मुख्यमंत्री सहाय्यता निधीत १ कोटी ७ लाखांची मदत

मुंबई: राज्यातील करोना प्रादुर्भावाच्या पार्श्वभूमीवर आज मुख्यमंत्री सहाय्यता निधीत १ कोटी ७ लाख ६७ हजाराचा निधी जमा करण्यात आला. राज्य उत्पादन शुल्क विभागाच्या अधिकारी-कर्मचाऱ्यांनी मुख्यमंत्री निधीला १ कोटींचा तर मुंबईच्या महापौर किशोरी पेडणेकर यांनी सामाजिक संस्था आणि नगरसेवकांच्यावतीने ७ लाख ६७ हजारांचा निधी राज्य सरकारकडे जमा केला आहे.

करोनाविरुद्धच्या लढाईसाठी राज्य शासनाच्यावतीने सर्व पातळीवर प्रयत्न सुरु आहेत. या लढ्यासाठी राज्य उत्पादन शुल्क विभागाच्या राज्यातील २ हजार ५०० अधिकारी, कर्मचाऱ्यांतर्फे स्वयंप्रेरणेने व स्वखुशीने 'मुख्यमंत्री सहायता निधी कोविड-१९ 'साठी १ कोटी रुपयांचा निधी जमा करण्यात आला आहे. या जमा केलेल्या मदतीचा धनादेश आज उपमुख्यमंत्री अजित पवार यांच्याकडे राज्य उत्पादन शुल्क विभागाचे आयुक्त कांतीलाल उमाप यांनी सुपुर्द केला. राज्य उत्पादन शुल्क विभागाच्या अधिकारी, कर्मचाऱ्यांनी सामाजिक बांधिलकी राखत केलेल्या या मदतीबद्दल उपमुख्यमंत्री अजित पवार यांनी समाधान व्यक्त करत सर्व अधिकारी, कर्मचाऱ्यांचे मनापासून आभार मानले आहेत.

राज्य अस्थिर करण्याचे विरोधकांचे प्रयत्न फसले: जयंत पाटील

तर विविध सामाजिक संघटनांनी तसेच नगरसेवक अनिल कोकीळ यांनी दिलेला एकूण ७ लाख ६७ हजार १११ रुपयांचा मदत निधीचा धनादेश महापौर किशोरी पेडणेकर यांनी मुख्यमंत्री उद्धव ठाकरे यांच्याकडे आज सुपूर्द केला. मुंबईमधील रुग्णांना सोयी सुविधा देताना निधी कमी पडू नये, या उद्देशाने हा मदत निधी देण्यात आला आहे. यामध्ये इंदू कॉर्पोरेशन ५ लाख, नगरसेवक अनिल कोकीळ १ लाख, ओम कबड्डी प्रबोधिनी ८१ हजार, ओम पॅकेर्स फाउंडेशन ३१ हजार १११ रुपये, नानाभाई फाउंडेशन ३० हजार १ रुपये आणि बाळ गोपाळ नवरात्र उत्सव मंडळ २५ हजार या सर्वांनी मिळून एकूण ७ लाख ६७ हजार १११ रुपये इतका निधी जमा करुन मुख्यमंत्री सहाय्यता निधीस दिला आहे.


३ मेनंतर रेड झोन वगळता इतर ठिकाणी लॉकडाऊनमध्ये मोकळीक: CMठाकरे

राज्यातील पेच सुटला; विधान परिषद निवडणुकीला परवानगी