मध्य रेल्वेवरील लोकलसेवा उद्या १० मिनिटे उशिराने

म. टा. खास प्रतिनिधी, मुंबई

मध्य रेल्वेवर उद्या, रविवारी सकाळी ११ ते सायंकाळी ५ पर्यंत, हार्बरवर स. ११ ते दु. ४ आणि पश्चिम रेल्वेवर आज, शनिवारी मध्यरात्री मेगाब्लॉक घेण्यात येणार आहे. पश्चिम रेल्वेवर उद्या, रविवारी कोणताही मेगाब्लॉक घेतला जाणार नसल्याचे स्पष्ट करण्यात आले आहे. मध्य रेल्वेवरील सर्व लोकल सेवा ब्लॉक कालावधीत सुमारे १० मिनिटे उशिराने धावतील. लांब पल्ल्यांच्या गाड्याही १५ मिनिटांपर्यंत उशिराने धावतील.

मध्य रेल्वेवर कल्याण ते ठाणे अप धीम्या मार्गावर सकाळी ११.२० ते दु. ४.२० पर्यंत मेगाब्लॉक चालणार आहे. कल्याणहून सुटणाऱ्या अप धीम्या आणि अर्धजलद लोकल स. १०.४८ ते दु. ४.१४ पर्यंत मुलुंडपर्यंत अप जलद मार्गावर चालवण्यात येतील. या लोकल मुलुंडनंतर पुन्हा अप धीम्या मार्गावर चालवल्या जातील. अप धीम्या मार्गावरील लोकल ठाकुर्ली, कोपर, मुंब्रा, कळवा स्थानकात थांबणार नाहीत.

छत्रपती शिवाजी महाराज टर्मिनसहून स. १०.०५ ते दु. २.५४ पर्यंत चालणाऱ्या डाऊन जलद लोकल घाटकोपर, विक्रोळी, भांडुप, मुलुंड या स्थानकांवरही थांबतील. अप जलद मार्गावर कल्याणहून स. ११.२३ ते दु. ४.०२ पर्यंत सुटणाऱ्या सर्व लोकल दिवा, मुलुंड, भांडुप, विक्रोळी, घाटकोपर, कुर्ला स्थानकांतही थांबतील.

हार्बरवर साडेपाच तास सेवा खंडित

हार्बर मार्गावर कुर्ला ते वाशी अप आणि डाऊन मार्गावर स. ११.१० ते दु. ४.१० पर्यंत मेगाब्लॉक चालणार आहे. सीएसएमटी ते पनवेल-बेलापूर-वाशीपर्यंत स. १०.३४ ते दु. ३.३९ आणि पनवेल-बेलापूर-वाशी ते सीएसएमटीपर्यंत स. १०.२१ ते दु. ३.४१ पर्यंत लोकलसेवा खंडित केली जाणार आहे.

पश्चिम रेल्वेवर आज, शनिवारी रात्री ११.४५ ते पहाटे ४.४५ पर्यंत वसई ते विरार स्थानकांदरम्यान मेगाब्लॉक चालणार आहे. रात्री ११.४५ ते पहाटे २.४५ वाजेपर्यंत अप जलद आणि डाऊन मार्गावर रात्री १.२५ ते दु. ४.२५ पर्यंत मेगाब्लॉक चालणार आहे.