सीबीएफसी बोर्डाच्या बनावट प्रमाणपत्रांनी पायरसीला बळ
Soumitra.pote@timesgroup.com
हिंदी सिनेसृष्टीला भेडसावणारी पायरसीची कीड अद्याप थांबण्याचे नाव घेत नसल्याचे पुन्हा एकदा सिद्ध झाले आहे. चित्रपट प्रदर्शित होऊन एक दिवस उलटण्यापूर्वीच सुजॉय घोष दिग्दर्शित ‘कहानी २’ या चित्रपटाची पायरेटेड कॉपी बाजारात आली आहे. इतकेच नव्हे, तर सीबीएफसी बोर्डाच्या बनावट प्रमाणपत्रांनी या पायरसीला उघड बळ दिले आहे.
विद्या बालन, अर्जुन रामपाल यांची मुख्य भूमिका असलेला ‘कहानी २’ दोन डिसेंबरला सिनेमागृहात लागला. हा चित्रपट लागून २४ तास उलटण्यापूर्वीच मुंबईच्या बाजारांत या चित्रपटाच्या पायरेटेड सीडीज अवतरल्या आहेत. या सीडीमधील चित्रपटाचा दर्जा चांगला असून, सुरुवातीला दाखवले जाणारे सेन्सॉर बोर्डाचे प्रमाणपत्रही बनावट आहे. विशेष म्हणजे, बाजारात ‘डिअर जिंदगी’, ‘कहानी २’ आणि ‘वजह तुम हो’ या चित्रपटांचा कॉम्बो पॅकही मिळतो. ‘कहानी २’चे निर्माते जयंतीलाल गाडा यांनीही या प्रकाराची गंभीर नोंद घेतली आहे. याबाबत खास ‘मटा’शी बोलताना ते म्हणाले, ‘आमच्याकडेही पायरसी झाल्याची माहिती आली आहे. माझी टीम पोलिसांच्या सायबर टीमसोबत संपर्क साधून आहे. ही पायरसी ऑनलाइनवरून झालेली आहे. जवळपास १० पोर्टल्सवरून हा चित्रपट दाखवला जात होता. पैकी सात पोर्टल्सवरून आम्ही ही फिल्म काढली आहे. सगळ्यात आधी हे सोर्स बंद करणे आवश्यक आहे. बाजारात आलेल्या सीडीजबाबत आता काहीही करता येणार नाही.’
‘डिअर जिंदगी’ही बनावट
‘कहानी २’सारखाच फटका गौरी शिंदे दिग्दर्शित ‘डिअर जिंदगी’लाही बसला आहे. या चित्रपटाच्या पायरेटेड सीडीमधील सेन्सॉरचे प्रमाणपत्रही बनावट असून, ते २५ नोव्हेंबर २०१६चे आहे. वस्तुतः याच दिवशी हा चित्रपट प्रदर्शित झाला होता.
Soumitra.pote@timesgroup.com
हिंदी सिनेसृष्टीला भेडसावणारी पायरसीची कीड अद्याप थांबण्याचे नाव घेत नसल्याचे पुन्हा एकदा सिद्ध झाले आहे. चित्रपट प्रदर्शित होऊन एक दिवस उलटण्यापूर्वीच सुजॉय घोष दिग्दर्शित ‘कहानी २’ या चित्रपटाची पायरेटेड कॉपी बाजारात आली आहे. इतकेच नव्हे, तर सीबीएफसी बोर्डाच्या बनावट प्रमाणपत्रांनी या पायरसीला उघड बळ दिले आहे.
विद्या बालन, अर्जुन रामपाल यांची मुख्य भूमिका असलेला ‘कहानी २’ दोन डिसेंबरला सिनेमागृहात लागला. हा चित्रपट लागून २४ तास उलटण्यापूर्वीच मुंबईच्या बाजारांत या चित्रपटाच्या पायरेटेड सीडीज अवतरल्या आहेत. या सीडीमधील चित्रपटाचा दर्जा चांगला असून, सुरुवातीला दाखवले जाणारे सेन्सॉर बोर्डाचे प्रमाणपत्रही बनावट आहे. विशेष म्हणजे, बाजारात ‘डिअर जिंदगी’, ‘कहानी २’ आणि ‘वजह तुम हो’ या चित्रपटांचा कॉम्बो पॅकही मिळतो. ‘कहानी २’चे निर्माते जयंतीलाल गाडा यांनीही या प्रकाराची गंभीर नोंद घेतली आहे. याबाबत खास ‘मटा’शी बोलताना ते म्हणाले, ‘आमच्याकडेही पायरसी झाल्याची माहिती आली आहे. माझी टीम पोलिसांच्या सायबर टीमसोबत संपर्क साधून आहे. ही पायरसी ऑनलाइनवरून झालेली आहे. जवळपास १० पोर्टल्सवरून हा चित्रपट दाखवला जात होता. पैकी सात पोर्टल्सवरून आम्ही ही फिल्म काढली आहे. सगळ्यात आधी हे सोर्स बंद करणे आवश्यक आहे. बाजारात आलेल्या सीडीजबाबत आता काहीही करता येणार नाही.’
‘डिअर जिंदगी’ही बनावट
‘कहानी २’सारखाच फटका गौरी शिंदे दिग्दर्शित ‘डिअर जिंदगी’लाही बसला आहे. या चित्रपटाच्या पायरेटेड सीडीमधील सेन्सॉरचे प्रमाणपत्रही बनावट असून, ते २५ नोव्हेंबर २०१६चे आहे. वस्तुतः याच दिवशी हा चित्रपट प्रदर्शित झाला होता.