मटा ऑनलाइन वृत्त । मुंबई
खासगी विकासकाला एफएसआय आंदण देण्याच्या मुद्द्यावरून गोत्यात आलेले गृहनिर्माण मंत्री प्रकाश मेहता यांनी गुरूवारी मुख्यमंत्री देवेंद्र फडणवीस यांना त्यांच्या घरी भेटल्याच्या वृत्ताचा इन्कार केला आहे. 'मी मुख्यमंत्र्यांना त्यांच्या घरी जाऊन भेटलो नाही. तिकडे जाण्याचा प्रश्नच उद्भवत नाही. या प्रकरणात मुख्यमंत्री निर्णय घेण्यासाठी सक्षम आहेत, ते जो निर्णय घेतील तो मला मान्य असेल, अशी सारवासारव मेहता यांनी आज केली. त्यामुळे मेहता यांची गच्छंती अटळ असल्याचं मानलं जात आहे.
विधिमंडळाच्या दोन्ही सभागृहाचे कामकाज सुरू होताच विरोधकांनी प्रकाश मेहता यांच्या हकालपट्टीची आजही जोरदार मागणी केली. माजी मंत्री एकनाथ खडसे यांना एक न्याय आणि मेहतांना दुसरा न्याय कसा? असा सवाल करत विरोधकांनी सभागृहाचं कामकाज रोखून धरलं. त्यामुळे सभागृहाचं कामकाज वारंवार स्थगित करण्यात आलं.
त्यातच मेहता काल मुख्यमंत्र्यांच्या घरी जाऊन त्यांना भेटल्याची जोरदार चर्चा सुरू झाल्याने ते राजीनामा देणार असल्याची चर्चाही जोरात सुरू होती. त्यामुळे मेहता यांनी आज माध्यमांसमोर आपली बाजू मांडण्याचा प्रयत्न केला. मी मुख्यमंत्र्यांच्या घरी गेलो नाही. मला स्पष्टीकरण मागण्यात आलेले नाही. पक्षाचे प्रभारी माझ्याकडे स्पष्टीकरण मागतील, त्यावेळी जरुर माझी भूमिका स्पष्ट करेन. पण मुख्यमंत्री जो काही निर्णय घेतील तो मला मान्य असेल, असे ते म्हणाले. भाजपमध्ये पक्षांतर्गत कुरघोड्यांची संस्कृती नसल्याचंही त्यांनी यावेळी स्पष्ट केलं.
आपण गृहनिर्माण विभागाच्या काही फायली घेऊन मुख्यमंत्र्यांकडे बैठकीला गेलो होतो, तेव्हा एम. पी. मिल कम्पाऊंडची फाईल नव्हती. मात्र ही फाईल घेऊन गेल्याच्या समजुतीतून आपण मुख्यमंत्र्यांना अवगत केल्याचा शेरा मारल्याचे सांगत आपल्या नैतिकतेवर प्रश्नचिन्ह उपस्थित करु नये, असं मेहता यांनी सभागृहात सांगितलं.
मुंबईतील ताडदेवमधल्या एम. पी. मिल कम्पाऊंड येथील एसआरए प्रकल्पात एफएसआय घोटाळा केल्याचा आरोप मेहता यांच्यावर आहे. विकासकाला फायदा देण्यासाठी मेहता यांनी नियम बाजूला ठेवून एफएसआय अन्यत्र वापरास मंजुरी दिल्याचा आरोप होत आहे. ३के च्या नियमात एका विकासकाला फायदा देण्यासाठी धोरण ठरवता येत नसल्याचं कारण सांगत गृहनिर्माण विभागाच्या अप्पर मुख्य सचिवांनी प्रस्तावाला विरोध केला होता. तसंच पीएपी (प्रकल्पबाधितांची घरं) संदर्भातही प्रस्तावावरही त्यांनी प्रतिकूल शेरा मारला होता. पण मेहता यांनी ही फाईल मंजूर करताना मुख्यमंत्र्यांना अवगत केल्याचा शेरा मारला होता.
खासगी विकासकाला एफएसआय आंदण देण्याच्या मुद्द्यावरून गोत्यात आलेले गृहनिर्माण मंत्री प्रकाश मेहता यांनी गुरूवारी मुख्यमंत्री देवेंद्र फडणवीस यांना त्यांच्या घरी भेटल्याच्या वृत्ताचा इन्कार केला आहे. 'मी मुख्यमंत्र्यांना त्यांच्या घरी जाऊन भेटलो नाही. तिकडे जाण्याचा प्रश्नच उद्भवत नाही. या प्रकरणात मुख्यमंत्री निर्णय घेण्यासाठी सक्षम आहेत, ते जो निर्णय घेतील तो मला मान्य असेल, अशी सारवासारव मेहता यांनी आज केली. त्यामुळे मेहता यांची गच्छंती अटळ असल्याचं मानलं जात आहे.
विधिमंडळाच्या दोन्ही सभागृहाचे कामकाज सुरू होताच विरोधकांनी प्रकाश मेहता यांच्या हकालपट्टीची आजही जोरदार मागणी केली. माजी मंत्री एकनाथ खडसे यांना एक न्याय आणि मेहतांना दुसरा न्याय कसा? असा सवाल करत विरोधकांनी सभागृहाचं कामकाज रोखून धरलं. त्यामुळे सभागृहाचं कामकाज वारंवार स्थगित करण्यात आलं.
त्यातच मेहता काल मुख्यमंत्र्यांच्या घरी जाऊन त्यांना भेटल्याची जोरदार चर्चा सुरू झाल्याने ते राजीनामा देणार असल्याची चर्चाही जोरात सुरू होती. त्यामुळे मेहता यांनी आज माध्यमांसमोर आपली बाजू मांडण्याचा प्रयत्न केला. मी मुख्यमंत्र्यांच्या घरी गेलो नाही. मला स्पष्टीकरण मागण्यात आलेले नाही. पक्षाचे प्रभारी माझ्याकडे स्पष्टीकरण मागतील, त्यावेळी जरुर माझी भूमिका स्पष्ट करेन. पण मुख्यमंत्री जो काही निर्णय घेतील तो मला मान्य असेल, असे ते म्हणाले. भाजपमध्ये पक्षांतर्गत कुरघोड्यांची संस्कृती नसल्याचंही त्यांनी यावेळी स्पष्ट केलं.
आपण गृहनिर्माण विभागाच्या काही फायली घेऊन मुख्यमंत्र्यांकडे बैठकीला गेलो होतो, तेव्हा एम. पी. मिल कम्पाऊंडची फाईल नव्हती. मात्र ही फाईल घेऊन गेल्याच्या समजुतीतून आपण मुख्यमंत्र्यांना अवगत केल्याचा शेरा मारल्याचे सांगत आपल्या नैतिकतेवर प्रश्नचिन्ह उपस्थित करु नये, असं मेहता यांनी सभागृहात सांगितलं.
मुंबईतील ताडदेवमधल्या एम. पी. मिल कम्पाऊंड येथील एसआरए प्रकल्पात एफएसआय घोटाळा केल्याचा आरोप मेहता यांच्यावर आहे. विकासकाला फायदा देण्यासाठी मेहता यांनी नियम बाजूला ठेवून एफएसआय अन्यत्र वापरास मंजुरी दिल्याचा आरोप होत आहे. ३के च्या नियमात एका विकासकाला फायदा देण्यासाठी धोरण ठरवता येत नसल्याचं कारण सांगत गृहनिर्माण विभागाच्या अप्पर मुख्य सचिवांनी प्रस्तावाला विरोध केला होता. तसंच पीएपी (प्रकल्पबाधितांची घरं) संदर्भातही प्रस्तावावरही त्यांनी प्रतिकूल शेरा मारला होता. पण मेहता यांनी ही फाईल मंजूर करताना मुख्यमंत्र्यांना अवगत केल्याचा शेरा मारला होता.