मुंबई :
जे. जे. रुग्णालयातील निवासी डॉक्टरांनी पुकारलेला बेमुदत संप अखेर चौथ्या दिवशी मागे घेण्यात आला आहे. रुग्णाच्या नातेवाईकांनी ड्युटीवरील डॉक्टरला बेदम मारहाण केल्यानंतर या घटनेचा तीव्र निषेध करत डॉक्टर संपावर गेले होते.
वैद्यकीय शिक्षण मंत्री गिरीश महाजन, वैद्यकीय शिक्षण संचालक डॉ. प्रवीण शिनगारे, डॉ. तात्याराव लहाने, जेजे डीन सुधीर ननंदकर आणि निवासी डॉक्टर प्रतिनिधी यांच्यात झालेल्या बैठकीत यशस्वी तोडगा निघाला. संपकरी डॉक्टरांच्या मागण्यांबाबत सरकारकडून लेखी आश्वासन मिळाल्यानंतर डॉक्टरांनी संप मागे घेण्याची घोषणा केली.
या आहेत मागण्या...
सुरक्षा रक्षक वाढविण्यात यावेत, प्रत्येक वॉर्डला एक सुरक्षा रक्षक असावा, अलार्म सिस्टमची पूर्तता लवकरात लवकर करून प्रत्येक ठिकाणी अलर्म सिस्टम असावी, त्यासोबतच हॉस्टेलबाबत समस्या सोडवाव्यात या डॉक्टरांच्या मुख्य मागण्या होत्या. त्यावर सरकारने सकारात्मक प्रतिसाद दिला. 'जेजे'त २८ सुरक्षा रक्षक तत्काळ वाढवून देताना २ महिन्यात अलार्म सिस्टम सुरू करण्यात येईल, असे आश्वासन गिरीश महाजन यांनी दिले.
११०० सुरक्षा रक्षक नेमणार
राज्यभरातील शासकीय रुग्णालयांमध्ये ११०० सुरक्षा रक्षक तैनात करण्यात येतील तसेच सुरक्षा यंत्रणेला सतर्क करण्यासाठी मध्यवर्ती अलार्म सिस्टम कार्यान्वित करण्यात येईल, असे आश्वासनही महाजन यांच्याकडून देण्यात आले.
जे. जे. रुग्णालयातील निवासी डॉक्टरांनी पुकारलेला बेमुदत संप अखेर चौथ्या दिवशी मागे घेण्यात आला आहे. रुग्णाच्या नातेवाईकांनी ड्युटीवरील डॉक्टरला बेदम मारहाण केल्यानंतर या घटनेचा तीव्र निषेध करत डॉक्टर संपावर गेले होते.
वैद्यकीय शिक्षण मंत्री गिरीश महाजन, वैद्यकीय शिक्षण संचालक डॉ. प्रवीण शिनगारे, डॉ. तात्याराव लहाने, जेजे डीन सुधीर ननंदकर आणि निवासी डॉक्टर प्रतिनिधी यांच्यात झालेल्या बैठकीत यशस्वी तोडगा निघाला. संपकरी डॉक्टरांच्या मागण्यांबाबत सरकारकडून लेखी आश्वासन मिळाल्यानंतर डॉक्टरांनी संप मागे घेण्याची घोषणा केली.
या आहेत मागण्या...
सुरक्षा रक्षक वाढविण्यात यावेत, प्रत्येक वॉर्डला एक सुरक्षा रक्षक असावा, अलार्म सिस्टमची पूर्तता लवकरात लवकर करून प्रत्येक ठिकाणी अलर्म सिस्टम असावी, त्यासोबतच हॉस्टेलबाबत समस्या सोडवाव्यात या डॉक्टरांच्या मुख्य मागण्या होत्या. त्यावर सरकारने सकारात्मक प्रतिसाद दिला. 'जेजे'त २८ सुरक्षा रक्षक तत्काळ वाढवून देताना २ महिन्यात अलार्म सिस्टम सुरू करण्यात येईल, असे आश्वासन गिरीश महाजन यांनी दिले.
११०० सुरक्षा रक्षक नेमणार
राज्यभरातील शासकीय रुग्णालयांमध्ये ११०० सुरक्षा रक्षक तैनात करण्यात येतील तसेच सुरक्षा यंत्रणेला सतर्क करण्यासाठी मध्यवर्ती अलार्म सिस्टम कार्यान्वित करण्यात येईल, असे आश्वासनही महाजन यांच्याकडून देण्यात आले.