मुंबई : मुख्यमंत्री उद्धव ठाकरे (Uddhav Thackeray) यांचे मेहुणे बिझनेसमन श्रीधर पाटणकर (shreedhar patankar) यांच्यावर सक्तवसुली संचलनालय (enforcement directorate) अर्थात ईडीने मोठी कारवाई केली आहे. पाटणकर यांचे जवळपास साडे सहा कोटींचे ११ फ्लॅट्स ईडीने जप्त केले आहेत. आतापर्यंतची राष्ट्रवादीच्या मंत्र्यांच्या पाठीमागे ईडी लागली होती. पण आता ईडीचं टार्गेट ठाकरे आणि त्यांचे निकटवर्तीय आहेत. याच पार्श्वभूमीवर दिवसेंदिवस महाराष्ट्रातला ईडीचा अॅक्टिव्हनेस पाहता मुख्यमंत्री उद्धव ठाकरेंनी उद्या सकाळी ११ वाजता कॅबिनेट बैठक बोलावली आहे. ठाकरे सरकारमधील माजी गृहमंत्री अनिल देशमुख तसंच सध्या बिनखात्याचे मंत्री असलेले नवाब मलिक यांच्यावर ईडीने कारवाई केली होती. तसंच उपमुख्यमंत्री अजित पवार यांच्या बहिणींच्या घरावर आयकर विभागाने छापे मारले होते. एकंदरित दिवसेंदिवस वाढत जाणाऱ्या केंद्रीय यंत्रणांच्या कारवायांबाबत उद्या आयोजित केलेल्या कॅबीनेट बैठकीत चर्चेची शक्यता व्यक्त केली जात आहे.
उद्या सकाळी ११ वाजता कॅबिनेट बैठकीचं आयोजन
पहिल्यांदा उपमुख्यमंत्री अजित पवार यांच्या बहिणींच्या घरावर आयकर विभागाने धाडी मारल्यानंतर आता थेट मुख्यमंत्र्यांच्या मेहुण्यावरच ईडीने कारवाईचं हत्यार उपसलं आहे. सरकारमधील मोठ्या नेत्यांना टार्गेट करण्याचा हा प्रयत्न आहे, अशी शंका महाविकास आघाडीचे नेते उपस्थित करत आहेत. तसंच या प्रकाराविरोधात आपल्याला सडेतोड उत्तर देण्याची गरज असल्याचं महाविकास आघाडीचे नेते म्हणत आहेत. याच पार्श्वभूमीवर उद्या सकाळी ११ वाजता आयोजित केलेल्या कॅबिनेट बैठकीत केंद्रीय यंत्रणांच्या कारवाईबाबत चर्चा होणार आहे, अशी माहिती कळतीय.
श्रीधर पाटणकर यांच्यावर नेमके आरोप काय?
शेल कंपनीच्या मालकांनी पाटणकरांना विनातारण ३० कोटी रुपये दिल्याचा आरोप श्रीधर पाटणकर यांच्यावर आहे. नंदकिशोर चतुर्वेदी नावाचा एन्ट्री ऑपरेटर असून त्याच्या माध्यमातून ३० कोटींचं कर्ज साईबाबा गृहनिर्मीती प्रा.लिमिटेड यांना शेल कंपन्यांच्या माध्यमातून ट्रान्सफर केलं गेलं, असा आरोप ईडीने ठेवलेला आहे. या ट्रान्सफर केलेल्या पैशातूनच पाटणकरांनी या ११ सदनिकांची खरेदी केली गेली, असं बोललं जातंय.
"झुकणार नाही, वाकणार नाही, सडेतोड उत्तर देऊ"
"शिवसेना असल्या कारवायांना घाबरणार नाही. महाविकास आघाडी अस्थिर करण्याचा हा डाव आहे. पण शेवटी बहुमत आमच्या बाजूने आहे. लोकशाहीत बहुमताच्या आकड्याला जास्त किंमत आहे. आणखी एकदा सांगतो, शिवसेना झुकणार नाही, वाकणार नाही. सडेतोड उत्तर देऊ", अशी सेना स्टाईल प्रतिक्रिया एकनाथ शिंदे यांनी दिली आहे.
राजकीय वर्तुळातून आरोप प्रत्यारोपांच्या फैरी
श्रीधर पाटणकर यांच्यावरील कारवाईनंतर राजकीय वर्तुळातून आरोप प्रत्यारोपांच्या फैरी सुरु झाल्या आहेत. भाजप नेते माजी खासदार किरीट सोमय्या यांनी आक्रमक शब्दात ट्विट करत घोटाळेबाजांना सोडणार नाही, असा इशारा दिला. उद्धव ठाकरे यांचा साला, पैशांच्या अफरातफरीची केस आणि ईडीची कारवाई, असं ट्विट सोमय्या यांनी केलं. दुसरीकडे भाजप आमदार नितेश राणे यांनी तर थेट मुख्यमंत्र्यांचा राजीनामाच मागितला. आता स्वत:च्या मेहुण्याला अटक केल्यावर तरी मुख्यमंत्र्यांनी नैतिकता ठेऊन राजीनामा द्यावा, असं नितेश राणे म्हणाले.
दुसरीकडे पाटणकर यांच्यावरील कारवाईनंतर सत्ताधारी महाविकास आघाडीने भाजपवर टीकेची झोड उठवली. केंद्रीय तपास यंत्रणांचा गैरवापर असल्याचं मत कितीही प्रयत्न केले तरी ठाकरे सरकार पडणार नाही, असा प्रत्युत्तर सरकारमधील मंत्री, नेत्यांनी दिलं.
उद्या सकाळी ११ वाजता कॅबिनेट बैठकीचं आयोजन
पहिल्यांदा उपमुख्यमंत्री अजित पवार यांच्या बहिणींच्या घरावर आयकर विभागाने धाडी मारल्यानंतर आता थेट मुख्यमंत्र्यांच्या मेहुण्यावरच ईडीने कारवाईचं हत्यार उपसलं आहे. सरकारमधील मोठ्या नेत्यांना टार्गेट करण्याचा हा प्रयत्न आहे, अशी शंका महाविकास आघाडीचे नेते उपस्थित करत आहेत. तसंच या प्रकाराविरोधात आपल्याला सडेतोड उत्तर देण्याची गरज असल्याचं महाविकास आघाडीचे नेते म्हणत आहेत. याच पार्श्वभूमीवर उद्या सकाळी ११ वाजता आयोजित केलेल्या कॅबिनेट बैठकीत केंद्रीय यंत्रणांच्या कारवाईबाबत चर्चा होणार आहे, अशी माहिती कळतीय.
श्रीधर पाटणकर यांच्यावर नेमके आरोप काय?
शेल कंपनीच्या मालकांनी पाटणकरांना विनातारण ३० कोटी रुपये दिल्याचा आरोप श्रीधर पाटणकर यांच्यावर आहे. नंदकिशोर चतुर्वेदी नावाचा एन्ट्री ऑपरेटर असून त्याच्या माध्यमातून ३० कोटींचं कर्ज साईबाबा गृहनिर्मीती प्रा.लिमिटेड यांना शेल कंपन्यांच्या माध्यमातून ट्रान्सफर केलं गेलं, असा आरोप ईडीने ठेवलेला आहे. या ट्रान्सफर केलेल्या पैशातूनच पाटणकरांनी या ११ सदनिकांची खरेदी केली गेली, असं बोललं जातंय.
"झुकणार नाही, वाकणार नाही, सडेतोड उत्तर देऊ"
"शिवसेना असल्या कारवायांना घाबरणार नाही. महाविकास आघाडी अस्थिर करण्याचा हा डाव आहे. पण शेवटी बहुमत आमच्या बाजूने आहे. लोकशाहीत बहुमताच्या आकड्याला जास्त किंमत आहे. आणखी एकदा सांगतो, शिवसेना झुकणार नाही, वाकणार नाही. सडेतोड उत्तर देऊ", अशी सेना स्टाईल प्रतिक्रिया एकनाथ शिंदे यांनी दिली आहे.
राजकीय वर्तुळातून आरोप प्रत्यारोपांच्या फैरी
श्रीधर पाटणकर यांच्यावरील कारवाईनंतर राजकीय वर्तुळातून आरोप प्रत्यारोपांच्या फैरी सुरु झाल्या आहेत. भाजप नेते माजी खासदार किरीट सोमय्या यांनी आक्रमक शब्दात ट्विट करत घोटाळेबाजांना सोडणार नाही, असा इशारा दिला. उद्धव ठाकरे यांचा साला, पैशांच्या अफरातफरीची केस आणि ईडीची कारवाई, असं ट्विट सोमय्या यांनी केलं. दुसरीकडे भाजप आमदार नितेश राणे यांनी तर थेट मुख्यमंत्र्यांचा राजीनामाच मागितला. आता स्वत:च्या मेहुण्याला अटक केल्यावर तरी मुख्यमंत्र्यांनी नैतिकता ठेऊन राजीनामा द्यावा, असं नितेश राणे म्हणाले.
दुसरीकडे पाटणकर यांच्यावरील कारवाईनंतर सत्ताधारी महाविकास आघाडीने भाजपवर टीकेची झोड उठवली. केंद्रीय तपास यंत्रणांचा गैरवापर असल्याचं मत कितीही प्रयत्न केले तरी ठाकरे सरकार पडणार नाही, असा प्रत्युत्तर सरकारमधील मंत्री, नेत्यांनी दिलं.