म. टा. प्रतिनिधी, मुंबई
रेल्वे तिकीट असो की स्थानकातील प्रतीक्षालयाचे बुकिंग, ट्रेनची चौकशी असो वा आरक्षणांबाबत समस्या, या सर्व प्रकारच्या अडचणी आता एका क्लिकवर प्रवाशांना सोडवता येतील. प्रवाशांच्या तक्रारींचे तातडीने निवारण करण्यासाठी रेल्वे सूचना प्रणाली केंद्राने 'रेल मदद' हे मोबाइल अॅप विकसित केले आहे. आपण केलेल्या तक्रारींचे पुढे काय झाले याचा पाठपुरावा करणे प्रवाशांना या अॅपच्या मदतीने शक्य होणार आहे.
मेल-एक्स्प्रेसमधील वातानुकूलित डब्यांमध्ये अस्वच्छता, महिला डब्यात पुरुष प्रवासी व फेरीवाल्यांची घुसखोरी या आणि अशा अनेक अडचणींचा सामना रेल्वे प्रवाशांना करावा लागतो. अशा अडचणींवरून ट्विटरवर रोज प्रवाशांच्या तक्रारींचा खच पडतो. त्यातील काही तक्रारी सोडवण्यात येतात. मात्र, काही तक्रारींची अपुरी माहिती असल्याने त्या सोडवल्या जात नाहीत. उर्वरित काही तक्रारी संबंधित अधिकाऱ्यांना टॅग करून 'या प्रकरणी लक्ष द्या', असे ठेवणीतील उत्तर देण्यात येते. अशा उत्तरांमुळे प्रवाशांच्या मनस्तापात आणखी भर पडते.
या सर्व आव्हानांची माहिती घेऊनच 'रेल मदद' अॅप विकसित करण्यात आले आहे. या अॅपमध्ये प्रवाशांना फोटोसह (५ एमबीपर्यंत) तक्रार अपलोड करण्याची सुविधा देण्यात आली आहे. याचबरोबर प्रवासाचा तपशील, तारीख, वेळ, वार ही महत्त्वपूर्ण माहितीही नोंदवण्याची सोय या अॅपमध्ये देण्यात आली आहे.
ज्येष्ठ नागरिक आणि गरोदर महिलांना प्रवासात तत्काळ मदत मिळावी म्हणून एका क्लिकवर वैद्यकीय मदतीसाठी १३९ हा क्रमांक साधण्याची विशेष व्यवस्था या अॅपमध्ये आहे. रेल्वे स्थानके आणि लोकल, मेल-एक्स्प्रेस गाड्यांमधील सुधारणांसाठी आवश्यक त्या सूचना सुचवण्यासाठीच्या विशेष टॅबचाही अॅपमध्ये समावेश करण्यात आला आहे.
असे वापरा अॅप...
-'रेल मदद' प्ले स्टोअरवर उपलब्ध आहे.
-प्ले स्टोअरमधून डाऊनलोड केल्यानंतर या अॅपमध्ये 'लॉग इन' आणि 'साईन अप' असे पर्याय दिसतात.
-एकदा लॉग इन केल्यानंतर सर्वसामान्यांना या अॅपची सुविधा घेता येणे शक्य आहे.
-पासवर्ड विसरल्यास तो पुन्हा नव्याने तयार करण्याची सोयही अॅपमध्ये आहे.
प्रवाशांचा चांगला प्रतिसाद
'रेल मदद अॅप नुकतेच अपडेट करण्यात आले आहे. या अॅपला प्रवाशांचा चांगला प्रतिसाद लाभत आहे. केलेल्या तक्रारींचा पाठपुरावा करण्याची सुविधा असल्याने हे अॅप फायदेशीर ठरत आहे.'
-एस. जे. सिन्हा, महाव्यवस्थापक, वेब अॅप्लिकेशन, रेल्वे सूचना प्रणाली केंद्र
रेल्वे तिकीट असो की स्थानकातील प्रतीक्षालयाचे बुकिंग, ट्रेनची चौकशी असो वा आरक्षणांबाबत समस्या, या सर्व प्रकारच्या अडचणी आता एका क्लिकवर प्रवाशांना सोडवता येतील. प्रवाशांच्या तक्रारींचे तातडीने निवारण करण्यासाठी रेल्वे सूचना प्रणाली केंद्राने 'रेल मदद' हे मोबाइल अॅप विकसित केले आहे. आपण केलेल्या तक्रारींचे पुढे काय झाले याचा पाठपुरावा करणे प्रवाशांना या अॅपच्या मदतीने शक्य होणार आहे.
मेल-एक्स्प्रेसमधील वातानुकूलित डब्यांमध्ये अस्वच्छता, महिला डब्यात पुरुष प्रवासी व फेरीवाल्यांची घुसखोरी या आणि अशा अनेक अडचणींचा सामना रेल्वे प्रवाशांना करावा लागतो. अशा अडचणींवरून ट्विटरवर रोज प्रवाशांच्या तक्रारींचा खच पडतो. त्यातील काही तक्रारी सोडवण्यात येतात. मात्र, काही तक्रारींची अपुरी माहिती असल्याने त्या सोडवल्या जात नाहीत. उर्वरित काही तक्रारी संबंधित अधिकाऱ्यांना टॅग करून 'या प्रकरणी लक्ष द्या', असे ठेवणीतील उत्तर देण्यात येते. अशा उत्तरांमुळे प्रवाशांच्या मनस्तापात आणखी भर पडते.
या सर्व आव्हानांची माहिती घेऊनच 'रेल मदद' अॅप विकसित करण्यात आले आहे. या अॅपमध्ये प्रवाशांना फोटोसह (५ एमबीपर्यंत) तक्रार अपलोड करण्याची सुविधा देण्यात आली आहे. याचबरोबर प्रवासाचा तपशील, तारीख, वेळ, वार ही महत्त्वपूर्ण माहितीही नोंदवण्याची सोय या अॅपमध्ये देण्यात आली आहे.
ज्येष्ठ नागरिक आणि गरोदर महिलांना प्रवासात तत्काळ मदत मिळावी म्हणून एका क्लिकवर वैद्यकीय मदतीसाठी १३९ हा क्रमांक साधण्याची विशेष व्यवस्था या अॅपमध्ये आहे. रेल्वे स्थानके आणि लोकल, मेल-एक्स्प्रेस गाड्यांमधील सुधारणांसाठी आवश्यक त्या सूचना सुचवण्यासाठीच्या विशेष टॅबचाही अॅपमध्ये समावेश करण्यात आला आहे.
असे वापरा अॅप...
-'रेल मदद' प्ले स्टोअरवर उपलब्ध आहे.
-प्ले स्टोअरमधून डाऊनलोड केल्यानंतर या अॅपमध्ये 'लॉग इन' आणि 'साईन अप' असे पर्याय दिसतात.
-एकदा लॉग इन केल्यानंतर सर्वसामान्यांना या अॅपची सुविधा घेता येणे शक्य आहे.
-पासवर्ड विसरल्यास तो पुन्हा नव्याने तयार करण्याची सोयही अॅपमध्ये आहे.
प्रवाशांचा चांगला प्रतिसाद
'रेल मदद अॅप नुकतेच अपडेट करण्यात आले आहे. या अॅपला प्रवाशांचा चांगला प्रतिसाद लाभत आहे. केलेल्या तक्रारींचा पाठपुरावा करण्याची सुविधा असल्याने हे अॅप फायदेशीर ठरत आहे.'
-एस. जे. सिन्हा, महाव्यवस्थापक, वेब अॅप्लिकेशन, रेल्वे सूचना प्रणाली केंद्र