मुंबई : शिवसेना पक्षप्रमुख उद्धव ठाकरे यांना आव्हान देण्यासाठी एकनाथ शिंदे गट प्रति शिवसेना भवन उभारण्याच्या हालचाली करत असल्याचं बोललं जात होतं. त्यातच आता शिंदे गटाने आपली पहिली शाखा सुरु केली आहे. शिवसेनेचे बंडखोर खासदार आणि लोकसभा गटनेते राहुल शेवाळे यांच्या मतदारसंघात शिंदे गटाची शाखा सुरु झाली आहे. शेवाळेंच्या हस्ते मानखुर्दमध्ये शाखेचं उद्घाटन करण्यात आलं. मुंबई महापालिका निवडणुकांच्या तोंडावर शिंदे गटाने कंबर कसल्याचं चित्र आहे. शिवसेना भवनातून जवळपास गेली ५ दशकं पक्षाचा कारभार चालला, सर्वसामान्यांचे प्रश्न सोडवले गेले, अनेकांना जिथल्या तिथे न्याय दिला गेला, अनेकांच्या राजकीय आयुष्याला याच शिवसेना भवनातून कलाटणी मिळाली, त्याच शिवसेना भवनावर एकनाथ शिंदे दावा सांगणार, अशी गेली काही दिवस चर्चा सुरु होती. प्रति शिवसेना भवन नाही, तर मुख्यमंत्री एकनाथ शिंदे यांच्याशी संपर्क साधण्यासाठी मध्यवर्ती ठिकाणी कार्यालय असावं, यासाठी जागेची चाचपणी सुरु असल्याचा युक्तिवाद शिंदे गटाकडून करण्यात आलाय.
हेही वाचा : भाजप शिंदे गटाला बळ देणार? केंद्रीय मंत्रिमंडळात संधी मिळणार, या नेत्याचं नाव आघाडीवर
त्यानंतर आता शिंदे गटाकडून शाखा सुरू करण्यात येत आहेत. ज्याप्रमाणे शिवसेनेच्या विभागनिहाय शाखा आहेत, त्यालाच तोडीस तोड शिंदे गटाकडून शाखा सुरु होण्याची शक्यता आहे. तसं झाल्यास आगामी मुंबई महापालिका निवडणुकांच्या तोंडावर ठाकरे आणि शिंदे गटात शाखा-शाखांमध्ये ठिणगी पडण्याची शक्यता नाकारता येत नाही.
हेही वाचा : भाजपला सत्तेबाहेर काढलं, बिहारमध्ये नितीश-तेजस्वी पर्व; उद्धव ठाकरेंचा दोन्ही नेत्यांना फोन
शिवसेनेची शाखा, शिवसेना भवन, शिवसेनालय हे सगळे शब्द शिवसेनेशी संबंधित आहेत. प्रस्तावित नव्या कार्यालयाच्या माध्यमातून सर्वसामान्य गोरगरिब जनतेचे प्रश्न सोडवले जातील. या कार्यालयाला काय नाव द्यायचं हे एकनाथ शिंदे ठरवतील, असं शिंदे गटातील आमदार सदा सरवणकर यांनी सांगितलं होतं. त्यामुळे या शाखेला नेमकं काय नाव दिलं जाणार, याकडे सर्वांचे डोळे आहेत.
हेही वाचा : Kamakhya Temple : चंद्रकांत खैरे कामाख्या देवी चरणी, तब्बल तीन तास यज्ञयाग
हेही वाचा : भाजप शिंदे गटाला बळ देणार? केंद्रीय मंत्रिमंडळात संधी मिळणार, या नेत्याचं नाव आघाडीवर
त्यानंतर आता शिंदे गटाकडून शाखा सुरू करण्यात येत आहेत. ज्याप्रमाणे शिवसेनेच्या विभागनिहाय शाखा आहेत, त्यालाच तोडीस तोड शिंदे गटाकडून शाखा सुरु होण्याची शक्यता आहे. तसं झाल्यास आगामी मुंबई महापालिका निवडणुकांच्या तोंडावर ठाकरे आणि शिंदे गटात शाखा-शाखांमध्ये ठिणगी पडण्याची शक्यता नाकारता येत नाही.
हेही वाचा : भाजपला सत्तेबाहेर काढलं, बिहारमध्ये नितीश-तेजस्वी पर्व; उद्धव ठाकरेंचा दोन्ही नेत्यांना फोन
शिवसेनेची शाखा, शिवसेना भवन, शिवसेनालय हे सगळे शब्द शिवसेनेशी संबंधित आहेत. प्रस्तावित नव्या कार्यालयाच्या माध्यमातून सर्वसामान्य गोरगरिब जनतेचे प्रश्न सोडवले जातील. या कार्यालयाला काय नाव द्यायचं हे एकनाथ शिंदे ठरवतील, असं शिंदे गटातील आमदार सदा सरवणकर यांनी सांगितलं होतं. त्यामुळे या शाखेला नेमकं काय नाव दिलं जाणार, याकडे सर्वांचे डोळे आहेत.
हेही वाचा : Kamakhya Temple : चंद्रकांत खैरे कामाख्या देवी चरणी, तब्बल तीन तास यज्ञयाग