मुंबई : एकनाथ शिंदे सरकारचा मंत्रिमंडळ विस्तार झाल्यानंतर नव्याने शपथ घेतलेल्या मंत्र्यांबाबतचा अहवाल असोसिएशन फॉर डेमोक्रॅटिक रिफॉर्म्स (ADR) ने प्रसिद्ध केला आहे. त्यानुसार महाराष्ट्रातील ७५ टक्के मंत्र्यांवर फौजदारी स्वरुपाचे गुन्हे दाखल आहेत. खुद्द मंत्र्यांनी आपल्या निवडणूक प्रतिज्ञापत्रात ही माहिती जाहीर केली आहे. शिंदेंच्या मंत्रिमंडळात सगळेच कोट्यधीश असून मलबार हिलचे आमदार मंगलप्रभात लोढा यांची संपत्ती पाहून सगळेच विस्मयचकित होतील. ३० जून रोजी एकनाथ शिंदे यांनी मुख्यमंत्री, तर देवेंद्र फडणवीस यांनी उपमुख्यमंत्रीपदाची शपथ घेतली. तेव्हापासून मंत्रिमंडळ विस्ताराबाबत सातत्याने चर्चा सुरु आहे. ४१ दिवसांनंतर अखेर ९ ऑगस्ट रोजी १८ मंत्र्यांचा पहिला विस्तार करण्यात आला. महाराष्ट्रात आता मुख्यमंत्र्यांसह २० मंत्री आहेत. मंत्रिमंडळ विस्तारानंतर असोसिएशन फॉर डेमोक्रॅटिक रिफॉर्म्स आणि महाराष्ट्र इलेक्शन वॉचने २०१९ मधील विधानसभा निवडणुकीदरम्यान सादर केलेल्या सर्व मंत्र्यांच्या प्रतिज्ञापत्रांचे विश्लेषण केले.
७५ टक्के मंत्र्यांवर फौजदारी खटले
विश्लेषणानुसार, १५ (७५ टक्के) मंत्र्यांनी स्वत:वरील फौजदारी खटले जाहीर केले आहेत, तर १३ (६५ टक्के) मंत्र्यांनी स्वत:वर गंभीर गुन्हे घोषित केले आहेत. शिंदे यांच्या मंत्रिमंडळात एकही महिला सदस्य नाही.
सर्व मंत्री कोट्यधीश
सर्व मंत्री कोट्यधीश असून त्यांच्या मालमत्तेची सरासरी किंमत ४७.४५ कोटी रुपये आहे. ADR च्या अहवालानुसार, सर्वाधिक घोषित संपत्ती असलेले मंत्री हे भाजप नेते मंगल प्रभात लोढा आहेत. त्यांची संपत्ती ४४१.६५ कोटी रुपये आहे. सर्वात कमी घोषित संपत्ती असलेले मंत्री हे शिंदे गटातील संदिपान भुमरे आहेत. त्यांची संपत्ती २.९२ कोटी रुपये इतकी आहे.
भाजपच्या विजय गावित यांच्याकडे २७ कोटी, गिरीश महाजन यांच्याकडे २५ कोटी, राधाकृष्ण विखे पाटील यांच्याकडे २४ कोटी, अतुल सावे यांच्याकडे २२ कोटी, सुधीर मुनगंटीवार यांच्याकडे ११ कोटी, तर शिंदे गटाचे अब्दुल सत्तार यांच्याकडे २० कोटी, शंभुराज देसाई यांच्याकडे १४ कोटी आणि दादा भुसे यांच्याकडे १० कोटी रुपयांची संपत्ती असल्याची प्रतिज्ञापत्रात नोंद आहे.
शैक्षणिक पात्रता किती?
आठ (४० टक्के) मंत्र्यांनी त्यांची इयत्ता दहावी किंवा बारावी या दरम्यानची शैक्षणिक पात्रता जाहीर केली आहे. तर ११ मंत्र्यांनी (५५ टक्के) पदवी किंवा त्यावरील शैक्षणिक पात्रता असल्याचे जाहीर केले आहे. एका मंत्र्याकडे डिप्लोमा आहे.
केवळ चौघे पन्नाशीच्या खालचे
याशिवाय चार मंत्र्यांचे वय ४१ ते ५० वर्ष वयोगटातील आहे, तर उर्वरित ५१ ते ७० वर्षांच्या दरम्यान आहेत. नवीन १८ मंत्र्यांपैकी ९ भाजपचे तर ९ शिंदे गटाचे आहेत. शिंदे आणि इतर ३९ शिवसेना आमदारांनी जूनमध्ये पक्ष नेतृत्वाविरोधात बंड केले होते. त्यामुळे उद्धव ठाकरे यांच्या नेतृत्वाखालील महाविकास आघाडीचे सरकार कोसळले होते.
७५ टक्के मंत्र्यांवर फौजदारी खटले
विश्लेषणानुसार, १५ (७५ टक्के) मंत्र्यांनी स्वत:वरील फौजदारी खटले जाहीर केले आहेत, तर १३ (६५ टक्के) मंत्र्यांनी स्वत:वर गंभीर गुन्हे घोषित केले आहेत. शिंदे यांच्या मंत्रिमंडळात एकही महिला सदस्य नाही.
सर्व मंत्री कोट्यधीश
सर्व मंत्री कोट्यधीश असून त्यांच्या मालमत्तेची सरासरी किंमत ४७.४५ कोटी रुपये आहे. ADR च्या अहवालानुसार, सर्वाधिक घोषित संपत्ती असलेले मंत्री हे भाजप नेते मंगल प्रभात लोढा आहेत. त्यांची संपत्ती ४४१.६५ कोटी रुपये आहे. सर्वात कमी घोषित संपत्ती असलेले मंत्री हे शिंदे गटातील संदिपान भुमरे आहेत. त्यांची संपत्ती २.९२ कोटी रुपये इतकी आहे.
भाजपच्या विजय गावित यांच्याकडे २७ कोटी, गिरीश महाजन यांच्याकडे २५ कोटी, राधाकृष्ण विखे पाटील यांच्याकडे २४ कोटी, अतुल सावे यांच्याकडे २२ कोटी, सुधीर मुनगंटीवार यांच्याकडे ११ कोटी, तर शिंदे गटाचे अब्दुल सत्तार यांच्याकडे २० कोटी, शंभुराज देसाई यांच्याकडे १४ कोटी आणि दादा भुसे यांच्याकडे १० कोटी रुपयांची संपत्ती असल्याची प्रतिज्ञापत्रात नोंद आहे.
शैक्षणिक पात्रता किती?
आठ (४० टक्के) मंत्र्यांनी त्यांची इयत्ता दहावी किंवा बारावी या दरम्यानची शैक्षणिक पात्रता जाहीर केली आहे. तर ११ मंत्र्यांनी (५५ टक्के) पदवी किंवा त्यावरील शैक्षणिक पात्रता असल्याचे जाहीर केले आहे. एका मंत्र्याकडे डिप्लोमा आहे.
केवळ चौघे पन्नाशीच्या खालचे
याशिवाय चार मंत्र्यांचे वय ४१ ते ५० वर्ष वयोगटातील आहे, तर उर्वरित ५१ ते ७० वर्षांच्या दरम्यान आहेत. नवीन १८ मंत्र्यांपैकी ९ भाजपचे तर ९ शिंदे गटाचे आहेत. शिंदे आणि इतर ३९ शिवसेना आमदारांनी जूनमध्ये पक्ष नेतृत्वाविरोधात बंड केले होते. त्यामुळे उद्धव ठाकरे यांच्या नेतृत्वाखालील महाविकास आघाडीचे सरकार कोसळले होते.