांधकाम क्षेत्रातून कमी झालेले उत्पन्न यांसह विविध करांमध्ये आलेल्या तफावतीचा फटका मुंबईतील कोस्टल रोड, गोरेगाव-मुलुंड लिंक रोडसह विविध पायभूत प्रकल्पांना बसला आहे. पालिकेचे उत्पन्न घटल्याने खर्चाचे प्रमाण खाली आहे. त्यामुळे महत्त्वाच्या प्रकल्पांची कामे मागील वर्षभरात पाच ते सात टक्क्यांपेक्षा पुढे सरकू शकलेली नाहीत. सन २०१९-२०चा मुंबई पालिकेचा अर्थसंकल्पीय अंदाजे ३० हजार ६९२ कोटी ५९ लाख इतका होता. त्यातून यंदाच्या डिसेंबरपर्यंत फक्त १२ हजार कोटीच खर्च झाले आहेत. परिणामी पायाभूत सुविधांच्या प्रकल्पांचा खर्च आटला असल्याची माहिती हाती आली आहे.
पालिकेच्या अर्थसंकल्पात नगरसेवक निधीपासून हजारो कोटी रुपयांची तरतूद विकास प्रकल्पांसाठी केली जाते. वर्षाच्या मार्च महिन्यापर्यंत खर्च केले जातात. त्याचा ताळेबंद पालिका सुधारित अर्थसंकल्पात मांडत असते. मागील वर्षीच्या म्हणजे सन २०१८-१९च्या तुलनेत सन २०१९-२०चा अर्थसंकल्पीय अंदाज आणि खर्चाचे प्रमाण याची माहिती घेतल्यावर यंदा खर्चाचे प्रमाण कमी असल्याचे आढळून आले आहे. सन २०१८-१९मध्ये पालिकेचा अर्थसंकल्प २७ हजार २५८ कोटींचा होता. त्यातील २३ हजार ५१९ कोटी खर्च झाले होते. महसुली उत्पन्न २२ हजार ९४५ कोटी असून, महसुली खर्च १५ हजार ७९७ कोटी ८३ लाख इतका झाला आहे. भांडवली उत्पन्न ५७४ कोटी असून, भांडवली खर्च ७ हजार ७९७ कोटी ५६ लाख इतका आहे. २०१९-२०मध्ये डिसेंबरपर्यंतचा खर्च पाहता यंदा खर्चात लक्षणीय घट झाली आहे.
या विकासकामांना फटका
कोस्टल रोड
गोरेगाव-मुलुंड लिंक रोड
देवनार कचऱ्यातून वीजनिर्मिती
मुंबई मलनि:सारण प्रकल्प
गारगाई-पिंजाळ प्रकल्प
चेंबूर ते ट्रॉम्बे आणि वडाळा
मोठ्या जलवाहिन्यांची कामे
पालिकेच्या अर्थसंकल्पात नगरसेवक निधीपासून हजारो कोटी रुपयांची तरतूद विकास प्रकल्पांसाठी केली जाते. वर्षाच्या मार्च महिन्यापर्यंत खर्च केले जातात. त्याचा ताळेबंद पालिका सुधारित अर्थसंकल्पात मांडत असते. मागील वर्षीच्या म्हणजे सन २०१८-१९च्या तुलनेत सन २०१९-२०चा अर्थसंकल्पीय अंदाज आणि खर्चाचे प्रमाण याची माहिती घेतल्यावर यंदा खर्चाचे प्रमाण कमी असल्याचे आढळून आले आहे. सन २०१८-१९मध्ये पालिकेचा अर्थसंकल्प २७ हजार २५८ कोटींचा होता. त्यातील २३ हजार ५१९ कोटी खर्च झाले होते. महसुली उत्पन्न २२ हजार ९४५ कोटी असून, महसुली खर्च १५ हजार ७९७ कोटी ८३ लाख इतका झाला आहे. भांडवली उत्पन्न ५७४ कोटी असून, भांडवली खर्च ७ हजार ७९७ कोटी ५६ लाख इतका आहे. २०१९-२०मध्ये डिसेंबरपर्यंतचा खर्च पाहता यंदा खर्चात लक्षणीय घट झाली आहे.
कोस्टल रोड
गोरेगाव-मुलुंड लिंक रोड
देवनार कचऱ्यातून वीजनिर्मिती
मुंबई मलनि:सारण प्रकल्प
गारगाई-पिंजाळ प्रकल्प
चेंबूर ते ट्रॉम्बे आणि वडाळा
मोठ्या जलवाहिन्यांची कामे