म. टा. प्रतिनिधी, मुंबई
चर्नी रोड ते ग्रँट रोड स्थानकादरम्यान ओव्हरहेड वायरवर टी-शर्ट आल्याने लोकल रखडल्याची घटना गुरुवारी घडली. यामुळे डाऊन मार्गावर लोकलचे वेळापत्रक कोलमडले होते. गर्दीच्या वेळेत हा प्रकार घडल्याने दुपारच्या सत्रातील काही लोकल फेऱ्या सुमारे १० ते १५ मिनिटे विलंबाने धावत होत्या.
चर्नी रोड आणि ग्रँट रोडदरम्यान रोड ओव्हर पुलांच्या (आरओबी) खाली असलेल्या ओव्हरहेड वायरवर कपडा लटकत असल्याची माहिती सकाळी साडेनऊच्या सुमारास रेल्वे नियंत्रण कक्षाला मिळाली. सकाळी गर्दीची वेळ असल्याने नियंत्रण कक्षाकडून सुरक्षिततेच्या दृष्टिकोनातून ओव्हर हेड वायरचा विद्युतपुरवठा खंडित करण्यात आला. यामुळे अनेक लोकल फेऱ्या रखडल्या. यातच पश्चिम रेल्वेच्या अधिकृत ट्विटर हँडलवरून केवळ तांत्रिक बिघाड झाल्याचे नमूद करण्यात आल्याने प्रवाशांच्या रोषात भर पडली. पावणे दहाच्या सुमारास टी-शर्ट काढण्यात आले. या घटनेमुळे डाऊन लोकल फेऱ्या सुमारे १० ते १५ मिनिटे विलंबाने धावत होत्या, अशी माहिती पश्चिम रेल्वेच्या अधिकाऱ्यांनी दिली.
झोपडपट्ट्यांवर कारवाईची मागणी
रुळांशेजारी असलेल्या अनधिकृत झोपडपट्टीमुळे रुळांवर कचरा टाकण्याचे प्रकार घडत असतानाच आता कपड्यामुळे लोकल रखडल्याच्या घटनेतही वाढ होत आहे. झोपडपट्टीचा आधार घेऊन अनेक वेळा फटका पद्धतीने चोरी करण्याचे प्रकार घडतात. यामुळे रुळांशेजारी असलेल्या अनधिकृत झोपडपट्टीवर प्राथमिकतेने कारवाई करावी, अशी मागणी प्रवाशांकडून होत आहे.
चर्नी रोड ते ग्रँट रोड स्थानकादरम्यान ओव्हरहेड वायरवर टी-शर्ट आल्याने लोकल रखडल्याची घटना गुरुवारी घडली. यामुळे डाऊन मार्गावर लोकलचे वेळापत्रक कोलमडले होते. गर्दीच्या वेळेत हा प्रकार घडल्याने दुपारच्या सत्रातील काही लोकल फेऱ्या सुमारे १० ते १५ मिनिटे विलंबाने धावत होत्या.
चर्नी रोड आणि ग्रँट रोडदरम्यान रोड ओव्हर पुलांच्या (आरओबी) खाली असलेल्या ओव्हरहेड वायरवर कपडा लटकत असल्याची माहिती सकाळी साडेनऊच्या सुमारास रेल्वे नियंत्रण कक्षाला मिळाली. सकाळी गर्दीची वेळ असल्याने नियंत्रण कक्षाकडून सुरक्षिततेच्या दृष्टिकोनातून ओव्हर हेड वायरचा विद्युतपुरवठा खंडित करण्यात आला. यामुळे अनेक लोकल फेऱ्या रखडल्या. यातच पश्चिम रेल्वेच्या अधिकृत ट्विटर हँडलवरून केवळ तांत्रिक बिघाड झाल्याचे नमूद करण्यात आल्याने प्रवाशांच्या रोषात भर पडली. पावणे दहाच्या सुमारास टी-शर्ट काढण्यात आले. या घटनेमुळे डाऊन लोकल फेऱ्या सुमारे १० ते १५ मिनिटे विलंबाने धावत होत्या, अशी माहिती पश्चिम रेल्वेच्या अधिकाऱ्यांनी दिली.
झोपडपट्ट्यांवर कारवाईची मागणी
रुळांशेजारी असलेल्या अनधिकृत झोपडपट्टीमुळे रुळांवर कचरा टाकण्याचे प्रकार घडत असतानाच आता कपड्यामुळे लोकल रखडल्याच्या घटनेतही वाढ होत आहे. झोपडपट्टीचा आधार घेऊन अनेक वेळा फटका पद्धतीने चोरी करण्याचे प्रकार घडतात. यामुळे रुळांशेजारी असलेल्या अनधिकृत झोपडपट्टीवर प्राथमिकतेने कारवाई करावी, अशी मागणी प्रवाशांकडून होत आहे.