मुंबई: विवाहबाह्य संबंधातून पतीवर विषप्रयोग करणाऱ्या पत्नीनं स्वत:ही काही प्रमाणात केमिकल घेतलं होतं, अशी माहिती उघडकीस आली आहे. काजल शाहनं पती कमलकांत शाह यांच्यावर विषप्रयोग केला. कमलकांत यांच्या शरीरात आर्सेनिक आणि थॅलियमचं प्रमाण ४०० पट अधिक आढळून आलं. सप्टेंबरमध्ये त्यांचा मृत्यू झाला. या प्रकरणी कमलकांत यांच्या पत्नी काजल आणि तिचा प्रियकर हितेश जैनला अटक करण्यात आली आहे.
मुंबई पोलिसांच्या गुन्हे शाखेकडून या प्रकरणाचा तपास सुरू आहे. कमलकांत यांच्यावर विषप्रयोग करणाऱ्या काजलनं स्वत:ही केमिकलचं सेवन केलं होतं, अशी माहिती गुन्हे शाखेनं काल किल्ला कोर्टात दिली. आपल्यावर कोणीही संशय घेऊ नये यासाठी काजलनं स्वत: केमिकलचं सेवन केल्याचं पोलिसांनी कोर्टात सांगितलं. कमलकांत यांच्या जेवणातून त्यांना आर्सेनिक आणि थॅलियमचं मिश्रण देण्यात आलं. स्लो पॉयजनिंगमुळे त्यांचा मृत्यू झाला.
कमलकांत यांच्या शरीरात आर्सेनिक आणि थॅलियमचं प्रमाण कित्येक पट असल्याची माहिती १३ सप्टेंबरच्या रक्त चाचणीतून समोर आली. यानंतर डॉक्टरांनी त्यांच्या कुटुंबातील इतरांनादेखील रक्त चाचणी करण्यास सांगितली. कलमकांत यांच्या मुलांचे आणि बहिणींचे रक्त चाचण्यांचे अहवाल नॉर्मल आहेत. काजलची चाचणी शाह यांच्या मृत्यूनंतर चार दिवसांनी म्हणजेच २३ सप्टेंबरला झाली.
काजल यांनी तपास यंत्रणांची दिशाभूल करण्याचा प्रयत्न केला. आपण पतीवर विषप्रयोग केलाच नाही असं वाटावं, उलट कोणीतरी आपल्यावरही विषप्रयोग करण्याचा प्रयत्न केला हे दाखवण्याचा प्रयत्न त्यांनी केला, अशी माहिती पोलिसांनी कोर्टाला दिली. काजल यांच्या शरीरात धातूचे २० युनिट्स आढळून आले. साधारणत: सर्वसामान्य व्यक्तीच्या शरीरातील धातूंचं प्रमाण ०.४ ते ०.६ च्या दरम्यान असतं.
काजल आणि तिचा प्रियकर हितेश जैन अनेक हॉटेल्समध्ये भेटले. याच भेटीत त्यांनी कमलकांत यांच्या हत्येसाठी विषप्रयोगाचा डाव आखला, असा पोलिसांचा दावा आहे. कलमकांत आणि काजल यांच्यात वाद होते. काजल घर सोडून गेली होती. मात्र कमलकांत यांच्या मृत्यूच्या काही महिने आधीच काजल घरी परतली. त्याआधी ती हितेशसोबत राहत होती. या दोघांचं वास्तव्य ज्या हॉटेल्समध्ये होतं, तिथली सीसीटीव्ही फुटेज मिळवण्याचा प्रयत्न पोलिसांकडून सुरू आहे.
दोन्ही आरोपींच्या चौकशीसाठी पोलिसांनी कस्टडी मागितली. दोघांच्या फोनमधील आणि सोशल मीडिया प्लॅटफॉर्मवरील डेटा तपासायचा असल्याचं पोलिसांनी सांगितलं. 'आतापर्यंत केवळ २५ टक्केच डेटा तपासून झाला आहे. दोघांमधील अनेक चॅट्सबद्दल आम्हाला शंका आहे. त्यामुळे त्यांची कस्टडी मिळावी,' अशी मागणी पोलिसांकडून करण्यात आली.
मुंबई पोलिसांच्या गुन्हे शाखेकडून या प्रकरणाचा तपास सुरू आहे. कमलकांत यांच्यावर विषप्रयोग करणाऱ्या काजलनं स्वत:ही केमिकलचं सेवन केलं होतं, अशी माहिती गुन्हे शाखेनं काल किल्ला कोर्टात दिली. आपल्यावर कोणीही संशय घेऊ नये यासाठी काजलनं स्वत: केमिकलचं सेवन केल्याचं पोलिसांनी कोर्टात सांगितलं. कमलकांत यांच्या जेवणातून त्यांना आर्सेनिक आणि थॅलियमचं मिश्रण देण्यात आलं. स्लो पॉयजनिंगमुळे त्यांचा मृत्यू झाला.
कमलकांत यांच्या शरीरात आर्सेनिक आणि थॅलियमचं प्रमाण कित्येक पट असल्याची माहिती १३ सप्टेंबरच्या रक्त चाचणीतून समोर आली. यानंतर डॉक्टरांनी त्यांच्या कुटुंबातील इतरांनादेखील रक्त चाचणी करण्यास सांगितली. कलमकांत यांच्या मुलांचे आणि बहिणींचे रक्त चाचण्यांचे अहवाल नॉर्मल आहेत. काजलची चाचणी शाह यांच्या मृत्यूनंतर चार दिवसांनी म्हणजेच २३ सप्टेंबरला झाली.
काजल यांनी तपास यंत्रणांची दिशाभूल करण्याचा प्रयत्न केला. आपण पतीवर विषप्रयोग केलाच नाही असं वाटावं, उलट कोणीतरी आपल्यावरही विषप्रयोग करण्याचा प्रयत्न केला हे दाखवण्याचा प्रयत्न त्यांनी केला, अशी माहिती पोलिसांनी कोर्टाला दिली. काजल यांच्या शरीरात धातूचे २० युनिट्स आढळून आले. साधारणत: सर्वसामान्य व्यक्तीच्या शरीरातील धातूंचं प्रमाण ०.४ ते ०.६ च्या दरम्यान असतं.
काजल आणि तिचा प्रियकर हितेश जैन अनेक हॉटेल्समध्ये भेटले. याच भेटीत त्यांनी कमलकांत यांच्या हत्येसाठी विषप्रयोगाचा डाव आखला, असा पोलिसांचा दावा आहे. कलमकांत आणि काजल यांच्यात वाद होते. काजल घर सोडून गेली होती. मात्र कमलकांत यांच्या मृत्यूच्या काही महिने आधीच काजल घरी परतली. त्याआधी ती हितेशसोबत राहत होती. या दोघांचं वास्तव्य ज्या हॉटेल्समध्ये होतं, तिथली सीसीटीव्ही फुटेज मिळवण्याचा प्रयत्न पोलिसांकडून सुरू आहे.
दोन्ही आरोपींच्या चौकशीसाठी पोलिसांनी कस्टडी मागितली. दोघांच्या फोनमधील आणि सोशल मीडिया प्लॅटफॉर्मवरील डेटा तपासायचा असल्याचं पोलिसांनी सांगितलं. 'आतापर्यंत केवळ २५ टक्केच डेटा तपासून झाला आहे. दोघांमधील अनेक चॅट्सबद्दल आम्हाला शंका आहे. त्यामुळे त्यांची कस्टडी मिळावी,' अशी मागणी पोलिसांकडून करण्यात आली.