म. टा. प्रतिनिधी, मुंबई
संशोधन आणि नावीन्यपूर्ण अभ्यासक्रमांसाठी ओळखल्या जाणाऱ्या आयआयटी मुंबईची गगनभरारी सुरूच आहे. काही दिवसांपूर्वी जाहीर झालेल्या क्यूएस क्रमवारीच्या जागतिक आणि आशियाई क्रमवारीमध्ये छाप सोडल्यानंतर आयआयटी मुंबईने बुधवारी जाहीर झालेल्या क्यूएस क्रमवारीच्या ब्रिक्स देशाच्या क्रमवारीत पुन्हा एकदा सुवर्णाक्षरात आपले नाव कोरले. ब्रिक्स देशांच्या या यादीत आयआयटी मुंबईने देशात प्रथम क्रमांक तर ब्रिक्स देशांच्या यादीत नववा क्रमांक पटकावला आहे. तर आशियाई क्रमवारीत आयआयटी मुंबई ३४व्या स्थानावर पोहोचली असल्याचे बुधवारी जाहीर करण्यात आले.
क्वाक्वेरली सिमाँड्स संस्थेतर्फे दरवर्षी जगभरातील शैक्षणिक संस्थांची आकडेवारी जाहीर करण्यात आली आहे. शैक्षणिक दर्जा, प्राध्यापक-विद्यार्थी प्रमाण, प्राध्याकांचे शिक्षण, प्रत्येक वर्षी प्राध्यापकांनी सादर केलेले प्रबंध, प्रबंधांचा उतारा यासारख्या अनेक मुद्यांवर ही क्रमवारी जाहीर करण्यात येते. याआधी ‘क्यूएस’तर्फे जून महिन्यात जाहीर केलेल्या जागतिक क्रमवारीत आयआयटी मुंबई १७९ क्रमांकावर होते. त्यानंतर आयआयटी मुंबईची कामगिरी यंदा क्रमवारीत सातत्याने पुढे जाताना दिसत आहे. ब्रक्सि २०१८ची क्रमवारी क्यूएसने बुधवारी जाहीर केली, त्यावेळी आयआयटी मुंबई देशात अव्वल असल्याचे जाहीर केले. २०१६-१७ च्या क्रमवारीच्या तुलनेत आयआयटी मुंबई चारने पुढे जाऊन अव्वल होण्याचा मान पटकावला आहे. आयआयटी मुंबईने १०० पैकी ८३.६ गुण मिळवले आहेत. शैक्षणिक क्षेत्रात ९८.१, एम्प्लॉयरमध्ये ९९.७ तर शिक्षक-विद्यार्थी गुणोत्तरात ४७.८, पीएचडीधारकार कर्मचाऱ्यांसाठी ९६.९, आंतरराष्ट्रीय पातळीवरील शिक्षकांसाठी १५.४, आंतरराष्ट्रीय विद्यार्थ्यांसाठी ७.६ गुण आयआयटी बॉम्बेला प्राप्त झाले आहेत. हे सर्व गुण १०० पैकी देण्यात आले आहेत.
आयआयटी मुंबईच्या या कामगिरीबद्दल बोलताना आयआयटी मुंबईचे संचालक डॉ. देवांग खक्कर म्हणाले की, या यादीतही आयआयटी मुंबईने उत्तम कामगिरी बजावली आहे. संशोधन आणि शिक्षण या दोन्ही गोष्टी महत्त्वाच्या असून त्या आधारेच ही कामगिरी बजावता आली आहे.
संशोधन आणि नावीन्यपूर्ण अभ्यासक्रमांसाठी ओळखल्या जाणाऱ्या आयआयटी मुंबईची गगनभरारी सुरूच आहे. काही दिवसांपूर्वी जाहीर झालेल्या क्यूएस क्रमवारीच्या जागतिक आणि आशियाई क्रमवारीमध्ये छाप सोडल्यानंतर आयआयटी मुंबईने बुधवारी जाहीर झालेल्या क्यूएस क्रमवारीच्या ब्रिक्स देशाच्या क्रमवारीत पुन्हा एकदा सुवर्णाक्षरात आपले नाव कोरले. ब्रिक्स देशांच्या या यादीत आयआयटी मुंबईने देशात प्रथम क्रमांक तर ब्रिक्स देशांच्या यादीत नववा क्रमांक पटकावला आहे. तर आशियाई क्रमवारीत आयआयटी मुंबई ३४व्या स्थानावर पोहोचली असल्याचे बुधवारी जाहीर करण्यात आले.
क्वाक्वेरली सिमाँड्स संस्थेतर्फे दरवर्षी जगभरातील शैक्षणिक संस्थांची आकडेवारी जाहीर करण्यात आली आहे. शैक्षणिक दर्जा, प्राध्यापक-विद्यार्थी प्रमाण, प्राध्याकांचे शिक्षण, प्रत्येक वर्षी प्राध्यापकांनी सादर केलेले प्रबंध, प्रबंधांचा उतारा यासारख्या अनेक मुद्यांवर ही क्रमवारी जाहीर करण्यात येते. याआधी ‘क्यूएस’तर्फे जून महिन्यात जाहीर केलेल्या जागतिक क्रमवारीत आयआयटी मुंबई १७९ क्रमांकावर होते. त्यानंतर आयआयटी मुंबईची कामगिरी यंदा क्रमवारीत सातत्याने पुढे जाताना दिसत आहे. ब्रक्सि २०१८ची क्रमवारी क्यूएसने बुधवारी जाहीर केली, त्यावेळी आयआयटी मुंबई देशात अव्वल असल्याचे जाहीर केले. २०१६-१७ च्या क्रमवारीच्या तुलनेत आयआयटी मुंबई चारने पुढे जाऊन अव्वल होण्याचा मान पटकावला आहे. आयआयटी मुंबईने १०० पैकी ८३.६ गुण मिळवले आहेत. शैक्षणिक क्षेत्रात ९८.१, एम्प्लॉयरमध्ये ९९.७ तर शिक्षक-विद्यार्थी गुणोत्तरात ४७.८, पीएचडीधारकार कर्मचाऱ्यांसाठी ९६.९, आंतरराष्ट्रीय पातळीवरील शिक्षकांसाठी १५.४, आंतरराष्ट्रीय विद्यार्थ्यांसाठी ७.६ गुण आयआयटी बॉम्बेला प्राप्त झाले आहेत. हे सर्व गुण १०० पैकी देण्यात आले आहेत.
आयआयटी मुंबईच्या या कामगिरीबद्दल बोलताना आयआयटी मुंबईचे संचालक डॉ. देवांग खक्कर म्हणाले की, या यादीतही आयआयटी मुंबईने उत्तम कामगिरी बजावली आहे. संशोधन आणि शिक्षण या दोन्ही गोष्टी महत्त्वाच्या असून त्या आधारेच ही कामगिरी बजावता आली आहे.