म. टा. विशेष प्रतिनिधी, मुंबई
मुंबईत पावसाळ्यात पाणी तुंबण्यावरून सरकारी यंत्रणांमध्ये आरोप-प्रत्यारोप होतात. ते टाळण्यासाठी व उपाययोजनांसाठी मेट्रो, एमएमआरडीए व महापालिकेची संयुक्त बैठक बुधवारी पालिका मुख्यालयात झाली. प्रतिबंधात्मक उपाययोजना म्हणून यावर्षीच्या पावसाळ्यात पालिका, एमएमआरडीए व मुंबई मेट्रो रेल्वे महामंडळातर्फे ५३६ पंप बसविण्याचे निश्चित करण्यात आले.
मुंबईत मेट्रो आणि एमएमआरडीएची विविध कामे सुरू आहेत. या कामांमुळे पावसाळ्यात पाणी तुंबू नये यासाठी करावयाच्या उपाययोजनांसंदर्भात या यंत्रणांमधील वरिष्ठ अधिकाऱ्यांची समन्वय बैठक बुधवारी महापालिका आयुक्त अजय मेहता यांच्या मार्गदर्शनाखाली झाली. या बैठकीला एमएमआरडीएचे आयुक्त आर. ए. राजीव, मुंबई मेट्रो रेल्वे महामंडळाच्या व्यवस्थापकीय संचालक अश्विनी भिडे, पालिकेचे अतिरिक्त आयुक्त (पूर्व उपनगरे) विजय सिंघल, उपायुक्त (आयुक्त कार्यालय) रमेश पवार, पालिकेच्या सातही परिमंडळांचे उपायुक्त, संचालक (अभियांत्रिकी सेवा व प्रकल्प) विनोद चिठोरे, पर्जन्यजल वाहिन्या खात्याचे प्रमुख इंजिनीअर श्रीकांत कावळे, आपत्कालीन व्यवस्थापन कक्षाचे प्रमुख अधिकारी महेश नार्वेकर उपस्थित होते.
मुंबईत ज्याठिकाणी मेट्रोची कामे चालू आहेत व ज्या भागात पाणी साचू शकते, अशा ठिकाणी २४१ पंप बसविण्यात येतील, अशी हमी एमएमआरडीएने या बैठकीत दिली. याव्यतिरिक्त पावसाच्या पाण्याचा प्रभावीपणे निचरा होण्यासाठी पालिकेतर्फे यावर्षी २९५ पंप बसविण्याची प्राथमिक कार्यवाह पूर्ण झाल्याची माहिती पालिकेने दिली.
गेल्यावर्षी ज्या भागात पाण्याचा निचरा होण्यास अधिक वेळ लागला होता, त्या ठिकाणी पाण्याचा निचरा अधिक वेगाने व्हावा यासाठी काळजी घेण्याबाबत चर्चा करण्यात आली. ज्या भागात अडचणी उद्भवू शकतील, अशा ठिकाणी संबंधित तिन्ही यंत्रणांचे वरिष्ठ अधिकारी संयुक्त पाहणी दौरा करून व आवश्यक तो समन्वय साधणार आहेत. पश्चिम द्रुतगती महामार्गावरील, तसेच दहिसर ते अंधेरी दरम्यानच्या लिंक रोडवरील मेट्रो खांबांच्या भोवताली पाणी साचणार नाही याची काळजी घेण्याच्या सूचना एमएमआरडीए व दिल्ली मेट्रो रेल्वे महामंडळाला या बैठकीदरम्यान देण्यात आल्या. पश्चिम उपनगरांमधील नाले व कल्व्हर्टच्या सफाईकामांचा आढावाही यावेळी घेण्यात आला.
अशी करणार सज्जता
- एमएमआरडीए व मेट्रो यांच्या स्तरावर समन्वय साधला जावा, यासाठी या दोन्ही संस्थांच्या समन्वय अधिकाऱ्यांची (नोडल ऑफिसर) नेमणूक.
- पालिकेच्या आपत्कालीन नियंत्रण कक्षाच्या धर्तीवर एमएमआरडीए व मेट्रोचा आठवड्याचे सातही दिवस व दिवसाचे २४ तास कार्यरत राहणारा नियंत्रण कक्ष सुरू करण्यात येणार.
- मुंबई सेंट्रल, कफ परेड, विधान भवन, चर्चगेट, हुतात्मा चौक येथील पर्जन्यजल वाहिन्या मेट्रो स्टेशनच्या कामांसाठी वळविण्यात येणार आहेत. हे काम अंतिम टप्प्यात असून ते ३१ मे पर्यंत पूर्ण होईल, अशी ग्वाही मेट्रोने दिली आहे.
मुंबईत पावसाळ्यात पाणी तुंबण्यावरून सरकारी यंत्रणांमध्ये आरोप-प्रत्यारोप होतात. ते टाळण्यासाठी व उपाययोजनांसाठी मेट्रो, एमएमआरडीए व महापालिकेची संयुक्त बैठक बुधवारी पालिका मुख्यालयात झाली. प्रतिबंधात्मक उपाययोजना म्हणून यावर्षीच्या पावसाळ्यात पालिका, एमएमआरडीए व मुंबई मेट्रो रेल्वे महामंडळातर्फे ५३६ पंप बसविण्याचे निश्चित करण्यात आले.
मुंबईत मेट्रो आणि एमएमआरडीएची विविध कामे सुरू आहेत. या कामांमुळे पावसाळ्यात पाणी तुंबू नये यासाठी करावयाच्या उपाययोजनांसंदर्भात या यंत्रणांमधील वरिष्ठ अधिकाऱ्यांची समन्वय बैठक बुधवारी महापालिका आयुक्त अजय मेहता यांच्या मार्गदर्शनाखाली झाली. या बैठकीला एमएमआरडीएचे आयुक्त आर. ए. राजीव, मुंबई मेट्रो रेल्वे महामंडळाच्या व्यवस्थापकीय संचालक अश्विनी भिडे, पालिकेचे अतिरिक्त आयुक्त (पूर्व उपनगरे) विजय सिंघल, उपायुक्त (आयुक्त कार्यालय) रमेश पवार, पालिकेच्या सातही परिमंडळांचे उपायुक्त, संचालक (अभियांत्रिकी सेवा व प्रकल्प) विनोद चिठोरे, पर्जन्यजल वाहिन्या खात्याचे प्रमुख इंजिनीअर श्रीकांत कावळे, आपत्कालीन व्यवस्थापन कक्षाचे प्रमुख अधिकारी महेश नार्वेकर उपस्थित होते.
मुंबईत ज्याठिकाणी मेट्रोची कामे चालू आहेत व ज्या भागात पाणी साचू शकते, अशा ठिकाणी २४१ पंप बसविण्यात येतील, अशी हमी एमएमआरडीएने या बैठकीत दिली. याव्यतिरिक्त पावसाच्या पाण्याचा प्रभावीपणे निचरा होण्यासाठी पालिकेतर्फे यावर्षी २९५ पंप बसविण्याची प्राथमिक कार्यवाह पूर्ण झाल्याची माहिती पालिकेने दिली.
गेल्यावर्षी ज्या भागात पाण्याचा निचरा होण्यास अधिक वेळ लागला होता, त्या ठिकाणी पाण्याचा निचरा अधिक वेगाने व्हावा यासाठी काळजी घेण्याबाबत चर्चा करण्यात आली. ज्या भागात अडचणी उद्भवू शकतील, अशा ठिकाणी संबंधित तिन्ही यंत्रणांचे वरिष्ठ अधिकारी संयुक्त पाहणी दौरा करून व आवश्यक तो समन्वय साधणार आहेत. पश्चिम द्रुतगती महामार्गावरील, तसेच दहिसर ते अंधेरी दरम्यानच्या लिंक रोडवरील मेट्रो खांबांच्या भोवताली पाणी साचणार नाही याची काळजी घेण्याच्या सूचना एमएमआरडीए व दिल्ली मेट्रो रेल्वे महामंडळाला या बैठकीदरम्यान देण्यात आल्या. पश्चिम उपनगरांमधील नाले व कल्व्हर्टच्या सफाईकामांचा आढावाही यावेळी घेण्यात आला.
अशी करणार सज्जता
- एमएमआरडीए व मेट्रो यांच्या स्तरावर समन्वय साधला जावा, यासाठी या दोन्ही संस्थांच्या समन्वय अधिकाऱ्यांची (नोडल ऑफिसर) नेमणूक.
- पालिकेच्या आपत्कालीन नियंत्रण कक्षाच्या धर्तीवर एमएमआरडीए व मेट्रोचा आठवड्याचे सातही दिवस व दिवसाचे २४ तास कार्यरत राहणारा नियंत्रण कक्ष सुरू करण्यात येणार.
- मुंबई सेंट्रल, कफ परेड, विधान भवन, चर्चगेट, हुतात्मा चौक येथील पर्जन्यजल वाहिन्या मेट्रो स्टेशनच्या कामांसाठी वळविण्यात येणार आहेत. हे काम अंतिम टप्प्यात असून ते ३१ मे पर्यंत पूर्ण होईल, अशी ग्वाही मेट्रोने दिली आहे.