मुंबई: नोकरदारांना खिंडीत पकडण्याचा मध्य रेल्वेचा नित्यक्रम सुरूच आहे. आजही मध्य रेल्वेच्या अप-डाउन दोन्ही मार्गांवरील वाहतूक विस्कळीत झाली असून गाड्या सुमारे अर्धा ते पाऊण तास उशिरानं धावत आहेत. ऐन कार्यालयीन वेळेत झालेल्या या खोळंब्यामुळं नोकरदारांची तारांबळ उडाली आहे.
कळवा फाटक सकाळी ९.२७ ते १० वाजेपर्यंत सुरू होते. त्याचा परिणाम मध्य रेल्वेच्या धीम्या मार्गावरील वाहतुकीवर झाला असल्याची माहिती मध्य रेल्वेचे वरिष्ठ जनसंपर्क अधिकारी अनिल कुमार जैन यांनी दिली. धीम्या मार्गावरील वाहतूक उशिराने सुरू असून लवकरच पूर्वपदावर आणण्याचे प्रयत्न मध्य रेल्वेकडून सुरू असल्याचे त्यांनी सांगितले. ऐन गर्दीच्या वेळी रेल्वेचे वेळापत्रक कोलमडल्यामुळं प्रवाशांमध्ये संतापाचं वातावरण आहे. गाड्या उशिरानं धावत असल्यानं रेल्वे स्थानकांवर मोठी गर्दी पाहायला मिळत आहे.
कर्जतजवळ मालगाडीचे चाक घसरले लोकल सेवेचा खोळंबा झाला असतानाच कर्जत रेल्वे स्थानकाजवळ मालगाडी रुळावरून घसरली आहे. त्यामुळं प्लॅटफॉर्म क्रमांक तीनवरील वाहतूक बंद आहे. त्याचा फटकाही लोकलला बसणार आहे. मात्र, मुंबई-पुणे वाहतूक सुरू असल्याचं समजतं.
कळवा फाटक सकाळी ९.२७ ते १० वाजेपर्यंत सुरू होते. त्याचा परिणाम मध्य रेल्वेच्या धीम्या मार्गावरील वाहतुकीवर झाला असल्याची माहिती मध्य रेल्वेचे वरिष्ठ जनसंपर्क अधिकारी अनिल कुमार जैन यांनी दिली. धीम्या मार्गावरील वाहतूक उशिराने सुरू असून लवकरच पूर्वपदावर आणण्याचे प्रयत्न मध्य रेल्वेकडून सुरू असल्याचे त्यांनी सांगितले. ऐन गर्दीच्या वेळी रेल्वेचे वेळापत्रक कोलमडल्यामुळं प्रवाशांमध्ये संतापाचं वातावरण आहे. गाड्या उशिरानं धावत असल्यानं रेल्वे स्थानकांवर मोठी गर्दी पाहायला मिळत आहे.
कर्जतजवळ मालगाडीचे चाक घसरले