मुंबई :
पंतप्रधान नरेंद्र मोदी यांच्या आवाहनला प्रतिसाद देत अभिनेता शाहरुख खानने मतदार जागृती करणारा एक व्हिडिओ तयार केला असून शाहरुखच्या या कल्पक व्हिडिओला पंतप्रधानांनीही अगदी तत्परतेने दाद दिली आहे.
शाहरुखने 'करो मतदान' या शिर्षकाखाली मतदारांना आवाहन करणारा थोडासा हटके व्हिडिओ बनवला आहे. एका मिनिटाच्या या व्हिडिओत शाहरुखने आपल्या मताचे मोल आणि बोटावरच्या शाईचे महत्त्व अधोरेखित केले आहे. या व्हिडिओला यूट्युबवर मोठ्या प्रमाणात प्रतिसाद मिळत आहे.
तुम्ही उशीर करू नका!
शाहरुखने हा व्हिडिओ ट्विटरवर पोस्ट केला असून ट्विटमध्ये पंतप्रधान मोदी यांना टॅग केले आहे. पंतप्रधानांनी हा व्हिडिओ कल्पक असावा, असे म्हटले होते असे नमूद करत 'माझ्याकडून व्हिडिओ बनवण्यास थोडा उशीर झाला. मात्र तुम्ही उशीर करू नका... मतदान करा. मतदान हा केवळ तुमचा हक्कच नाही तर तुमची ताकद आहे. ती दाखवा', असे आवाहन शाहरुखने मतदारांना केले आहे.
पंतप्रधानांनी दिली दाद
शाहरुखचं ट्विट रीट्विट करताना 'एक स्तुत्य प्रयत्न' अशा शब्दांत पंतप्रधानांनी शाहरुखच्या व्हिडिओला दाद दिली आहे. देशातील मतदार, त्यातही नवमतदार आपल्या आवाहनाला प्रतिसाद देतील आणि मोठ्या संख्येने मतदान करतील, याची मला खात्री असल्याचे पंतप्रधानांनी म्हटले आहे.
पंतप्रधान नरेंद्र मोदी यांच्या आवाहनला प्रतिसाद देत अभिनेता शाहरुख खानने मतदार जागृती करणारा एक व्हिडिओ तयार केला असून शाहरुखच्या या कल्पक व्हिडिओला पंतप्रधानांनीही अगदी तत्परतेने दाद दिली आहे.
शाहरुखने 'करो मतदान' या शिर्षकाखाली मतदारांना आवाहन करणारा थोडासा हटके व्हिडिओ बनवला आहे. एका मिनिटाच्या या व्हिडिओत शाहरुखने आपल्या मताचे मोल आणि बोटावरच्या शाईचे महत्त्व अधोरेखित केले आहे. या व्हिडिओला यूट्युबवर मोठ्या प्रमाणात प्रतिसाद मिळत आहे.
तुम्ही उशीर करू नका!
शाहरुखने हा व्हिडिओ ट्विटरवर पोस्ट केला असून ट्विटमध्ये पंतप्रधान मोदी यांना टॅग केले आहे. पंतप्रधानांनी हा व्हिडिओ कल्पक असावा, असे म्हटले होते असे नमूद करत 'माझ्याकडून व्हिडिओ बनवण्यास थोडा उशीर झाला. मात्र तुम्ही उशीर करू नका... मतदान करा. मतदान हा केवळ तुमचा हक्कच नाही तर तुमची ताकद आहे. ती दाखवा', असे आवाहन शाहरुखने मतदारांना केले आहे.
पंतप्रधानांनी दिली दाद
शाहरुखचं ट्विट रीट्विट करताना 'एक स्तुत्य प्रयत्न' अशा शब्दांत पंतप्रधानांनी शाहरुखच्या व्हिडिओला दाद दिली आहे. देशातील मतदार, त्यातही नवमतदार आपल्या आवाहनाला प्रतिसाद देतील आणि मोठ्या संख्येने मतदान करतील, याची मला खात्री असल्याचे पंतप्रधानांनी म्हटले आहे.