मुंबई:
जे. जे. रुग्णालयातील निवासी डॉक्टरांनी पुकारलेल्या संपावर तोडगा काढण्याचा सरकारचा प्रयत्न फसला आहे. या संदर्भात वैद्यकीय शिक्षणमंत्री गिरीश महाजन यांची आज 'मार्ड'च्या प्रतिनिधींसोबत सकारात्मक चर्चा झाली असली तरी मागण्यांची अंमलबजावणी होईपर्यंत संप सुरूच ठेवण्याचा पवित्रा 'मार्ड'नं घेतला आहे. त्यामुळं सरकारबरोबच रुग्णांचीही कोंडी झाली आहे.
जे. जे. रुग्णालयाच्या ११ क्रमांकाच्या वॉर्डमधील दोन डॉक्टरांना एका रुग्णाच्या नातेवाईकांनी शनिवारी बेदम मारहाण केली होती. या हल्ल्याच्या निषेधार्थ जे. जे.तील निवासी डॉक्टरांनी काम बंद आंदोलन सुरू केले. त्यामुळं 'जेजे'तील आरोग्यसेवा कोलमडून पडली आहे. रुग्णांचे हाल होत आहेत. या पार्श्वभूमीवर गिरीश महाजन यांनी आज संपकरी डॉक्टरांच्या प्रतिनिधींशी चर्चा केली. या बैठकीत डॉक्टरांच्या मागण्यांबाबत सकारात्मक चर्चा झाली. सुरक्षेचे सर्व उपाय करण्याचे आश्वासन महाजन यांनी यावेळी दिले. तसंच, आश्वासनांच्या पूर्ततेची शहनिशा करण्यासाठी अधिकाऱ्यांसोबत सर्व्हे करण्याचीही त्यांनी ग्वाही दिली. मात्र, यावर डॉक्टरांचे समाधान झाले नाही.
'गेल्या दोन वर्षांपासून डॉक्टर सुरक्षेचा प्रश्न मांडत आले आहेत. मात्र, आश्वासनाशिवाय काहीच होत नाही. त्यामुळं आता ठोस कार्यवाही होईपर्यंत मागे न हटण्याचा निर्णय 'मार्ड'नं घेतला आहे.
सायन रुग्णालयातील डॉक्टरही रजेवर
जे. जे.तील डॉक्टरांच्या संपाला पाठिंबा म्हणून सायन रुग्णालयातील डॉक्टरही एक दिवसाच्या सामूहिक रजेवर गेले आहेत. यामुळं तेथील रुग्ण व नातेवाईकांचे हाल होत आहेत.
जे. जे. रुग्णालयातील निवासी डॉक्टरांनी पुकारलेल्या संपावर तोडगा काढण्याचा सरकारचा प्रयत्न फसला आहे. या संदर्भात वैद्यकीय शिक्षणमंत्री गिरीश महाजन यांची आज 'मार्ड'च्या प्रतिनिधींसोबत सकारात्मक चर्चा झाली असली तरी मागण्यांची अंमलबजावणी होईपर्यंत संप सुरूच ठेवण्याचा पवित्रा 'मार्ड'नं घेतला आहे. त्यामुळं सरकारबरोबच रुग्णांचीही कोंडी झाली आहे.
जे. जे. रुग्णालयाच्या ११ क्रमांकाच्या वॉर्डमधील दोन डॉक्टरांना एका रुग्णाच्या नातेवाईकांनी शनिवारी बेदम मारहाण केली होती. या हल्ल्याच्या निषेधार्थ जे. जे.तील निवासी डॉक्टरांनी काम बंद आंदोलन सुरू केले. त्यामुळं 'जेजे'तील आरोग्यसेवा कोलमडून पडली आहे. रुग्णांचे हाल होत आहेत. या पार्श्वभूमीवर गिरीश महाजन यांनी आज संपकरी डॉक्टरांच्या प्रतिनिधींशी चर्चा केली. या बैठकीत डॉक्टरांच्या मागण्यांबाबत सकारात्मक चर्चा झाली. सुरक्षेचे सर्व उपाय करण्याचे आश्वासन महाजन यांनी यावेळी दिले. तसंच, आश्वासनांच्या पूर्ततेची शहनिशा करण्यासाठी अधिकाऱ्यांसोबत सर्व्हे करण्याचीही त्यांनी ग्वाही दिली. मात्र, यावर डॉक्टरांचे समाधान झाले नाही.
'गेल्या दोन वर्षांपासून डॉक्टर सुरक्षेचा प्रश्न मांडत आले आहेत. मात्र, आश्वासनाशिवाय काहीच होत नाही. त्यामुळं आता ठोस कार्यवाही होईपर्यंत मागे न हटण्याचा निर्णय 'मार्ड'नं घेतला आहे.
सायन रुग्णालयातील डॉक्टरही रजेवर
जे. जे.तील डॉक्टरांच्या संपाला पाठिंबा म्हणून सायन रुग्णालयातील डॉक्टरही एक दिवसाच्या सामूहिक रजेवर गेले आहेत. यामुळं तेथील रुग्ण व नातेवाईकांचे हाल होत आहेत.