म. टा. विशेष प्रतिनिधी, मुंबई
माझगाव येथील मफतलाल मिलचा सात एकरचा भूखंड नुकताच महापालिकेच्या ताब्यात आला आहे. यापूर्वी महापालिकेच्या ताब्यात असलेला पोद्दारचा साडेतीन एकर भूखंड अशा एकूण साडेदहा एकर भूखंडावर विस्तारित वीरमाता जिजाबाई भोसले उद्यानात (राणीबाग) लवकरच प्राण्यांची सभा भरली तर नवल वाटू नये. मफतलालचा भूखंड सर्व कायदेशीर प्रक्रिया पूर्ण करून पालिकेच्या हातात आल्याने राणीबागेच्या विस्तारीकरणाचा रखडलेला प्रश्न मार्गी लागणार आहे.
वीरमाता जिजाबाई भोसले उद्यान व प्राणिसंग्रहालय अर्थात राणीबागेजवळ मफतलाल मिलचा २७ हजार २८४.३४ चौरस मीटर (सुमारे सात एकर) भूखंडाच्या हस्तांतरणविरोधातील याचिका उच्च न्यायालयाने फेटाळल्यामुळे या भूखंडावर उद्यान व प्राणिसंग्रहालयाचा विस्तार करण्याच्या पालिकेच्या योजनेला गती मिळणार असल्याचा विश्वास प्रशासनाने व्यक्त केला आहे. हा भूखंड मुंबई शहर जिल्हाधिकाऱ्यांनी दिलेल्या आदेशांनुसार ७ जानेवारी २०१७ रोजी पालिकेकडे हस्तांतरित करण्यात आला होता. मात्र या हस्तांतरणाविरोधात मफतलाल इंडस्ट्रीज लिमिटेड यांनी उच्च न्यायालयात याचिका दाखल केली होती. त्यामुळे विस्तारीकरणात तिढा निर्माण झाला होता.
राज्य सरकारने २००४ मध्ये काढलेल्या अधिसूचनेच्या आधारे व भाडेपट्ट्याचा कालावधी २०१७ मध्ये संपल्यानंतर मुंबई शहर जिल्हाधिकाऱ्यांनी भूखंडाच्या निम्मा (५० टक्के) म्हणजेच २७ हजार २८४.३६ चौरस मीटर एवढ्या आकाराचा भूभाग पालिकेकडे वर्ग केला आला आहे. यामुळे पालिकेच्या उद्यान व प्राणिसंग्रहालयाच्या विस्तारीकरणास अधिक गती मिळेल, अशी माहिती नियोजन विभागाचे मुख्य अभियंता संजय दराडे यांनी दिली आहे.
हे परदेशी पशुपक्षी येणार
प्रदेश प्राणी
आफ्रिका जिराफ, झेब्रा, चित्ता, पाणघोडा, लेमूर, शहामृग,
ऑस्ट्रेलिया कांगारू, इमू, काळा हंस
दक्षिण अमेरिका जग्वार
दक्षिण-पूर्व आशिया रानडुक्कर, हुलॉक गिब्बन प्रकारचे माकड
प्रायमेट बेट चिंपाझी, बोनेट माकड, ऱ्हिशस माकड, फ्लेमिंगो
माझगाव येथील मफतलाल मिलचा सात एकरचा भूखंड नुकताच महापालिकेच्या ताब्यात आला आहे. यापूर्वी महापालिकेच्या ताब्यात असलेला पोद्दारचा साडेतीन एकर भूखंड अशा एकूण साडेदहा एकर भूखंडावर विस्तारित वीरमाता जिजाबाई भोसले उद्यानात (राणीबाग) लवकरच प्राण्यांची सभा भरली तर नवल वाटू नये. मफतलालचा भूखंड सर्व कायदेशीर प्रक्रिया पूर्ण करून पालिकेच्या हातात आल्याने राणीबागेच्या विस्तारीकरणाचा रखडलेला प्रश्न मार्गी लागणार आहे.
वीरमाता जिजाबाई भोसले उद्यान व प्राणिसंग्रहालय अर्थात राणीबागेजवळ मफतलाल मिलचा २७ हजार २८४.३४ चौरस मीटर (सुमारे सात एकर) भूखंडाच्या हस्तांतरणविरोधातील याचिका उच्च न्यायालयाने फेटाळल्यामुळे या भूखंडावर उद्यान व प्राणिसंग्रहालयाचा विस्तार करण्याच्या पालिकेच्या योजनेला गती मिळणार असल्याचा विश्वास प्रशासनाने व्यक्त केला आहे. हा भूखंड मुंबई शहर जिल्हाधिकाऱ्यांनी दिलेल्या आदेशांनुसार ७ जानेवारी २०१७ रोजी पालिकेकडे हस्तांतरित करण्यात आला होता. मात्र या हस्तांतरणाविरोधात मफतलाल इंडस्ट्रीज लिमिटेड यांनी उच्च न्यायालयात याचिका दाखल केली होती. त्यामुळे विस्तारीकरणात तिढा निर्माण झाला होता.
राज्य सरकारने २००४ मध्ये काढलेल्या अधिसूचनेच्या आधारे व भाडेपट्ट्याचा कालावधी २०१७ मध्ये संपल्यानंतर मुंबई शहर जिल्हाधिकाऱ्यांनी भूखंडाच्या निम्मा (५० टक्के) म्हणजेच २७ हजार २८४.३६ चौरस मीटर एवढ्या आकाराचा भूभाग पालिकेकडे वर्ग केला आला आहे. यामुळे पालिकेच्या उद्यान व प्राणिसंग्रहालयाच्या विस्तारीकरणास अधिक गती मिळेल, अशी माहिती नियोजन विभागाचे मुख्य अभियंता संजय दराडे यांनी दिली आहे.
हे परदेशी पशुपक्षी येणार
प्रदेश प्राणी
आफ्रिका जिराफ, झेब्रा, चित्ता, पाणघोडा, लेमूर, शहामृग,
ऑस्ट्रेलिया कांगारू, इमू, काळा हंस
दक्षिण अमेरिका जग्वार
दक्षिण-पूर्व आशिया रानडुक्कर, हुलॉक गिब्बन प्रकारचे माकड
प्रायमेट बेट चिंपाझी, बोनेट माकड, ऱ्हिशस माकड, फ्लेमिंगो