पालिका विरोधी पक्षनेतेपदावरून आंबेरकर यांना डच्चू
म. टा. खास प्रतिनिधी, मुंबई
महापालिकेतील विरोधी पक्षनेते आणि गुरुदास कामत समर्थक देवेंद्र आंबेरकर यांना अंधारात ठेवून काँग्रेसचे मुंबई अध्यक्ष संजय निरुपम यांनी विरोधी पक्षनेतेपदी ज्येष्ठ नगरसेवक प्रवीण छेडा यांची नियुक्ती केली आहे. या नियुक्तीमुळे कामत गटात संतापाचे वातावरण पसरले आहे.
सन २०१२मधील पालिका निवडणुकीत भाजपमधून काँग्रेसमध्ये आलेले छेडा हे मागील दोन वर्षे विरोधी पक्षनेतेपद मिळण्यासाठी प्रयत्नशील होते. मात्र कामत गटाने त्यास तीव्र विरोध केला होता. निरुपम यांनी मुंबई अध्यक्षपदाची सूत्रे घेतल्यानंतर कामत गटाचे वर्चस्व मोडून काढण्यासाठी आधी काँग्रेसच्या कोषाध्यक्षपदावरून अमरजितसिंग मनहास यांना हटवून त्यांच्या जागी आमदार अस्लम शेख यांना आणले. दरम्यान, आंबेरकर यांना हटवण्यात आल्याबद्दल कामत गट दिल्लीत सोनिया गांधी यांची भेट घेऊन तक्रार करणार असल्याची माहिती काँग्रेसमधील सूत्रांनी दिली.
सेनेतही बदलाचे वारे?
मराठी भाषेवर प्रभुत्व असलेले छेडा हे आक्रमक नेते म्हणून ओळखले जातात. आगामी पालिका निवडणुकीत काँग्रेसला असा चेहरा असणे आवश्यक वाटत होते. छेडा यांच्या आक्रमकतेला तोंड देण्यासाठी पालिका सभागृह नेतेपदी शिवसेना पुन्हा आमदार सुनील प्रभू यांना आणणार, अशी चर्चा सुरू झाली आहे.
म. टा. खास प्रतिनिधी, मुंबई
महापालिकेतील विरोधी पक्षनेते आणि गुरुदास कामत समर्थक देवेंद्र आंबेरकर यांना अंधारात ठेवून काँग्रेसचे मुंबई अध्यक्ष संजय निरुपम यांनी विरोधी पक्षनेतेपदी ज्येष्ठ नगरसेवक प्रवीण छेडा यांची नियुक्ती केली आहे. या नियुक्तीमुळे कामत गटात संतापाचे वातावरण पसरले आहे.
सन २०१२मधील पालिका निवडणुकीत भाजपमधून काँग्रेसमध्ये आलेले छेडा हे मागील दोन वर्षे विरोधी पक्षनेतेपद मिळण्यासाठी प्रयत्नशील होते. मात्र कामत गटाने त्यास तीव्र विरोध केला होता. निरुपम यांनी मुंबई अध्यक्षपदाची सूत्रे घेतल्यानंतर कामत गटाचे वर्चस्व मोडून काढण्यासाठी आधी काँग्रेसच्या कोषाध्यक्षपदावरून अमरजितसिंग मनहास यांना हटवून त्यांच्या जागी आमदार अस्लम शेख यांना आणले. दरम्यान, आंबेरकर यांना हटवण्यात आल्याबद्दल कामत गट दिल्लीत सोनिया गांधी यांची भेट घेऊन तक्रार करणार असल्याची माहिती काँग्रेसमधील सूत्रांनी दिली.
सेनेतही बदलाचे वारे?
मराठी भाषेवर प्रभुत्व असलेले छेडा हे आक्रमक नेते म्हणून ओळखले जातात. आगामी पालिका निवडणुकीत काँग्रेसला असा चेहरा असणे आवश्यक वाटत होते. छेडा यांच्या आक्रमकतेला तोंड देण्यासाठी पालिका सभागृह नेतेपदी शिवसेना पुन्हा आमदार सुनील प्रभू यांना आणणार, अशी चर्चा सुरू झाली आहे.