मुंबई :
आयकर विभागाने अभिनेता शाहरुख खानच्या अलिबागमधील 'डेजा वू' फार्महाऊसवर कारवाईचे पाऊल उचलताना हे फार्महाऊस तात्पुरते सील केले आहे. शाहरुखला या कारवाईबाबत डिसेंबर महिन्यातच नोटीस देण्यात आली होती. दरम्यान, शाहरुखला त्याचे म्हणणे मांडण्यासाठी ९० दिवसांची मुदत देण्यात आली असून या मुदतीत समाधानकारक उत्तर न मिळाल्यास हे फार्महाऊस कायमस्वरूपी सील केले जाणार आहे.
सील करण्यात आलेल्या फार्महासऊसची किंमत १४६.७ कोटी इतकी दाखवण्यात आली असून बाजारभावानुसार ही किंमत पाचपट अधिक असल्याचे एका अधिकाऱ्याने सांगितले. बेनामी मालमत्ता व्यवहार प्रतिबंधक कायद्यान्वये या फार्महाऊसवर कारवाई करण्यात आली असल्याचेही सांगण्यात आले. शेतीसाठी जमीन खरेदी केली असताना शाहरुखने त्यावर भव्य असा बंगला उभारला. तसेच हा बंगला बांधताना सीआरझेड नियमांचे उल्लंघन करण्यात आले. कागदपत्रांमध्ये फेरफार करण्यात आले, असेही सांगण्यात येत आहे.
शाहरुखचे हे फार्महाऊस ५ एकरमध्ये पसरलेले आहे. यात स्विमिंग पूल, हेलिपॅड अशा सुविधा आहेत. याच फार्महाऊसवर नोव्हेंबर महिन्यात शाहरुखने आपल्या वाढदिवसाची जंगी पार्टी दिली होती.
आयकर विभागाने अभिनेता शाहरुख खानच्या अलिबागमधील 'डेजा वू' फार्महाऊसवर कारवाईचे पाऊल उचलताना हे फार्महाऊस तात्पुरते सील केले आहे. शाहरुखला या कारवाईबाबत डिसेंबर महिन्यातच नोटीस देण्यात आली होती. दरम्यान, शाहरुखला त्याचे म्हणणे मांडण्यासाठी ९० दिवसांची मुदत देण्यात आली असून या मुदतीत समाधानकारक उत्तर न मिळाल्यास हे फार्महाऊस कायमस्वरूपी सील केले जाणार आहे.
सील करण्यात आलेल्या फार्महासऊसची किंमत १४६.७ कोटी इतकी दाखवण्यात आली असून बाजारभावानुसार ही किंमत पाचपट अधिक असल्याचे एका अधिकाऱ्याने सांगितले. बेनामी मालमत्ता व्यवहार प्रतिबंधक कायद्यान्वये या फार्महाऊसवर कारवाई करण्यात आली असल्याचेही सांगण्यात आले. शेतीसाठी जमीन खरेदी केली असताना शाहरुखने त्यावर भव्य असा बंगला उभारला. तसेच हा बंगला बांधताना सीआरझेड नियमांचे उल्लंघन करण्यात आले. कागदपत्रांमध्ये फेरफार करण्यात आले, असेही सांगण्यात येत आहे.
शाहरुखचे हे फार्महाऊस ५ एकरमध्ये पसरलेले आहे. यात स्विमिंग पूल, हेलिपॅड अशा सुविधा आहेत. याच फार्महाऊसवर नोव्हेंबर महिन्यात शाहरुखने आपल्या वाढदिवसाची जंगी पार्टी दिली होती.