मेट्रो-५, मेट्रो-६ प्रकल्पांना मंजुरी

मटा ऑनलाइन वृत्त । मुंबई

राज्य मंत्रिमडंळाने मेट्रो-५ आणि मेट्रो- ६ या प्रकल्पांना मंजुरी दिली असून ठाणे आणि मुंबईतील लाखो प्रवाशांना या प्रकल्पांमुळे दिलासा मिळणार आहे. मेट्रो-५ द्वारे ठाणे, भिवंडी आणि कल्याण या शहरांना जोडले जाणार आहे तर मेट्रो-६ प्रकल्पाने जोगेश्वरी-विक्रोळी मार्गावर होणाऱ्या कोंडीतून मुंबईकरांची सुटका होणार आहे.

मेट्रो-५ साठी ८ हजार ४१६ कोटी तर मेट्रो- ६ साठी ६ हजार ६७२ कोटी इतका खर्च अपेक्षित आहे. हे दोन्ही प्रकल्प २०२१ पर्यंत पूर्ण करण्याचे लक्ष्य ठेवण्यात आले आहे.

मेट्रो प्रकल्पांचा तपशील...

मेट्रो-५: ठाणे-भिवंडी-कल्याण

> खर्च- ८४१६ कोटी
> मार्गाची लांबी- २४ कि.मी.
> एकूण स्थानके- १७
> सहा डब्यांच्या गाड्या
> रोज अपेक्षित प्रवासी- २०२१ मध्ये २.२९ लाख, तर २०३१ मध्ये ३.३४ लाख

स्थानके - कल्याण एपीएमसी, कल्याण स्थानक, सहजानंद चौक, दुर्गाडी किल्ला, कोनगाव, गोव एमआयडीसी, राजनोली गाव, टेमघर, गोपाळ नगर, भिवंडी, धामनकर नाका, अंजुर फाटा, पूर्णा, काल्हेर, कशेळी, बाळकुंभ नाका, कापुरबावडी

मेट्रो-६: स्वामी समर्थ नगर-जोगेश्वरी-कांजुरमार्ग-विक्रोळी

> खर्च अपेक्षित- ६६७२ कोटी
> लांबी- १४.५ कि.मी.
> एकूण स्थानके- १३
> सहा डब्यांच्या गाड्या
> रोज अपेक्षित प्रवासी- २०२१ मध्ये ६.५ लाख, तर २०३१ मध्ये ७.६९ लाख

स्थानके- स्वामी समर्थ नगर, आदर्श नगर, मोमिन नगर, जेव्हीएलआर, श्याम नगर, महाकाली गुंफा, सीप्झ गाव, साकी विहार रोड, राम बाग, पवई तलाव, आयआयटी पवई, कांजुरमार्ग पश्चिम, विक्रोळी पूर्व द्रूतगती महामार्ग.