मुंबई : एकनाथ शिंदे आणि देवेंद्र फडणवीस यांच्या मंत्रिमंडळाचा बहुप्रतीक्षित विस्तार तर झाला, मात्र खातेवाटप अद्यापही जाहीर झालेले नाही. त्याचप्रमाणे कुठल्या जिल्ह्याचे पालकमंत्रिपद कोणाकडे जाणार याचीही उत्सुकता आहे. स्वातंत्र्य दिनी संबंधित जिल्ह्याच्या पालकमंत्र्यांच्या हस्ते मुख्य शासकीय कार्यक्रमात ध्वजारोहण केले जाते. मात्र पालकमंत्री नेमले नसल्याने त्याबाबत प्रश्न निर्माण झाला होता. परंतु या प्रश्नाचे उत्तर मिळाले आहे.मुख्यमंत्र्यांसह सध्या २० मंत्री असल्याने प्रत्येकाला जिल्हानिहाय झेंडावंदनाची जबाबदारी वाटून देण्यात आली आहे. तर इतर सोळा जिल्ह्यांत विभागीय आयुक्त किंवा संबंधित जिल्हाधिकारी यांच्यावर ही जबाबदारी देण्यात आली आहे. देवेंद्र फडणवीसांकडे नागपूर, चंद्रकांत पाटलांकडे पुण्यात ध्वजारोहणाची जबाबदारी आहे.

सविस्तर यादी वाचा

देवेंद्र फडणवीस - नागपूर
सुधीर मुनगंटीवार - चंद्रपूर
चंद्रकांत पाटील - पुणे
राधाकृष्ण विखे पाटील - अहमदनगर
गिरीश महाजन - नाशिक
दादा भुसे - धुळे
गुलाबराव पाटील- जळगाव
रवींद्र चव्हाण - ठाणे
मंगलप्रभात लोढा - मुंबई उपनगर
दीपक केसरकर - सिंधुदुर्ग
उदय सामंत - रत्नागिरी
अतुल सावे - परभणी
संदिपान भुमरे - औरंगाबाद
सुरेश खाडे - सांगली
विजयकुमार गावित - नंदुरबार
तानाजी सावंत - उस्मानाबाद
शंभूराज देसाई - सातारा
अब्दुल सत्तार - जालना
संजय राठोड - यवतमाळ

हेही वाचा : कदाचित माझी पात्रता नसेल, म्हणून मंत्रीपद दिलं नसेल : पंकजा मुंडे

अमरावती येथे विभागीय आयुक्त
कोल्हापूर, रायगड, बीड, हिंगोली, वर्धा, गोंदिया, भंडारा, गडचिरोली, अकोला, सोलापूर, लातूर, वाशिम, बुलडाणा, पालघर, नांदेड या ठिकाणी संबंधित जिल्हाधिकारी ध्वजारोहण करणार आहेत.

हेही वाचा : संजय राठोडांना मंत्रिपद, पूजा चव्हाणच्या आजीचा संताप, म्हणतात लाज आणणारा...

दरम्यान, जिल्हानिहाय ध्वजारोहणाची जबाबदारी कुठल्या मंत्र्यावर आहे, हे स्पष्ट झाल्याने याच मंत्र्यांकडे पालकमंत्रिपदही जाणार, अशी चर्चा आहे. मात्र याबाबत अधिकृत माहिती अद्याप समोर आलेली नाही