नवी दिल्ली : महाराष्ट्रातल्या सत्तासंघर्षाच्या फैसला अखेर सर्वोच्च न्यायालयात आज दुपारी १२.३० वाजता होणार आहे. महाराष्ट्रातील सत्तासंघर्षाच्या विविध मुद्द्यांवर जून महिन्यापासून सर्वोच्च न्यायालयात सुरु असलेल्या सुनावणीकडे राज्याचं लक्ष लागलं आहे. कोणत्या कोणत्या ना कोणत्या कारणाने ही सुनावणी लांबणीवर पडत होती. कालच (सोमवारी) ही सुनावणी होणार होती. मात्र तीन न्यायमूर्तींपैकी एक न्यायमूर्ती नसल्याने ही सुनावणी पुढे ढकलली होती. आज ही सुनावणी होणार की नाही, याबाबत साशंकता होती. पण सत्तासंघर्षाचं प्रकरण पटलावर घेण्यास सर्वोच्च न्यायालयाने मान्यता दिली आहे. महाराष्ट्राच्या सत्तासंघर्षाचा पेपर हा शिवसेनेसाठी मोठा आहे. हा पेपर सोडविण्यात शिवसेनेला जर यश मिळालं, तर त्याचे राज्याच्या आणि शिवसेनेच्या राजकारणावर दूरगामी परिणाम होऊ शकतात. त्यामुळे शिवसेनेने सर्वोच्च न्यायालयात कपील सिब्बल यांच्यामार्फत तातडीचं मेन्शनिंग केलं. जरी सर्वोच्च न्यायालयात सप्लीमेंट्री लिस्ट (पूरक यादी) मध्ये महाराष्ट्राचे कामकाज आजसाठी समाविष्ट नव्हते तरी मेन्शनिंगनंतर ते प्रकरण पटलावर येणार आहे. त्यामुळे सत्तासंघर्षाच्या अनेक मुद्द्यांचं उत्तर आज मिळण्याची शक्यता व्यक्त केली जात आहे.
सत्तासंघर्षाचं प्रकरण पटलावर घेण्यास न्यायालयाची मान्यता
सर्वोच्च न्यायालयाचे सरन्यायाधीश NV रमणा यांच्या नेतृत्वाखालील तीन सदस्यीय खंडपीठासमोर महाराष्ट्राच्या सत्तासंघर्षाची सुनावणी होते आहे. शिंदे गट आणि उद्धव ठाकरे यांच्या परस्परविरोधी याचिका सुप्रीम कोर्टात दाखल आहेत. याआधी १२ ऑगस्ट रोजी होणारी सुनावणी न्यायालयाने १० दिवस लांबणीवर टाकली होती. त्यानुसार २२ ऑगस्ट रोजी ही सुनावणी होण्याची अपेक्षा होती. पण त्रिसदस्यीय खंडपीठामधील एक न्यायामूर्ती उपस्थित नसल्याने ही सुनावणी पुढे ढकलली होती. कालही (सोमवार) सुप्रीम कोर्टाच्या सप्लीमेंट्री लिस्ट (पूरक यादी) मध्ये महाराष्ट्राचे कामकाज आजसाठी समाविष्ट नसल्याने आज ही सुनावणी होणार नसल्याचं बोललं गेलं. पण शिवसेनेच्या मेन्शनिंगनंतर सर्वोच्च न्यायालयाने सत्तासंघर्षाचं प्रकरण पटलावर घेण्यास मान्यता दिली.
शिवसेना कुणाची? धनुष्यबाण कुणाचा? आजच फैसला?
आमदारांची अपात्रता, खरी शिवसेना कुणाची, धनुष्यबाण कुणाला मिळणार? यांसह महाराष्ट्रातील सत्तासंघर्षाच्या विविध मुद्द्यांवर जून महिन्यापासून सर्वोच्च न्यायालयात सुनावणी सुरु आहे. महत्त्वाची गोष्ट म्हणजे सर्वोच्च न्यायालयाचे सरन्यायाधीश रमणा यांच्यासमोर आतापर्यंत झालेली आहे आणि रमणा २६ तारखेला निवृत्त होतायेत. रमणा आपल्या कारकीर्दीत शिवसेना कुणाची? धनुष्यबाण कुणाचा? हा फैसला सुनावणार का? याकडे सगळ्यांचं लक्ष लागलं आहे.
सत्तासंघर्षाचं प्रकरण पटलावर घेण्यास न्यायालयाची मान्यता
सर्वोच्च न्यायालयाचे सरन्यायाधीश NV रमणा यांच्या नेतृत्वाखालील तीन सदस्यीय खंडपीठासमोर महाराष्ट्राच्या सत्तासंघर्षाची सुनावणी होते आहे. शिंदे गट आणि उद्धव ठाकरे यांच्या परस्परविरोधी याचिका सुप्रीम कोर्टात दाखल आहेत. याआधी १२ ऑगस्ट रोजी होणारी सुनावणी न्यायालयाने १० दिवस लांबणीवर टाकली होती. त्यानुसार २२ ऑगस्ट रोजी ही सुनावणी होण्याची अपेक्षा होती. पण त्रिसदस्यीय खंडपीठामधील एक न्यायामूर्ती उपस्थित नसल्याने ही सुनावणी पुढे ढकलली होती. कालही (सोमवार) सुप्रीम कोर्टाच्या सप्लीमेंट्री लिस्ट (पूरक यादी) मध्ये महाराष्ट्राचे कामकाज आजसाठी समाविष्ट नसल्याने आज ही सुनावणी होणार नसल्याचं बोललं गेलं. पण शिवसेनेच्या मेन्शनिंगनंतर सर्वोच्च न्यायालयाने सत्तासंघर्षाचं प्रकरण पटलावर घेण्यास मान्यता दिली.
शिवसेना कुणाची? धनुष्यबाण कुणाचा? आजच फैसला?
आमदारांची अपात्रता, खरी शिवसेना कुणाची, धनुष्यबाण कुणाला मिळणार? यांसह महाराष्ट्रातील सत्तासंघर्षाच्या विविध मुद्द्यांवर जून महिन्यापासून सर्वोच्च न्यायालयात सुनावणी सुरु आहे. महत्त्वाची गोष्ट म्हणजे सर्वोच्च न्यायालयाचे सरन्यायाधीश रमणा यांच्यासमोर आतापर्यंत झालेली आहे आणि रमणा २६ तारखेला निवृत्त होतायेत. रमणा आपल्या कारकीर्दीत शिवसेना कुणाची? धनुष्यबाण कुणाचा? हा फैसला सुनावणार का? याकडे सगळ्यांचं लक्ष लागलं आहे.