मुबई :
पत्रकारांसाठी मासिक पेन्शन योजना सुरू करावी, या गेल्या अनेक वर्षांपासूनच्या मागणीला अखेर आज राज्य शासनाची मंजुरी मिळाली असून वयाची ६० वर्षे पूर्ण केलेल्या व सलग २० वर्षे पत्रकार म्हणून सेवा बजावलेल्या पत्रकारांना या योजनेचा लाभ मिळणार आहे. 'बाळशास्त्री जांभेकर पत्रकार सन्मान योजना' या नावाने ही योजना सुरू करण्यात येणार आहे.
नागपूर येथे झालेल्या मंत्रिमंडळाच्या बैठकीत दोन्ही सभागृहात मांडण्यात येणाऱ्या पुरवणी मागण्यांमध्ये पत्रकार सन्मान योजनेसाठी १५ कोटी रुपयांची तरतूद करण्यात आली असून या निधीतून पेन्शन सुरु करण्यात येणार आहे.
माहिती आणि जनसंपर्क विभागाने या पेन्शन योजनेचा प्रस्ताव तयार केला आहे. या योजनेनुसार वयाची ६० वर्षे पूर्ण केलेला व सलग २० वर्षे पत्रकार म्हणून सेवेत राहिलेला पत्रकार पेन्शनसाठी पात्र ठरणार आहे. या पत्रकाराला महिना १० हजार रुपये पेन्शन मिळणार आहे.
विविध संघटनांनी केला पाठपुरावा
राज्यात अनेक वयोवृद्ध पत्रकारांची आर्थिक स्थिती बिकट आहे. त्यांना आरोग्याच्या समस्याही भेडसावत आहेत. ही बाब ध्यानात घेऊन मंत्रालय आणि विधिमंडळ वार्ताहर संघ, मुंबई मराठी पत्रकार संघ, मुंबई प्रेस क्लब, अधिस्वीकृती समिती, राज्य व विभाग पातळीवरील विविध संघटनांनी सातत्याने सरकार दरबारी वयोवृद्ध व गरजू पत्रकारांना पेन्शन मिळावे, यासाठी पाठपुरावा केला. दरम्यान, मुख्यमंत्री देवेंद्र फडणवीस यांनी मंत्रालय आणि विधिमंडळ वार्ताहर संघाच्या राजभवनावर झालेल्या पुरस्कार वितरण सोहळ्यात याच वर्षी पेन्शन लागू करण्याची घोषणा केली होती. त्यानुसार आता या योजनेला मूर्तरूप मिळालं असून वृद्ध पत्रकारांना मोठा दिलासा मिळणार आहे. या निर्णयासाठी पत्रकारांच्या सर्वच संघटनांनी मुख्यमंत्री फडणवीस व राज्याचे अर्थमंत्री सुधीर मुनगंटीवार यांचे आभार मानले आहेत.
पत्रकारांच्या पेन्शन योजनेसाठी मराठी पत्रकार परिषद गेली २१ वर्षे सातत्याने पाठपुरावा करत होती. या चिकाटीला आज यश मिळाल्याने अत्यानंद होत आहे. आता महाराष्ट्रातील गरजू पत्रकारांना अभिमानाने जगता येणार आहे. पेन्शनसाठीच्या लढ्यात अनेकांचे हातभार लागले त्या सगळ्यांचेच आभार, अशा शब्दांत एस. एम. देशमुख यांनी प्रतिक्रिया नोंदवली.
पत्रकारांसाठी मासिक पेन्शन योजना सुरू करावी, या गेल्या अनेक वर्षांपासूनच्या मागणीला अखेर आज राज्य शासनाची मंजुरी मिळाली असून वयाची ६० वर्षे पूर्ण केलेल्या व सलग २० वर्षे पत्रकार म्हणून सेवा बजावलेल्या पत्रकारांना या योजनेचा लाभ मिळणार आहे. 'बाळशास्त्री जांभेकर पत्रकार सन्मान योजना' या नावाने ही योजना सुरू करण्यात येणार आहे.
नागपूर येथे झालेल्या मंत्रिमंडळाच्या बैठकीत दोन्ही सभागृहात मांडण्यात येणाऱ्या पुरवणी मागण्यांमध्ये पत्रकार सन्मान योजनेसाठी १५ कोटी रुपयांची तरतूद करण्यात आली असून या निधीतून पेन्शन सुरु करण्यात येणार आहे.
माहिती आणि जनसंपर्क विभागाने या पेन्शन योजनेचा प्रस्ताव तयार केला आहे. या योजनेनुसार वयाची ६० वर्षे पूर्ण केलेला व सलग २० वर्षे पत्रकार म्हणून सेवेत राहिलेला पत्रकार पेन्शनसाठी पात्र ठरणार आहे. या पत्रकाराला महिना १० हजार रुपये पेन्शन मिळणार आहे.
विविध संघटनांनी केला पाठपुरावा
राज्यात अनेक वयोवृद्ध पत्रकारांची आर्थिक स्थिती बिकट आहे. त्यांना आरोग्याच्या समस्याही भेडसावत आहेत. ही बाब ध्यानात घेऊन मंत्रालय आणि विधिमंडळ वार्ताहर संघ, मुंबई मराठी पत्रकार संघ, मुंबई प्रेस क्लब, अधिस्वीकृती समिती, राज्य व विभाग पातळीवरील विविध संघटनांनी सातत्याने सरकार दरबारी वयोवृद्ध व गरजू पत्रकारांना पेन्शन मिळावे, यासाठी पाठपुरावा केला. दरम्यान, मुख्यमंत्री देवेंद्र फडणवीस यांनी मंत्रालय आणि विधिमंडळ वार्ताहर संघाच्या राजभवनावर झालेल्या पुरस्कार वितरण सोहळ्यात याच वर्षी पेन्शन लागू करण्याची घोषणा केली होती. त्यानुसार आता या योजनेला मूर्तरूप मिळालं असून वृद्ध पत्रकारांना मोठा दिलासा मिळणार आहे. या निर्णयासाठी पत्रकारांच्या सर्वच संघटनांनी मुख्यमंत्री फडणवीस व राज्याचे अर्थमंत्री सुधीर मुनगंटीवार यांचे आभार मानले आहेत.
पत्रकारांच्या पेन्शन योजनेसाठी मराठी पत्रकार परिषद गेली २१ वर्षे सातत्याने पाठपुरावा करत होती. या चिकाटीला आज यश मिळाल्याने अत्यानंद होत आहे. आता महाराष्ट्रातील गरजू पत्रकारांना अभिमानाने जगता येणार आहे. पेन्शनसाठीच्या लढ्यात अनेकांचे हातभार लागले त्या सगळ्यांचेच आभार, अशा शब्दांत एस. एम. देशमुख यांनी प्रतिक्रिया नोंदवली.