म. टा. खास प्रतिनिधी, मुंबई
लांब पल्ल्याच्या मार्गावरील प्रवाशांना अत्याधुनिक सेवासुविधा देण्यासाठी इंडियन रेल्वे केटरिंग अँड टुरिझम कॉर्पोरेशनतर्फे (आयआरसीटीसी) अनेक योजना राबवल्या जात आहेत. त्यात प्रवासात खाद्यपदार्थ पुरवण्याप्रमाणेच उत्तम दर्जाच्या विश्रांतीगृहासारख्या सेवांचाही समावेश आहे. या वैविध्यपूर्ण सेवांच्या दर्जाबाबत काही सूचना असल्यास त्या कळवण्याचे आवाहन आयआरसीटीसीतर्फे प्रवाशांना करण्यात आले आहे.
भारतीय रेल्वेच्या प्रवाशांना आयआरसीटीसीकडून विविध सेवा पुरवल्या जातात. त्यात आहार, स्टेशन्सवर बाटलीबंद पाणी, अद्ययावत विश्रांतीगृहे यांसह इतर अनेक सेवा पुरवल्या जातात. या सेवा ऑनलाइनही उपलब्ध करण्यात आल्या आहेत. ऑनलाइन आरक्षण सेवेमुळे मेल/एक्स्प्रेसममध्ये रेल्वे सेवेशी जोडलेल्या अनेक ब्रँड्सच्या रेस्तराँमधून खाद्यपदार्थांची ऑर्डर देणे शक्य झाले आहे.
तसेच, देशभरातील ४०० प्रमुख स्टेशन्सवरील विश्रांतीगृहांची जबाबदारीदेखील सर्वस्वी आयआरसीटीसीकडून पाहिली जाणार आहे. प्रवाशांच्या सुविधेसाठी आधुनिक विश्रांतीगृहे पुरवण्याची तयारी चालवली आहे. या सर्व सेवांची जबाबदारी उचलणाऱ्या आयआरसीटीसीने त्यासंदर्भात प्रवाशांना सूचना पाठवण्याचे आवाहन केले आहे. या सूचनांनुसार सेवेतील त्रुटी दूर करणे शक्य होईल, असे आयआरसीटीसीने स्पष्ट केले आहे.
आयआरसीटीसीने मेल/एक्स्प्रेसमधील खाद्यपदार्थांविषयी tc@irctc.co.in या ईमेल आयडीवर, ई-कॅटरिंग सेवेविषयी ec@irctc.co.in वर, तर विश्रांतीगृहांविषयी el@irctc.co.in, rr@irctc.co.in या ईमेल आयडीर सूचना पाठवण्याचे आवाहन करण्यात आले आहे.
या सेवांप्रमाणेच देशभरातील अन्य रेल्वे सेवांविषयीही सूचना देण्याचे आवाहन आयआरसीटीसीतर्फे करण्यात आले आहे. त्यात, गाड्यांचा वेग, स्वच्छता, सुविधा आदींचा समावेश आहे. त्यासाठी प्रवाशांनी happyjourney@irctc.co.in येथे ईमेल पाठवण्याचे आवाहन केले आहे.
लांब पल्ल्याच्या मार्गावरील प्रवाशांना अत्याधुनिक सेवासुविधा देण्यासाठी इंडियन रेल्वे केटरिंग अँड टुरिझम कॉर्पोरेशनतर्फे (आयआरसीटीसी) अनेक योजना राबवल्या जात आहेत. त्यात प्रवासात खाद्यपदार्थ पुरवण्याप्रमाणेच उत्तम दर्जाच्या विश्रांतीगृहासारख्या सेवांचाही समावेश आहे. या वैविध्यपूर्ण सेवांच्या दर्जाबाबत काही सूचना असल्यास त्या कळवण्याचे आवाहन आयआरसीटीसीतर्फे प्रवाशांना करण्यात आले आहे.
भारतीय रेल्वेच्या प्रवाशांना आयआरसीटीसीकडून विविध सेवा पुरवल्या जातात. त्यात आहार, स्टेशन्सवर बाटलीबंद पाणी, अद्ययावत विश्रांतीगृहे यांसह इतर अनेक सेवा पुरवल्या जातात. या सेवा ऑनलाइनही उपलब्ध करण्यात आल्या आहेत. ऑनलाइन आरक्षण सेवेमुळे मेल/एक्स्प्रेसममध्ये रेल्वे सेवेशी जोडलेल्या अनेक ब्रँड्सच्या रेस्तराँमधून खाद्यपदार्थांची ऑर्डर देणे शक्य झाले आहे.
तसेच, देशभरातील ४०० प्रमुख स्टेशन्सवरील विश्रांतीगृहांची जबाबदारीदेखील सर्वस्वी आयआरसीटीसीकडून पाहिली जाणार आहे. प्रवाशांच्या सुविधेसाठी आधुनिक विश्रांतीगृहे पुरवण्याची तयारी चालवली आहे. या सर्व सेवांची जबाबदारी उचलणाऱ्या आयआरसीटीसीने त्यासंदर्भात प्रवाशांना सूचना पाठवण्याचे आवाहन केले आहे. या सूचनांनुसार सेवेतील त्रुटी दूर करणे शक्य होईल, असे आयआरसीटीसीने स्पष्ट केले आहे.
आयआरसीटीसीने मेल/एक्स्प्रेसमधील खाद्यपदार्थांविषयी tc@irctc.co.in या ईमेल आयडीवर, ई-कॅटरिंग सेवेविषयी ec@irctc.co.in वर, तर विश्रांतीगृहांविषयी el@irctc.co.in, rr@irctc.co.in या ईमेल आयडीर सूचना पाठवण्याचे आवाहन करण्यात आले आहे.
या सेवांप्रमाणेच देशभरातील अन्य रेल्वे सेवांविषयीही सूचना देण्याचे आवाहन आयआरसीटीसीतर्फे करण्यात आले आहे. त्यात, गाड्यांचा वेग, स्वच्छता, सुविधा आदींचा समावेश आहे. त्यासाठी प्रवाशांनी happyjourney@irctc.co.in येथे ईमेल पाठवण्याचे आवाहन केले आहे.