म. टा. खास प्रतिनिधी, मुंबई
गणेशमूर्तींपासून पूजासाहित्यापर्यंत प्रत्येक खरेदीत गणेशभक्तांना महागाईचा सामना करावा लागत आहे. कापूर, कापसाच्या वाती, अगरबत्तींचे दर गेल्या वर्षीच्या तुलनेत मोठ्या प्रमाणावर वाढले आहेत.
कापराचे दर प्रति पाव किलोमागे सुमारे १०० रु.पर्यंत वाढले आहेत. पाव किलो कापरासाठी आता २५०-३०० रुपयांपासून ४०० रु.पर्यंत दर सांगितला जात आहे. कापूर ज्वलनशील असल्याने त्यावर १८ टक्के जीएसटी लागू होतो. त्यामुळे ही किंमत वाढली असल्याचे सांगण्यात येते. अगरबत्तीचे दरही ४०० रुपये किलो ते १००० रुपये किलो दरम्यान आहेत. अगरबत्तीवरही पाच टक्के जीएसटी लागू होतो. गेल्या वर्षी ३०० रुपयांना मिळणारा अगरबत्तीचा पुडा यंदा ५०० ते ५२५ रुपयांवर पोहोचला आहे. पूजेचा संपूर्ण संचही २५० ते ३०० रु.वरून ५० ते १०० रु.नी महागला आहे.
गणेशवस्त्रांच्या किमतीही वाढल्या
गणेशभक्तांना गणेशोत्सवाच्या खरेदीसाठी अधिक खर्च करावा लागत आहे. गणेशवस्त्रांच्या किमतीही यंदा वाढल्या आहेत.
गेल्या वर्षीपर्यंत ७ रुपयांना मिळणारे वातींचे पाकीट यंदा १० रुपयांपासून पुढे उपलब्ध आहे. गणपतीच्या मूर्तीवर चढवण्याचे वस्त्रही महागले आहे. या वस्त्राची किंमत त्यावरील कलाकुसरीप्रमाणे वाढते. ती यंदा १५०-२०० रु.पर्यंत पोहोचली आहे. मूर्तीचा आकार, मूर्तीवरील कलाकुसर, मखर यामध्ये थोडीशी कपात करून खर्चावर नियंत्रण आणले तरी पूजेचे साहित्य ही प्राथमिक गरज असते. त्याच्या खर्चात कशी कपात करणार असा प्रश्न गणेशभक्तांना पडला आहे.
गणेशमूर्तींपासून पूजासाहित्यापर्यंत प्रत्येक खरेदीत गणेशभक्तांना महागाईचा सामना करावा लागत आहे. कापूर, कापसाच्या वाती, अगरबत्तींचे दर गेल्या वर्षीच्या तुलनेत मोठ्या प्रमाणावर वाढले आहेत.
कापराचे दर प्रति पाव किलोमागे सुमारे १०० रु.पर्यंत वाढले आहेत. पाव किलो कापरासाठी आता २५०-३०० रुपयांपासून ४०० रु.पर्यंत दर सांगितला जात आहे. कापूर ज्वलनशील असल्याने त्यावर १८ टक्के जीएसटी लागू होतो. त्यामुळे ही किंमत वाढली असल्याचे सांगण्यात येते. अगरबत्तीचे दरही ४०० रुपये किलो ते १००० रुपये किलो दरम्यान आहेत. अगरबत्तीवरही पाच टक्के जीएसटी लागू होतो. गेल्या वर्षी ३०० रुपयांना मिळणारा अगरबत्तीचा पुडा यंदा ५०० ते ५२५ रुपयांवर पोहोचला आहे. पूजेचा संपूर्ण संचही २५० ते ३०० रु.वरून ५० ते १०० रु.नी महागला आहे.
गणेशवस्त्रांच्या किमतीही वाढल्या
गणेशभक्तांना गणेशोत्सवाच्या खरेदीसाठी अधिक खर्च करावा लागत आहे. गणेशवस्त्रांच्या किमतीही यंदा वाढल्या आहेत.
गेल्या वर्षीपर्यंत ७ रुपयांना मिळणारे वातींचे पाकीट यंदा १० रुपयांपासून पुढे उपलब्ध आहे. गणपतीच्या मूर्तीवर चढवण्याचे वस्त्रही महागले आहे. या वस्त्राची किंमत त्यावरील कलाकुसरीप्रमाणे वाढते. ती यंदा १५०-२०० रु.पर्यंत पोहोचली आहे. मूर्तीचा आकार, मूर्तीवरील कलाकुसर, मखर यामध्ये थोडीशी कपात करून खर्चावर नियंत्रण आणले तरी पूजेचे साहित्य ही प्राथमिक गरज असते. त्याच्या खर्चात कशी कपात करणार असा प्रश्न गणेशभक्तांना पडला आहे.