परेश रावल यांच्या ट्विटवरून वाद

मटा ऑनलाइन वृत्त । मुंबई

आपल्या विनोदी अभिनयाने सर्वांना हसवणारे अभिनेते परेश रावल हे एका ट्विटमुळे वादात सापडले आहेत. प्रसिद्ध लेखिका अरुंधती रॉय यांच्याबद्दल जळजळीत ट्विट केल्याने परेश रावल चर्चेत आले आहेत.

काश्मीरमध्ये दगडफेकीपासून वाचण्यासाठी लष्कराने एका आंदोलकाला जीपला बांधून फिरवले होते. लष्कराच्या या कारवाईवरून मोठा वाद निर्माण झाला होता आणि त्याच्या चौकशीचे आदेशही देण्यात आले होते. गेल्या महिन्यात हे प्रकरण घडले होते. पण आता अभिनेते परेश रावल यांनी या प्रकरणाशी संबंधित अरुंधती राय यांच्यावर ट्विट केले आहे. दगडफेक करणाऱ्या आंदोलकांना जीपला बांधण्याऐवजी अरुंधती रॉयला बांधा, असं ट्विट रावल यांनी केलंय.
Instead of tying stone pelter on the army jeep tie Arundhati Roy ! — Paresh Rawal (@SirPareshRawal) May 21, 2017
परेश रावल यांचे हे ट्विट आतापर्यंत २, ६७१ जणांनी रिट्विट केलं आहे. तर पाच हजाराहून अधिक जणांनी लाइक केलं. पण काहींनी रावल यांचे हे ट्विट हिंसात्मक असल्याचे म्हटले आहे.