मुंबई:
वैद्यकीय क्षेत्रात शल्यविशारद म्हणून काम करण्यामध्ये पुरुषांची आतापर्यंत आघाडी होती. आता मात्र यात महिला डॉक्टरांचा सहभाग वाढला आहे. मुली शल्यविशारद म्हणून काम करण्यासाठी पुढे येत आहेत. एमबीबीएसनंतर तीन वर्षे व विशेष प्रावीण्य मिळवण्यासाठी अतिरिक्त तीन वर्षांचा द्यावा लागणारा काळ, शस्त्रक्रिया शिकण्यासाठी असावी लागणारी चिकाटी महिलांकडे नसते, त्यामुळे त्या या क्षेत्राकडे वळत नाहीत, असा दावा केला जात होता. मात्र तो आता फोल ठरतो आहे.
स्त्री रोग तज्ज्ञ, प्रसूती शास्त्र आणि नेत्रविभागामध्ये प्रावीण्य मिळवण्यासाठी डॉक्टर मुली प्रय़त्न करतात. हे चित्र आता बदलते आहे. फोरेन्सिक सायन्स, पोटविकाराच्या विविध शस्त्रक्रिया, लहान मुलांच्या हृदयशस्त्रक्रिया, बेरिअॅट्रिक्स, न्यूरो यासारख्या विभागांमध्येही शल्यविशारद म्हणून महिला अधिक सक्षमतेने काम करताना दिसत आहेत. अस्थिव्यंगाच्या शस्त्रक्रिया अधिक किचकट व वेळखाऊ असतात. त्यात शारीरिक क्षमताही अधिक लागते. त्यामुळे मुलींचा त्या क्षेत्राकडे कल नव्हता. आता हे चित्र बदलते आहे. बेरिअॅट्रिक लेप्रोस्कोपीसारख्या नव्याने आलेल्या क्षेत्रामध्ये कार्यरत असलेल्या डॉ. अपर्णा भास्कर यांना मात्र हे आव्हान स्वीकारावेसे वाटले.
दीर्घकाळ चालणारी प्रॅक्टिकल्स, मुलींसाठी स्वतंत्र आरामकक्षाची सुविधा नसल्याने अनेक मुली या क्षेत्रापासून दूर राहत होत्या. आता मात्र ही मानसिकता बदलते आहे. मुलींचा या क्षेत्रातील सहभाग लक्षात घेऊन वैद्यकीय शिक्षणसंस्थांमध्येही बदल होत आहे. नागपूर येथे मेंदूविकारावरील शस्त्रक्रिया करणाऱ्या डॉ. पायल गोरे यांना शस्त्रक्रियांतील गुंतागुंत महिला डॉक्टर अधिक कौशल्याने व कुशलपणे समजून घेऊ शकते असे वाटते. लहान मुलांच्या हृदयशस्त्रक्रिया करणाऱ्या डॉ. स्वाती गरेकर यांनीही हृदयामध्ये दोष असलेल्या अनेक लहान मुलांवर शस्त्रक्रिया करून त्यांना जीवनदान दिले आहे.
वैद्यकीय क्षेत्रात शल्यविशारद म्हणून काम करण्यामध्ये पुरुषांची आतापर्यंत आघाडी होती. आता मात्र यात महिला डॉक्टरांचा सहभाग वाढला आहे. मुली शल्यविशारद म्हणून काम करण्यासाठी पुढे येत आहेत. एमबीबीएसनंतर तीन वर्षे व विशेष प्रावीण्य मिळवण्यासाठी अतिरिक्त तीन वर्षांचा द्यावा लागणारा काळ, शस्त्रक्रिया शिकण्यासाठी असावी लागणारी चिकाटी महिलांकडे नसते, त्यामुळे त्या या क्षेत्राकडे वळत नाहीत, असा दावा केला जात होता. मात्र तो आता फोल ठरतो आहे.
स्त्री रोग तज्ज्ञ, प्रसूती शास्त्र आणि नेत्रविभागामध्ये प्रावीण्य मिळवण्यासाठी डॉक्टर मुली प्रय़त्न करतात. हे चित्र आता बदलते आहे. फोरेन्सिक सायन्स, पोटविकाराच्या विविध शस्त्रक्रिया, लहान मुलांच्या हृदयशस्त्रक्रिया, बेरिअॅट्रिक्स, न्यूरो यासारख्या विभागांमध्येही शल्यविशारद म्हणून महिला अधिक सक्षमतेने काम करताना दिसत आहेत. अस्थिव्यंगाच्या शस्त्रक्रिया अधिक किचकट व वेळखाऊ असतात. त्यात शारीरिक क्षमताही अधिक लागते. त्यामुळे मुलींचा त्या क्षेत्राकडे कल नव्हता. आता हे चित्र बदलते आहे. बेरिअॅट्रिक लेप्रोस्कोपीसारख्या नव्याने आलेल्या क्षेत्रामध्ये कार्यरत असलेल्या डॉ. अपर्णा भास्कर यांना मात्र हे आव्हान स्वीकारावेसे वाटले.
दीर्घकाळ चालणारी प्रॅक्टिकल्स, मुलींसाठी स्वतंत्र आरामकक्षाची सुविधा नसल्याने अनेक मुली या क्षेत्रापासून दूर राहत होत्या. आता मात्र ही मानसिकता बदलते आहे. मुलींचा या क्षेत्रातील सहभाग लक्षात घेऊन वैद्यकीय शिक्षणसंस्थांमध्येही बदल होत आहे. नागपूर येथे मेंदूविकारावरील शस्त्रक्रिया करणाऱ्या डॉ. पायल गोरे यांना शस्त्रक्रियांतील गुंतागुंत महिला डॉक्टर अधिक कौशल्याने व कुशलपणे समजून घेऊ शकते असे वाटते. लहान मुलांच्या हृदयशस्त्रक्रिया करणाऱ्या डॉ. स्वाती गरेकर यांनीही हृदयामध्ये दोष असलेल्या अनेक लहान मुलांवर शस्त्रक्रिया करून त्यांना जीवनदान दिले आहे.