रंगणार कल्पनेतील आविष्कार

तरुणाईचा जल्लोष आणि सळसळता उत्साह या स्पर्धांना बघायला मिळतो. यातलीच एक मानाची स्पर्धा म्हणजे 'अस्तित्व'ची कै. श्री. मु.ब.यंदे पुरस्कृत 'कल्पना एक आविष्कार अनेक'. एक विषय घेऊन त्यावर एकांकिका बसवणं हे तरुणांसाठी मोठं आव्हान असतं. यंदाच्या स्पर्धेचा विषय गेल्या वर्षीच्या अंतिम फेरीतच जाहीर करण्यात आला होता.

जुलै महिन्यात कॉलेज सुरू झालं की नाट्यप्रेमी विद्यार्थ्यांना ओढ लागते ती विविध एकांकिका स्पर्धांची. तरुणाईचा जल्लोष आणि सळसळता उत्साह या स्पर्धांना बघायला मिळतो. यातलीच एक मानाची स्पर्धा म्हणजे 'अस्तित्व'ची कै. श्री. मु.ब.यंदे पुरस्कृत 'कल्पना एक आविष्कार अनेक'. एक विषय घेऊन त्यावर एकांकिका बसवणं हे तरुणांसाठी मोठं आव्हान असतं. यंदाच्या स्पर्धेचा विषय गेल्या वर्षीच्या अंतिम फेरीतच जाहीर करण्यात आला होता. यंदाच्या स्पर्धेच्या विषय सूचक आहेत आजच्या आघाडीच्या कथाकार मेघना पेठे आणि त्यांनी विषय सुचवला आहे ‘जब जागो तब सवेरा ...!!’.

यंदा या स्पर्धेचं ३० वं वर्ष असून खुल्या गटासाठी होणारी ही स्पर्धा माटुंग्याच्या यशवंत नाट्यमंदिरात पार पडेल. यंदा एकांकिका स्पर्धांच्या आयोजकांमध्ये झालेल्या समन्वयानुसार कोणत्याही मोठ्या स्पर्धांच्या तारखा एकत्र येणार नाहीत, याची दक्षता घेण्यात आली आहे, त्याप्रमाणे स्पर्धेची प्राथमिक फेरी रविवार, ९ ऑक्टोबरला तर अंतिम फेरी शनिवार १५ ऑक्टोबरला संपन्न होईल. मानाच्या समजल्या जाणाऱ्या 'अस्तित्व' आयोजित 'कल्पना एक आविष्कार अनेक' या स्पर्धेला यंदा अखिल भारतीय मराठी नाट्य परिषदेचंही भक्कम पाठबळ मिळालं आहे.

स्पर्धेचे प्रवेश अर्ज www.astitva.co.in या संकेतस्थळावरुन उपलब्ध आहेत अर्ज सादर करण्याची अंतिम तारीख ०१ ऑक्टोबर आहे.

अधिक माहितीसाठी संपर्क - रवी मिश्रा – ९८२१०४४८६२