मुंबई : मुंबईत बिबट्याच्या हल्ल्याचा एक धक्कादायक प्रकार समोर आला आहे. मुंबईतील गोरेगाव पूर्वेतील आरे कॉलनीमध्ये गेल्या काही दिवसापासून बिबट्याची दहशत वाढताना दिसत आहे. काही दिवसांपूर्वी बिबट्यानं एका मुलावर हल्ला केला होता. त्यानंतर आता पुन्हा बिबट्याने आरे कॉलनीतील एका १२ वर्षीय मुलावर हल्ला केला आहे. या हल्ल्यामध्ये बिबट्याने अक्षरशा मुलाचे लचके तोडले तर गंभीर अवस्थेत नागरिकांनी त्याला रुग्णालयात दाखल केले. त्याच्यावर सध्या ट्रॉमा सेंटरमध्ये उपचार सुरू असून प्रकृती गंभीर असल्याची माहिती देण्यात आली आहे. दीड महिन्यात तब्बल सातव्यांदा बिबट्याने या परिसरात हल्ला केलेला आहे. त्यामुळे या ठिकाणी तातडीने बिबट्याला पकडण्यात यावं अशी मागणी नागरिकांकडून करण्यात येत आहे. अन्यथा जीवाला धोका असल्याचे नागरिकांचे म्हणणे आहे.
मुंबईच्या आरे कॉलनीत बिबट्याचा पुन्हा हल्ला, १२ वर्षीय मुलाचे तोडले लचके
हल्ला केलेल्या तरुणावर सध्या ट्रॉमा सेंटरमध्ये उपचार सुरू असून प्रकृती गंभीर असल्याची माहिती देण्यात आली आहे. दीड महिन्यात तब्बल सातव्यांदा बिबट्याने या परिसरात हल्ला केलेला आहे. त्यामुळे या ठिकाणी तातडीने बिबट्याला पकडण्यात यावं अशी मागणी नागरिकांकडून करण्यात येत आहे.
Maharashtra Times 9 Oct 2021, 3:47 pm
हायलाइट्स:
- मुंबईच्या आरे कॉलनीत बिबट्याचा पुन्हा हल्ला
- १२ वर्षीय मुलाचे तोडले लचके
- बिबट्याला पकडण्यात यावं अशी नागरिकांची मागणी