Ajit Pawar मंत्रिमंडळ विस्तारापूर्वी अजित पवारांचा मोठा गौप्यस्फोट, नाराजी दूर करण्यासाठी...

मुंबई : शिंदे - फडणवीस सरकारच्या मंत्रिमंडळाचा आज विस्तार होत आहे. मंत्रिमंडळात कोणा-कोणाची वर्णी लागणार यावरून ( Maharashtra Cabinet Expansion ) राजकीय चर्चा सुरू असताना नाराजीचे सूरही उमटू लागले आहेत. मंत्रिमंडळ विस्ताराच्या या नाराजी नाट्यावर विरोधी पक्षनेते अजित पवार यांची प्रतिक्रिया आली आहे. मंत्रिमंडळ विस्तार होतो, त्यावेळी नाराजी नाट्य होतचं, असं अजित पवार म्हणाले.

भाजपकडून ९ तर शिंदे गटाकडून ५ ते ६ आमदार मंत्रिपदाची शपथ घेतील. शपथविधीपूर्वी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्यात मंत्रिमंडळ विस्ताराच्या मुद्द्यावरून रात्रभ बैठक चालल्याची माहिती आहे. ३ ते पहाटे ५ वाजेपर्यंत ही बैठक सुरू होती. आमदारांची नाराजी दूर करण्याचे प्रयत्न सुरू होते, असं बोललं जातंय. आपल्याला मंत्रिपद मिळण्याची शक्यता आहे. पण अद्याप नाव निश्चित झालेलं नाही, अशी प्रतिक्रिया शिंदे गटातील आमदार गुलाबराव पाटील यांनी दिली.

अपक्ष आमदारांना पहिल्या विस्तारात स्थान नाही

शिंदे गटाकडून आणि भाजपकडून अपक्ष आमदारांना आजच्या आणि पहिल्या मंत्रिमंडळ विस्तारात स्थान नाही, अशी चर्चा आहे. बच्चू कडू, अशीष जैस्वाल यांच्यासह अनेक अपक्ष आमदारांनी शिंदे गटाला पाठिंबा दिला आहे. यामुळे त्यांच्यात नाराजी शक्यताही व्यक्त केली जात आहे.

मंत्रिमंडळ विस्ताराच्या आदल्या रात्री अब्दुल सत्तार थेट एकनाथ शिंदेंच्या बंगल्यावर पोहोचले अन्....

मंत्रिमंडळाचा विस्तार होतोय. कालच उपमुख्यमंत्री देवेंद्र फडणवीसांनी फोन करून आपल्याला निमंत्रण दिलंय. आपण उपस्थित राहणार आहे. आपण एवढं काम केलं. आणि तरी मंत्रिमंडळात स्थान नाही, अशी नाराजी असते. मंत्रिमंडळ विस्तारावेळी नाराजी निर्माण होतेच. पण आजचा मंत्रिमंडळ विस्तार हा छोट्या स्वरुपाचा आहे. पुढे मोठ्या स्वरुपात मंत्रिमंडळाचा विस्तार होऊ शकतो. आमदारांची नाराजी दूर केली जाऊ शकते, असं विरोधी पक्षनेते अजित पवार म्हणाले.

देवेंद्र फडणवीस पुण्याचे पालकमंत्री होणार? मंत्रीपदासाठी पुण्यातून 'या' दोन नावांची चर्चा