Maharashtra Lockdown Live Updates: राज्यात पुन्हा एकदा कडक लॉकडाऊन; जाणून घ्या ताजे अपडेट्स...

मुंबई: महाराष्ट्रात करोना संसर्गाची साखळी तोडण्यासाठी १ मे सकाळी ७ वाजेपर्यंत ब्रेक द चेन अंतर्गत कठोर निर्बंध लावण्यात आले आहेत. यात पूर्वीच्या लॉकडाऊनसारखीच अनेक बंधने घालण्यात आली आहेत. या निर्बंधांची काटेकोरपणे अंमलबजावणी करण्याचे मोठे आव्हान पोलीस आणि प्रशासनापुढे असणार आहे. आज रात्री ८ वाजल्यापासून नव्या आदेशाची अंमलबजावणी सुरू झाली आहे. ( Maharashtra Lockdown Live Updates )महाराष्ट्रात पुन:श्च लॉकडाऊन सुरू झाले असून येथे जाणून घ्या ताजे अपडेट्स...

- लॉकडाऊनची अनेक जिल्ह्यांत धडक अंमलबजावणी सुरू. जिल्ह्यांच्या सीमा केल्या जात आहेत सील.

- औरंगाबाद शहराची बॉर्डर आजपासून होणार सील. सहा एन्ट्री पॉइंटवर येणाऱ्या जाणाऱ्या वाहनांची केली जाणार कडक तपासणी.

- कोल्हापूर जिल्ह्यात आज रात्रीपासूनच प्रवेशबंदी. तालुक्यातही प्रवेशबंदी. शहर परिसरातील व्यक्ती वस्तू खरेदीसाठी एक किलोमीटर अंतराबाहेर आढळल्यास कडक कारवाई. पोलीस अधीक्षक शैलेश बलकवडे यांनी दिली माहिती.

- लोकल प्रवासाबाबत राज्य सरकारच्या नियमावलीचे रेल्वेने केले अनुकरण. सामान्यांसाठी लोकलची दारे बंदच. तिकीट आता काउंटरवरच मिळणार. तिकीट देणारे बाकी सर्व पर्याय तूर्त बंद.

- नव्या नियमावलीनुसार सामान्य प्रवाशांना उपनगरीय लोकल, मुंबई मेट्रो आणि मोने रेल प्रवासास मनाई राहणार आहे.

- एका जिल्ह्यातून दुसऱ्या जिल्ह्यात केवळ अत्यावश्यक कारणासाठीच जाता येईल. ज्या जिल्ह्यात जाणार तिथे १४ दिवस होम क्वारंटाइन व्हावे लागणार आहे.

वाचा: राज्यात आज रात्री ८ पासून लॉकडाऊन; निर्बंधांबाबत ही आहे नेमकी माहिती...