६४ व्या राष्ट्रीय पुरस्कारांत मराठी चित्रपटाला सुवर्णकमळ
म. टा. प्रतिनिधी, मुंबई
उत्तम आशयासाठी ओळखल्या जाणाऱ्या मराठी चित्रपटाने पुन्हा एकदा भारतीय सिनेसृष्टीवर निर्विवाद वर्चस्व मिळवत पाचव्यांदा सुवर्ण कमळ पटकावले. शुक्रवारी जाहीर झालेल्या ६४ व्या राष्ट्रीय पुरस्कारांमध्ये सुमित्रा भावे-सुनील सुकथनकर दिग्दर्शित कासव या चित्रपटाने सुवर्ण कमळ पटकावून बाजी मारली. तर ‘दशक्रिया’ हा सर्वोत्कृष्ट मराठी चित्रपट ठरला. यांसह सर्वोत्कृष्ट अभिनयात ‘रुस्तम’मधील भूमिकेसाठी अक्षयकुमार तर ‘नीरजा’मधील भूमिकेसाठी सोनम कपूरने बाजी मारली.
शुक्रवारी सकाळी दिल्ली येथे या राष्ट्रीय पुरस्कारांची घोषणा झाली. कासव चित्रपटास सुवर्ण कमळ मिळाल्याने महाराष्ट्रात आनंदाला उधाण आले. शिवाय, सर्वोत्कृष्ट दिग्दर्शक म्हणून राजेश मापुस्कर (व्हेंटिलेटर) यांना पुरस्कार जाहीर झाला. यासह मराठी चित्रपटाच्या तांत्रिक बाजू यंदाच्या पुरस्कारांत झळाळून उठल्या आहेत. यात रामेश्वर भगत (सर्वोत्कृष्ट संकलन, व्हेंटिलेटर), सचिन लवलेकर (सर्वोत्कृष्ट वेशभूषा, सायकल), आलोक डे (सर्वोत्कृष्ट ऑडिओग्राफी, व्हेंटिलेटर), संजय पाटील (सर्वोत्कृष्ट आधारित पटकथा, दशक्रिया) यांचा समावेश होतो. तर दशक्रियामधील भूमिकेसाठी सर्वोत्कृष्ट सहाय्यक अभिनेता म्हणून मनोज जोशी यांना पुरस्कार जाहीर झाला.
सर्वोत्कृष्ट हिंदी चित्रपट म्हणून नीरजा या चित्रपटाला पुरस्कार जाहीर झाला. तर दंगल फेम झायरा वासिम हिला दंगलमधील सहाय्यक अभिनेत्रीसाठी पुरस्कार मिळाला. अजय देवगण दिग्दर्शित शिवाय चित्रपटातील स्पेशल इफेक्ट्सची दखल या पुरस्कारांत घेतली गेली. ‘नीरजा’तील भूमिकेसाठी सोनम कपूरला तर कडवी हवा, मुक्तीभवन व त्यातील भूमिकेसाठी आदिल हुसेन यांची परीक्षकांनी विशेष दखल घेतली आहे. धनक चित्रपटाला सर्वोत्कृष्ट बालचित्रपट म्हणून गौरवण्यात आले.
निःशब्द
पहिल्याच मराठी सिनेमासाठी राष्ट्रीय पुरस्कार मिळणं हे एखाद्या स्वप्नापेक्षा कमी नाही. मी अक्षरशः निशब्द झालोय. संपूर्ण टीम ‘व्हेंटिलेटर’चा मी आभारी आहे विशेषतः निर्माते प्रियांका चोप्रा आणि डॉ. मधू चोप्रा ज्यांनी माझ्यावर विश्वास ठेवला. सगळीकडून ‘व्हेंटिलेटर’वर पुरस्करांची बरसात होत असताना याहून मोठा आनंद काहीच असू शकत नाही.
- राजेश मापुस्कर, दिग्दर्शक, व्हेंटिलेटर
समाजाची परतफेड
मी लिहिलेल्या ‘जोगवा’ला राष्ट्रीय पुरस्कार मिळाला. त्यानंतर पांगिरा, ७२ मैल असा प्रवास करत बाबा भांड यांच्या ‘दशक्रिया’ कथेसाठी पटकथेचा राष्ट्रीय पुरस्कार मिळणं याचे समाधान वाटते. समाजाचं देणं समजून सिनेमा केला. त्याची समाजाने केलेली परतफेड मी समजतो. संदीप पाटील व संपूर्ण टीमने हे शिवधनुष्य पेलले याचा आनंद आहे.
संजय कृष्णा पाटील, बेस्ट अॅडाप्टेड स्क्रीनप्ले, दशक्रिया.
पुरस्कार पत्नीला अर्पण
पुरस्कार मिळाल्याचं ऐकून फारच आनंद झाला. आणि विशेषतः हा पुरस्कार रुस्तम मधील भूमिकेसाठी मिळाल्यामुळे मला त्याचं समाधान वाटतं. अंगावरील नौदलाचा गणवेश अभिमान वाढवत असतो. त्यात आता ही भूमिका माझ्यासाठी आणखी खास झाली आहे. हा पुरस्कार मी माझ्या आई, वडिलांना आणि विशेषतः माझ्या पत्नीला समर्पित करतो. कोणत्याही पुरस्कार सोहळ्याला मी जात नाही ते बरंच आहे, कारण तुला पुरस्कार मिळतच नाही, असं ती म्हणायची. पण हा पुरस्कार मिळाल्यानं देर आए दुरुस्त आए अशी भावना आहे. निर्माता, दिग्दर्शक यांसह माझ्या चाहत्यांचे मनापासून आभार.
- अक्षय कुमार
बच्चन यांच्यामुळेच…
बच्चन यांच्या पाठिंब्याशिवाय हे शक्य नव्हते. आता हा पुरस्कार मिळाल्याने माझ्यावरची जबादारी वाढली आहे. यापुढेही हे भान मी नक्की बाळगेन.
शूजीत सरकार, पिंक
आनंद झाला
राष्ट्रीय पुरस्कारासारखा प्रतिष्ठेचा पुरस्कार मिळाल्याने निश्चितच आनंद होत आहे. मी सर्वच परीक्षकांचे, दशक्रिया चित्रपटातील माझ्या सर्व सहकलाकारांचे आभार मानतो.
- मनोज जोशी, दशक्रिया.
सारे स्वप्नवत
हे स्वप्नवत आहे. पर्पल पेबल पिक्चर्सचे स्वप्न आता सत्यात उतरत असल्यासारखं वाटतंय. या यशाचं श्रेय संपूर्ण टीमला जातं. माझ्या हृदयाच्या जवळ असलेल्या या सिनेमाचं प्रेक्षकांनी कौतुक केलं, त्याबद्दल मी त्यांची मनापासून आभारी आहे.
डॉ मधू चोप्रा, निर्माती, व्हेंटिलेटर
चांगल्या कामाची प्रेरणा
राष्ट्रीय पुरस्कारासाठी निवड होणं खूप मानाचं असून यातून आणखीन चांगलं काम करण्यासाठी प्रेरणा मिळते. त्यातच आज मुक्तीभवन सिनेमा प्रदर्शित होतोय. हा खूप आनंददायी योगायोग आहे. सिनेमा बघण्यासाठी मुलांनी आपल्या पालकांना नेण्याचं मी आवाहन करेन. कमी बजेटच्या सिनेमांचीही दखल घेतली जातेय, यातून प्रोत्साहन मिळते. स्टार्सऐवजी कथेच्या जोरावर भारतीय सिनेमाचे भविष्य बदलण्याची ताकद अशा सिनेमांमध्ये आहे.
- आदिल हुसैन, विशेष दखल, मुक्ती भवन आणि माज राती केतेकी
सन्मानाची बाब
सर्वोत्कृष्ट हिंदी सिनेमासाठी नीरजाची निवड होणं ही आमच्यासाठी सन्मानाची बाब आहे. दोन राष्ट्रीय पुरस्कार(आधी जॉलीएलएलबी आणि आता नीरजा) मिळवणारे आम्ही एकमेव स्टुडिओ असल्याचा आनंद आहे. स्टुडिओ म्हणून आम्ही प्रेक्षकांचे मनोरंजन करण्यासोबतच आपल्या समृद्ध इतिहास आणि संस्कृतीचा अभिमान वाटेल असा आशय बनवण्यावर भर देत आहोत.
- विजय सिंग, सीइओ, फॉक्स स्टार स्टुडिओज, निर्माता, नीरजा
भारावून टाकणारं प्रेम
नीरजाला मिळत असलेलं प्रेम भारावून टाकतं. हा सिनेमा सच्चेपणाने बनवणार, हे ध्येय घेऊनच मी आणि दिग्दर्शक राम माधवानीनं काम केलं. पुढं सिनेमाला पाठिंबा देत आमच्या दृष्टीत सामील झाल्याबद्दल मी फॉक्सस्टारचे मनापासून धन्यवाद करतो. तसेच भानोत कुटुंबीयांचे विशेष आभार. आमच्यासारख्या पहिल्यांदाच दिग्दर्शन-निर्मिती क्षेत्रात उतरणाऱ्यांवर त्यांनी का विश्वास ठेवला माहीत नाही पण त्याबद्दल आम्ही त्यांचे आभारी आहोत.
- अतुल कसबेकर, ब्लिंग अनप्लग्ड, निर्माता, नीरजा
आभारी आहे
बहुप्रतिष्ठित ६४व्या राष्ट्रीय पुरस्कारांत सर्वोत्तम व्हिज्युअल इफेक्ट्ससाठी ‘शिवाय’ला मिळाल्याचा आनंद आहे. एनव्हाय व्हीएफएक्सवालाच्या नवीन पॉल आणि संपूर्ण टीमचे अभिनंदन. माननीय ज्युरींचा मी आभारी आहे. मात्र याबाबत मला आश्चर्य वाटत नाही कारण खरोखरच हा सिनेमा या पुरस्कारासाठी पात्र आहे.
- अजय देवगण, अभिनेता-दिग्दर्शक-निर्माता, शिवाय
आनंद आणि अभिमान
‘पिंक’ला सामाजिक विषयावरील सर्वोत्कृष्ट चित्रपटाचा राष्ट्रीय पुरस्कार मिळाल्याचा आनंद तर आहेच शिवाय अभिमानही आहे. सिनेमासाठी काम केलेल्या संपूर्ण टीमचे मनापासून अभिनंदन.
रश्मी शर्मा, निर्माता, पिंक
सुंदर योगायोग
आदिल सर्वोत्तम कलाकारांपैकी एक आहे. त्यानिमित्त आमच्या सिनेमाला मिळालेली कौतुकाची थाप फार महत्त्वाची आहे. हा सिनेमा माझ्यासाठी खूप खास आहे. त्यातच प्रदर्शनाच्या दिवशी हा बहुमान मिळणे हा सुंदर योगायोग जुळून आलाय. यामुळे अधिकाधिक लोकांना हा सिनेमा बघण्यासाठी प्रोत्साहन मिळेल.
- शुभाशिष भुतियानी, दिग्दर्शक, विशेष उल्लेख, मुक्ती भवन
टीमचं श्रेय
लहानमुलांना सांगण्यात येतात त्या गोष्टींप्रमाणे सायकल ही खूप निरागस फिल्म आहे. त्यानुसारच मी रंगसंगतीचा वापर करण्यात आला. वेशभूषा म्हटल्यावर ती पडद्यावर खुलून दिसेल यासाठी दिग्दर्शक प्रकाश कुंटे आणि छायाकार अमलेंदू चौधरी यांचा मोठा वाटा होता. एकूण माझ्या या यशामागे संपूर्ण टीमचं श्रेय आहे.
- सचिन लोवलेकर, वेशभूषाकार, सायकल
प्रोत्साहन मिळेल
मला खूप आनंद झालाय. ज्यूरींची मी आभारी आहे. माझ्यावर विश्वास ठेवला त्याबद्दल कुटुंबाचे आणि पाठिंब्यासाठी आमिर सर आणि नितीश सर यांचं मनापासून आभार. पहिल्या सिनेमासाठी आशा पद्धतीचा पुरस्कार मिळाल्यानं मला आणखीन उत्तम काम करण्यासाठी प्रोत्साहन मिळालं आहे.
- झायरा वसीम, दंगल
मराठीला पाचवे सुवर्ण कमळ
१९५४ – श्यामची आई
२००४ – श्वास
२०१२ – देऊळ
२०१५ – कोर्ट
२०१७ – कासव
आणि विजेते आहेत...
सर्वोत्कृष्ट चित्रपट (सुवर्णकमळ) : कासव
सर्वोत्कृष्ट अभिनेता : अक्षय कुमार (रुस्तुम)
सर्वोत्कृष्ट सहाय्यक अभिनेता : मनोज जोशी (दशक्रिया)
सर्वोत्कृष्ट सहाय्यक अभिनेत्री : झायरा वासिम (दंगल)
सर्वोत्कृष्ट दिग्दर्शक : राजेश मापुस्कर (व्हेंटिलेटर)
आधारित पटकथा : संजय पाटील, (दशक्रिया)
सर्वोत्कृष्ट वेशभूषा : सचिन लोलवलेकर (सायकल)
सर्वोत्कृष्ट साऊंड मिक्सिंग : आलोक डे (व्हेंटिलेटर)
सर्वोत्कृष्ट संकलन : रामेश्वर भगत (व्हेंटिलेटर)
सर्वोत्कृष्ट स्पेशल इफेक्ट्स : शिवाय
सर्वोत्कृष्ट मराठी चित्रपट : दशक्रिया
सर्वोत्कृष्ट हिंदी चित्रपट : नीरजा
विशेष उल्लेख : अभिनेत्री सोनम कपूर (नीरजा)
सर्वोत्कृष्ट सामाजिक विषयावरील चित्रपट : पिंक
फिल्म फ्रेण्डली राज्याचा पुरस्कार : उत्तर प्रदेश
विशेष उल्लेख : झारखंड
म. टा. प्रतिनिधी, मुंबई
उत्तम आशयासाठी ओळखल्या जाणाऱ्या मराठी चित्रपटाने पुन्हा एकदा भारतीय सिनेसृष्टीवर निर्विवाद वर्चस्व मिळवत पाचव्यांदा सुवर्ण कमळ पटकावले. शुक्रवारी जाहीर झालेल्या ६४ व्या राष्ट्रीय पुरस्कारांमध्ये सुमित्रा भावे-सुनील सुकथनकर दिग्दर्शित कासव या चित्रपटाने सुवर्ण कमळ पटकावून बाजी मारली. तर ‘दशक्रिया’ हा सर्वोत्कृष्ट मराठी चित्रपट ठरला. यांसह सर्वोत्कृष्ट अभिनयात ‘रुस्तम’मधील भूमिकेसाठी अक्षयकुमार तर ‘नीरजा’मधील भूमिकेसाठी सोनम कपूरने बाजी मारली.
शुक्रवारी सकाळी दिल्ली येथे या राष्ट्रीय पुरस्कारांची घोषणा झाली. कासव चित्रपटास सुवर्ण कमळ मिळाल्याने महाराष्ट्रात आनंदाला उधाण आले. शिवाय, सर्वोत्कृष्ट दिग्दर्शक म्हणून राजेश मापुस्कर (व्हेंटिलेटर) यांना पुरस्कार जाहीर झाला. यासह मराठी चित्रपटाच्या तांत्रिक बाजू यंदाच्या पुरस्कारांत झळाळून उठल्या आहेत. यात रामेश्वर भगत (सर्वोत्कृष्ट संकलन, व्हेंटिलेटर), सचिन लवलेकर (सर्वोत्कृष्ट वेशभूषा, सायकल), आलोक डे (सर्वोत्कृष्ट ऑडिओग्राफी, व्हेंटिलेटर), संजय पाटील (सर्वोत्कृष्ट आधारित पटकथा, दशक्रिया) यांचा समावेश होतो. तर दशक्रियामधील भूमिकेसाठी सर्वोत्कृष्ट सहाय्यक अभिनेता म्हणून मनोज जोशी यांना पुरस्कार जाहीर झाला.
सर्वोत्कृष्ट हिंदी चित्रपट म्हणून नीरजा या चित्रपटाला पुरस्कार जाहीर झाला. तर दंगल फेम झायरा वासिम हिला दंगलमधील सहाय्यक अभिनेत्रीसाठी पुरस्कार मिळाला. अजय देवगण दिग्दर्शित शिवाय चित्रपटातील स्पेशल इफेक्ट्सची दखल या पुरस्कारांत घेतली गेली. ‘नीरजा’तील भूमिकेसाठी सोनम कपूरला तर कडवी हवा, मुक्तीभवन व त्यातील भूमिकेसाठी आदिल हुसेन यांची परीक्षकांनी विशेष दखल घेतली आहे. धनक चित्रपटाला सर्वोत्कृष्ट बालचित्रपट म्हणून गौरवण्यात आले.
निःशब्द
पहिल्याच मराठी सिनेमासाठी राष्ट्रीय पुरस्कार मिळणं हे एखाद्या स्वप्नापेक्षा कमी नाही. मी अक्षरशः निशब्द झालोय. संपूर्ण टीम ‘व्हेंटिलेटर’चा मी आभारी आहे विशेषतः निर्माते प्रियांका चोप्रा आणि डॉ. मधू चोप्रा ज्यांनी माझ्यावर विश्वास ठेवला. सगळीकडून ‘व्हेंटिलेटर’वर पुरस्करांची बरसात होत असताना याहून मोठा आनंद काहीच असू शकत नाही.
- राजेश मापुस्कर, दिग्दर्शक, व्हेंटिलेटर
समाजाची परतफेड
मी लिहिलेल्या ‘जोगवा’ला राष्ट्रीय पुरस्कार मिळाला. त्यानंतर पांगिरा, ७२ मैल असा प्रवास करत बाबा भांड यांच्या ‘दशक्रिया’ कथेसाठी पटकथेचा राष्ट्रीय पुरस्कार मिळणं याचे समाधान वाटते. समाजाचं देणं समजून सिनेमा केला. त्याची समाजाने केलेली परतफेड मी समजतो. संदीप पाटील व संपूर्ण टीमने हे शिवधनुष्य पेलले याचा आनंद आहे.
संजय कृष्णा पाटील, बेस्ट अॅडाप्टेड स्क्रीनप्ले, दशक्रिया.
पुरस्कार पत्नीला अर्पण
पुरस्कार मिळाल्याचं ऐकून फारच आनंद झाला. आणि विशेषतः हा पुरस्कार रुस्तम मधील भूमिकेसाठी मिळाल्यामुळे मला त्याचं समाधान वाटतं. अंगावरील नौदलाचा गणवेश अभिमान वाढवत असतो. त्यात आता ही भूमिका माझ्यासाठी आणखी खास झाली आहे. हा पुरस्कार मी माझ्या आई, वडिलांना आणि विशेषतः माझ्या पत्नीला समर्पित करतो. कोणत्याही पुरस्कार सोहळ्याला मी जात नाही ते बरंच आहे, कारण तुला पुरस्कार मिळतच नाही, असं ती म्हणायची. पण हा पुरस्कार मिळाल्यानं देर आए दुरुस्त आए अशी भावना आहे. निर्माता, दिग्दर्शक यांसह माझ्या चाहत्यांचे मनापासून आभार.
- अक्षय कुमार
बच्चन यांच्यामुळेच…
बच्चन यांच्या पाठिंब्याशिवाय हे शक्य नव्हते. आता हा पुरस्कार मिळाल्याने माझ्यावरची जबादारी वाढली आहे. यापुढेही हे भान मी नक्की बाळगेन.
शूजीत सरकार, पिंक
आनंद झाला
राष्ट्रीय पुरस्कारासारखा प्रतिष्ठेचा पुरस्कार मिळाल्याने निश्चितच आनंद होत आहे. मी सर्वच परीक्षकांचे, दशक्रिया चित्रपटातील माझ्या सर्व सहकलाकारांचे आभार मानतो.
- मनोज जोशी, दशक्रिया.
सारे स्वप्नवत
हे स्वप्नवत आहे. पर्पल पेबल पिक्चर्सचे स्वप्न आता सत्यात उतरत असल्यासारखं वाटतंय. या यशाचं श्रेय संपूर्ण टीमला जातं. माझ्या हृदयाच्या जवळ असलेल्या या सिनेमाचं प्रेक्षकांनी कौतुक केलं, त्याबद्दल मी त्यांची मनापासून आभारी आहे.
डॉ मधू चोप्रा, निर्माती, व्हेंटिलेटर
चांगल्या कामाची प्रेरणा
राष्ट्रीय पुरस्कारासाठी निवड होणं खूप मानाचं असून यातून आणखीन चांगलं काम करण्यासाठी प्रेरणा मिळते. त्यातच आज मुक्तीभवन सिनेमा प्रदर्शित होतोय. हा खूप आनंददायी योगायोग आहे. सिनेमा बघण्यासाठी मुलांनी आपल्या पालकांना नेण्याचं मी आवाहन करेन. कमी बजेटच्या सिनेमांचीही दखल घेतली जातेय, यातून प्रोत्साहन मिळते. स्टार्सऐवजी कथेच्या जोरावर भारतीय सिनेमाचे भविष्य बदलण्याची ताकद अशा सिनेमांमध्ये आहे.
- आदिल हुसैन, विशेष दखल, मुक्ती भवन आणि माज राती केतेकी
सन्मानाची बाब
सर्वोत्कृष्ट हिंदी सिनेमासाठी नीरजाची निवड होणं ही आमच्यासाठी सन्मानाची बाब आहे. दोन राष्ट्रीय पुरस्कार(आधी जॉलीएलएलबी आणि आता नीरजा) मिळवणारे आम्ही एकमेव स्टुडिओ असल्याचा आनंद आहे. स्टुडिओ म्हणून आम्ही प्रेक्षकांचे मनोरंजन करण्यासोबतच आपल्या समृद्ध इतिहास आणि संस्कृतीचा अभिमान वाटेल असा आशय बनवण्यावर भर देत आहोत.
- विजय सिंग, सीइओ, फॉक्स स्टार स्टुडिओज, निर्माता, नीरजा
भारावून टाकणारं प्रेम
नीरजाला मिळत असलेलं प्रेम भारावून टाकतं. हा सिनेमा सच्चेपणाने बनवणार, हे ध्येय घेऊनच मी आणि दिग्दर्शक राम माधवानीनं काम केलं. पुढं सिनेमाला पाठिंबा देत आमच्या दृष्टीत सामील झाल्याबद्दल मी फॉक्सस्टारचे मनापासून धन्यवाद करतो. तसेच भानोत कुटुंबीयांचे विशेष आभार. आमच्यासारख्या पहिल्यांदाच दिग्दर्शन-निर्मिती क्षेत्रात उतरणाऱ्यांवर त्यांनी का विश्वास ठेवला माहीत नाही पण त्याबद्दल आम्ही त्यांचे आभारी आहोत.
- अतुल कसबेकर, ब्लिंग अनप्लग्ड, निर्माता, नीरजा
आभारी आहे
बहुप्रतिष्ठित ६४व्या राष्ट्रीय पुरस्कारांत सर्वोत्तम व्हिज्युअल इफेक्ट्ससाठी ‘शिवाय’ला मिळाल्याचा आनंद आहे. एनव्हाय व्हीएफएक्सवालाच्या नवीन पॉल आणि संपूर्ण टीमचे अभिनंदन. माननीय ज्युरींचा मी आभारी आहे. मात्र याबाबत मला आश्चर्य वाटत नाही कारण खरोखरच हा सिनेमा या पुरस्कारासाठी पात्र आहे.
- अजय देवगण, अभिनेता-दिग्दर्शक-निर्माता, शिवाय
आनंद आणि अभिमान
‘पिंक’ला सामाजिक विषयावरील सर्वोत्कृष्ट चित्रपटाचा राष्ट्रीय पुरस्कार मिळाल्याचा आनंद तर आहेच शिवाय अभिमानही आहे. सिनेमासाठी काम केलेल्या संपूर्ण टीमचे मनापासून अभिनंदन.
रश्मी शर्मा, निर्माता, पिंक
सुंदर योगायोग
आदिल सर्वोत्तम कलाकारांपैकी एक आहे. त्यानिमित्त आमच्या सिनेमाला मिळालेली कौतुकाची थाप फार महत्त्वाची आहे. हा सिनेमा माझ्यासाठी खूप खास आहे. त्यातच प्रदर्शनाच्या दिवशी हा बहुमान मिळणे हा सुंदर योगायोग जुळून आलाय. यामुळे अधिकाधिक लोकांना हा सिनेमा बघण्यासाठी प्रोत्साहन मिळेल.
- शुभाशिष भुतियानी, दिग्दर्शक, विशेष उल्लेख, मुक्ती भवन
टीमचं श्रेय
लहानमुलांना सांगण्यात येतात त्या गोष्टींप्रमाणे सायकल ही खूप निरागस फिल्म आहे. त्यानुसारच मी रंगसंगतीचा वापर करण्यात आला. वेशभूषा म्हटल्यावर ती पडद्यावर खुलून दिसेल यासाठी दिग्दर्शक प्रकाश कुंटे आणि छायाकार अमलेंदू चौधरी यांचा मोठा वाटा होता. एकूण माझ्या या यशामागे संपूर्ण टीमचं श्रेय आहे.
- सचिन लोवलेकर, वेशभूषाकार, सायकल
प्रोत्साहन मिळेल
मला खूप आनंद झालाय. ज्यूरींची मी आभारी आहे. माझ्यावर विश्वास ठेवला त्याबद्दल कुटुंबाचे आणि पाठिंब्यासाठी आमिर सर आणि नितीश सर यांचं मनापासून आभार. पहिल्या सिनेमासाठी आशा पद्धतीचा पुरस्कार मिळाल्यानं मला आणखीन उत्तम काम करण्यासाठी प्रोत्साहन मिळालं आहे.
- झायरा वसीम, दंगल
मराठीला पाचवे सुवर्ण कमळ
१९५४ – श्यामची आई
२००४ – श्वास
२०१२ – देऊळ
२०१५ – कोर्ट
२०१७ – कासव
आणि विजेते आहेत...
सर्वोत्कृष्ट चित्रपट (सुवर्णकमळ) : कासव
सर्वोत्कृष्ट अभिनेता : अक्षय कुमार (रुस्तुम)
सर्वोत्कृष्ट सहाय्यक अभिनेता : मनोज जोशी (दशक्रिया)
सर्वोत्कृष्ट सहाय्यक अभिनेत्री : झायरा वासिम (दंगल)
सर्वोत्कृष्ट दिग्दर्शक : राजेश मापुस्कर (व्हेंटिलेटर)
आधारित पटकथा : संजय पाटील, (दशक्रिया)
सर्वोत्कृष्ट वेशभूषा : सचिन लोलवलेकर (सायकल)
सर्वोत्कृष्ट साऊंड मिक्सिंग : आलोक डे (व्हेंटिलेटर)
सर्वोत्कृष्ट संकलन : रामेश्वर भगत (व्हेंटिलेटर)
सर्वोत्कृष्ट स्पेशल इफेक्ट्स : शिवाय
सर्वोत्कृष्ट मराठी चित्रपट : दशक्रिया
सर्वोत्कृष्ट हिंदी चित्रपट : नीरजा
विशेष उल्लेख : अभिनेत्री सोनम कपूर (नीरजा)
सर्वोत्कृष्ट सामाजिक विषयावरील चित्रपट : पिंक
फिल्म फ्रेण्डली राज्याचा पुरस्कार : उत्तर प्रदेश
विशेष उल्लेख : झारखंड