म. टा. प्रतिनिधी, कोल्हापूर
‘टाइम्स’ वृत्तसमूहाच्या प्रकाशनांचे कोल्हापुरातील मुख्य वितरक जयवंत रामचंद्र लुकतुके ऊर्फ अप्पा (वय ६७) यांचे मंगळवारी अल्पशा आजाराने निधन झाले. त्यांच्या पश्चात पत्नी, मुलगी, जावई असा परिवार आहे.
लुकतुके कुटुंबीय शंभर वर्षांहून अधिक काळ कोल्हापुरात ‘टाइम्स ऑफ इंडिया’ प्रकाशनाचे वितरक म्हणून कार्यरत आहेत. या परिवारातील तिसऱ्या पिढीतील जयवंत लुकतुके हे महाद्वार रोडवरील बी. टी. लुकतुके एजन्सीचे भागीदार होते. गेले काही दिवस ते आजारी होते. सोमवारी मध्यरात्री त्यांची प्राणज्योत मालवली. सकाळी आठच्या सुमारास प्रतिभानगरातील निवासस्थानापासून त्यांची अंत्ययात्रा काढण्यात आली. महाद्वार रोडवरील बी. टी. लुकतुके एजन्सी येथे त्यांच्या मित्रपरिवाराने पार्थिवास पुष्पहार अर्पण करून त्यांना आदरांजली वाहिली.