मुंबई:
'श्रीमान योगी', 'ब्रेडविनर', 'विनोद चिंतामणी', 'पाणभवरे', 'लेटर्स टू अ यंग सायंटिस्ट', 'एरंडाचे गुऱ्हाळ', 'शोधयात्रा'... या आणि अशा अनेक दर्जेदार साहित्यकृतींचा डेक्कन क्वीन आणि पंचवटी एक्स्प्रेसमधील मासिक पासधारक वाचकांनी दीड दिवसात फडशा पाडला! वाचन प्रेरणा दिनानिमित्ताने मुंबई ते पुणे डेक्कन क्वीन आणि मुंबई ते नाशिक पंचवटी एक्स्प्रेसमध्ये सोमवारपासून सुरू झालेली फिरते वाचनालय संकल्पना लगोलग यशस्वी ठरली आहे. आतापर्यंत दोन्ही एक्स्प्रेसमधील प्रवाशांनी दोनशेपर्यंत पुस्तकांचा आस्वाद घेतला.
मुंबई ते पुणे आणि मुंबई ते नाशिकपर्यंत नियमित मासिक पासधारकांना वाचनाचा आनंद लुटता येण्यासाठी फिरते वाचनालय आणि वाचनदूत सेवेचा शुभारंभ करण्यात आला. शिक्षणमंत्री विनोद तावडे यांच्या संकल्पनेतून साकारलेल्या योजनेत मराठी भाषा विभागातंर्गत राज्य मराठी विकास संस्थेचे साह्य घेण्यात आले. सोमवारी सायंकाळी वाजतगाजत उद्घाटन झालेल्या योजनेला उत्तम प्रतिसाद लाभल्याने या प्रवाशांमध्येही उत्साहाचे वातावरण आहे.
डेक्कन क्वीनमध्ये सोमवारी छत्रपती शिवाजी महाराज टर्मिनस (सीएसएमटी) हून पुण्यास जाताना या फिरत्या वाचनालयातील सुमारे ६० पुस्तके वाचनासाठी घेण्यात आली. मंगळवारी सकाळी मुंबईच्या दिशेने येताना सुमारे १६ पुस्तके वाचली गेली. अनेक प्रवाशांनी फिरत्या वाचनालयातील पुस्तकांसाठी विनंतीही केल्याचे या गाडीतील वाचनदूत मोहनीश नायर यांनी सांगितले. पंचवटी एक्स्प्रेसमध्ये सोमवार सायंकाळच्या फेरीप्रमाणेच मंगळवारी सकाळच्या फेरीत सुमारे १०० पुस्तके वाचली गेली. परतीच्या मार्गावरही नाशिककर प्रवाशांनी वेगवेगळ्या पुस्तकांचा आनंद घेतल्याचे सांगण्यात आले. पंचवटी एक्स्प्रेसमध्ये 'नॉट विदाउट माय डॉटर', 'सचिन तेंडुलकर चरित्र', 'अश्वमेध', 'शोधयात्रा', 'माझा गाव माझा मुलुख' आदी पुस्तकांना मागणी होती.
पुस्तक ट्रॉली सुरक्षित
दोन्ही गाड्यांमधील ट्रॉली सुरक्षित ठेवण्याकडेही लक्ष दिले आहे. गाडीत आणण्यापूर्वीही दोन्ही ट्रॉली सुरक्षितपणे आच्छादल्या जातात. त्यास साखळी, कुलूप अशी व्यवस्था आहे. सीएसएमटी येथे रेल्वे व्यवस्थापकांच्या कार्यालयात ट्रॉली ठेवल्या जातात. गाडी सुटण्यापूर्वी काही वेळापूर्वी ही ट्रॉली डब्यात आणली जाते. गाडीचा अंतिम थांबा आल्यावर ट्रॉली पुन्हा कार्यालयात ठेवल्या जातात.
'श्रीमान योगी', 'ब्रेडविनर', 'विनोद चिंतामणी', 'पाणभवरे', 'लेटर्स टू अ यंग सायंटिस्ट', 'एरंडाचे गुऱ्हाळ', 'शोधयात्रा'... या आणि अशा अनेक दर्जेदार साहित्यकृतींचा डेक्कन क्वीन आणि पंचवटी एक्स्प्रेसमधील मासिक पासधारक वाचकांनी दीड दिवसात फडशा पाडला! वाचन प्रेरणा दिनानिमित्ताने मुंबई ते पुणे डेक्कन क्वीन आणि मुंबई ते नाशिक पंचवटी एक्स्प्रेसमध्ये सोमवारपासून सुरू झालेली फिरते वाचनालय संकल्पना लगोलग यशस्वी ठरली आहे. आतापर्यंत दोन्ही एक्स्प्रेसमधील प्रवाशांनी दोनशेपर्यंत पुस्तकांचा आस्वाद घेतला.
मुंबई ते पुणे आणि मुंबई ते नाशिकपर्यंत नियमित मासिक पासधारकांना वाचनाचा आनंद लुटता येण्यासाठी फिरते वाचनालय आणि वाचनदूत सेवेचा शुभारंभ करण्यात आला. शिक्षणमंत्री विनोद तावडे यांच्या संकल्पनेतून साकारलेल्या योजनेत मराठी भाषा विभागातंर्गत राज्य मराठी विकास संस्थेचे साह्य घेण्यात आले. सोमवारी सायंकाळी वाजतगाजत उद्घाटन झालेल्या योजनेला उत्तम प्रतिसाद लाभल्याने या प्रवाशांमध्येही उत्साहाचे वातावरण आहे.
डेक्कन क्वीनमध्ये सोमवारी छत्रपती शिवाजी महाराज टर्मिनस (सीएसएमटी) हून पुण्यास जाताना या फिरत्या वाचनालयातील सुमारे ६० पुस्तके वाचनासाठी घेण्यात आली. मंगळवारी सकाळी मुंबईच्या दिशेने येताना सुमारे १६ पुस्तके वाचली गेली. अनेक प्रवाशांनी फिरत्या वाचनालयातील पुस्तकांसाठी विनंतीही केल्याचे या गाडीतील वाचनदूत मोहनीश नायर यांनी सांगितले. पंचवटी एक्स्प्रेसमध्ये सोमवार सायंकाळच्या फेरीप्रमाणेच मंगळवारी सकाळच्या फेरीत सुमारे १०० पुस्तके वाचली गेली. परतीच्या मार्गावरही नाशिककर प्रवाशांनी वेगवेगळ्या पुस्तकांचा आनंद घेतल्याचे सांगण्यात आले. पंचवटी एक्स्प्रेसमध्ये 'नॉट विदाउट माय डॉटर', 'सचिन तेंडुलकर चरित्र', 'अश्वमेध', 'शोधयात्रा', 'माझा गाव माझा मुलुख' आदी पुस्तकांना मागणी होती.
पुस्तक ट्रॉली सुरक्षित
दोन्ही गाड्यांमधील ट्रॉली सुरक्षित ठेवण्याकडेही लक्ष दिले आहे. गाडीत आणण्यापूर्वीही दोन्ही ट्रॉली सुरक्षितपणे आच्छादल्या जातात. त्यास साखळी, कुलूप अशी व्यवस्था आहे. सीएसएमटी येथे रेल्वे व्यवस्थापकांच्या कार्यालयात ट्रॉली ठेवल्या जातात. गाडी सुटण्यापूर्वी काही वेळापूर्वी ही ट्रॉली डब्यात आणली जाते. गाडीचा अंतिम थांबा आल्यावर ट्रॉली पुन्हा कार्यालयात ठेवल्या जातात.