म. टा. प्रतिनिधी, मुंबई
दक्षिण मुंबई लोकसभा मतदारसंघातील काँग्रेसचे उमेदवार आणि मुंबई काँग्रेस अध्यक्ष मिलिंद देवरा यांच्याविरोधात जैन समुदायाच्या एका कार्यक्रमात धर्माच्या आधारावर मत मागत समाजामध्ये तेढ निर्माण करणारे वक्तव्य केल्यावरून गुन्हा दाखल करण्यात आला आहे. अशा प्रकारचे कृत्य हे आचारसंहिता भंग करणारे असल्याने देवरांवर गुन्हा दाखल करण्यात आला आहे.
शिवसेनेने अलिकडेच पर्युषण पर्वादरम्यान जैन मंदीरांसमोर मांसाहार शिजवून शाकाहाराला विरोध केला होता. त्यामुळे जैन समुदायाने त्यांना धडा शिकवायला हवा, असे आवाहन मिलिंद देवरा यांनी २ एप्रिल रोजी जैन समुदायाच्या एका कार्यक्रमात केले होते. अशा प्रकारचे वक्तव्य हे दोन समाजांत तेढ निर्माण करणारे असल्याचा आरोप करत वकील धरम मिश्रा यांनी निवडणूक आयोगाकडे याबाबत तक्रार केली होती. त्यानुसार देवरा यांच्याविरूद्ध कलम १७१, १२५ अंतर्गत तक्रार दाखल करण्यात आली आहे.
दक्षिण मुंबई लोकसभा मतदारसंघातील काँग्रेसचे उमेदवार आणि मुंबई काँग्रेस अध्यक्ष मिलिंद देवरा यांच्याविरोधात जैन समुदायाच्या एका कार्यक्रमात धर्माच्या आधारावर मत मागत समाजामध्ये तेढ निर्माण करणारे वक्तव्य केल्यावरून गुन्हा दाखल करण्यात आला आहे. अशा प्रकारचे कृत्य हे आचारसंहिता भंग करणारे असल्याने देवरांवर गुन्हा दाखल करण्यात आला आहे.
शिवसेनेने अलिकडेच पर्युषण पर्वादरम्यान जैन मंदीरांसमोर मांसाहार शिजवून शाकाहाराला विरोध केला होता. त्यामुळे जैन समुदायाने त्यांना धडा शिकवायला हवा, असे आवाहन मिलिंद देवरा यांनी २ एप्रिल रोजी जैन समुदायाच्या एका कार्यक्रमात केले होते. अशा प्रकारचे वक्तव्य हे दोन समाजांत तेढ निर्माण करणारे असल्याचा आरोप करत वकील धरम मिश्रा यांनी निवडणूक आयोगाकडे याबाबत तक्रार केली होती. त्यानुसार देवरा यांच्याविरूद्ध कलम १७१, १२५ अंतर्गत तक्रार दाखल करण्यात आली आहे.