मुंबई : शिवसेना खासदार संजय राऊत (Sanjay Raut) यांच्या पत्नी वर्षा राऊत (Varsha Raut) सकाळी साडेदहा वाजता ईडी कार्यालयात दाखल झाल्या. पत्राचाळ घोटाळ्याच्या चौकशीसाठी वर्षा राऊत यांना अंमलबजावणी संचलनालयाने समन्स पाठवलं होतं. अनोळखी व्यक्तींशी बँक आणि जमिनीचे व्यवहार झाल्याचा आरोप आहे. या प्रकरणात संजय राऊत यांच्या समोरासमोर बसवून वर्षा राऊत यांची चौकशी होण्याची शक्यता आहे. वर्षा राऊत सकाळी ईडी कार्यालयात दाखल झाल्या त्यावेळी त्यांनी गळ्यात आर्म सपोर्टर घातला होता, त्यामुळे त्यांना नेमकी कधी आणि कशी दुखापत झाली, असा प्रश्न निर्माण झाला आहे. वर्षा राऊत यांच्यासोबत दीर सुनील राऊत आणि कन्या पूर्वशी राऊतही ईडी कार्यालयापर्यंत आल्या होत्या. वर्षा राऊत सकाळी साडेदहा वाजता चौकशीसाठी पोहोचल्या. आज दिवसभर किती तास त्यांची चौकशी चालणार, याकडे सर्वांचं लक्ष लागलं आहे.
वर्षा राऊत यांचा आर्थिक गैरव्यवहारात सहभाग असल्यासंदर्भात ईडीच्या वकिलांनी गुरुवारी न्यायालयात भाष्य केले होते. संजय राऊत हे यापूर्वी झालेल्या चौकशीवेळी सर्व माहिती देण्यास टाळाटाळ करत होते. मात्र, ईडीने त्यांच्या घरावर धाड टाकली तेव्हा काही कागदपत्रे सापडली होती. त्यावरून असे दिसते की, संजय राऊत यांची पत्नी वर्षा राऊत यांच्या खात्यातून काही व्यक्तींना मोठी रक्कम पाठवली गेली आहे. त्यांच्या खात्यातून मोठ्या प्रमाणावर आर्थिक व्यवहार झाले आहेत.
हेही वाचा : VIDEO | अग्गंबाई! बायको जिंकली, नवऱ्याने चारचौघातच कडेवर उचलून नाचवली
पत्राचाळ प्रकरणात प्रवीण राऊत यांना HDIL ग्रुपकडून ११२ कोटी रुपये पाठवण्यात आले. त्यातील १ कोटी ६ लाख ४४ हजार रुपये वर्षा राऊत यांच्या खात्यात पाठवले गेले, अशी माहिती ईडीच्या वकिलांनी न्यायालयात दिली होती. त्यामुळे आता वर्षा राऊत मोठ्या अडचणीत सापडण्याची शक्यता आहे.
ईडीने सोमवारी संजय राऊतांना मनीलाँड्रिंग प्रतिबंधक कायदा (पीएमएलए) न्यायालयाचे न्यायाधीश एम जी देशपांडे यांच्यासमोर हजर केले आणि त्यांची आठ दिवसांची कोठडी मागितली होती. परंतु न्यायालयाने त्यांना ८ ऑगस्टपर्यंतची कोठडी सुनावली. त्यामुळे आता संजय राऊतांना आणखी काही दिवस न्यायालयीन कोठडीत मुक्काम करावा लागणार आहे.
हेही वाचा : आज मी राज्याचा उपमु... अजितदादा बोलता-बोलता अडखळले, मग...
काय आहे ईडीचा दावा?
'पत्राचाळ पुनर्विकास व एफएसआय घोटाळा प्रकरणात प्रवीण राऊत हे संजय राऊत यांचे फ्रंट मॅन म्हणून कार्यरत होते. संजय राऊत यांचे निकटवर्तीय असल्यानेच प्रवीण यांनी म्हाडाकडून आवश्यक त्या मंजुरी मिळवल्या. मनी लाँड्रिंगच्या गुन्ह्यात प्रवीण यांनी अवैधरीत्या मिळवलेल्या ११२ कोटी रुपयांपैकी १ कोटी ६ लाख रुपये हे संजय राऊत व त्यांच्या कुटुंबीयांकडे थेट गेले असल्याचे आत्तापर्यंतच्या तपासात निष्पन्न झाले असून ही रक्कम आणखीही असू शकते', असा दावा सक्तवसुली संचालनालयाने (ईडी) याआधी कोर्टात केला होता.
हेही वाचा : शिंदे-फडणवीस दिल्ली दौऱ्यावर, मंत्रिमंडळ विस्ताराचा खलिता घेऊन येणार?
वर्षा राऊत यांचा आर्थिक गैरव्यवहारात सहभाग असल्यासंदर्भात ईडीच्या वकिलांनी गुरुवारी न्यायालयात भाष्य केले होते. संजय राऊत हे यापूर्वी झालेल्या चौकशीवेळी सर्व माहिती देण्यास टाळाटाळ करत होते. मात्र, ईडीने त्यांच्या घरावर धाड टाकली तेव्हा काही कागदपत्रे सापडली होती. त्यावरून असे दिसते की, संजय राऊत यांची पत्नी वर्षा राऊत यांच्या खात्यातून काही व्यक्तींना मोठी रक्कम पाठवली गेली आहे. त्यांच्या खात्यातून मोठ्या प्रमाणावर आर्थिक व्यवहार झाले आहेत.
हेही वाचा : VIDEO | अग्गंबाई! बायको जिंकली, नवऱ्याने चारचौघातच कडेवर उचलून नाचवली
पत्राचाळ प्रकरणात प्रवीण राऊत यांना HDIL ग्रुपकडून ११२ कोटी रुपये पाठवण्यात आले. त्यातील १ कोटी ६ लाख ४४ हजार रुपये वर्षा राऊत यांच्या खात्यात पाठवले गेले, अशी माहिती ईडीच्या वकिलांनी न्यायालयात दिली होती. त्यामुळे आता वर्षा राऊत मोठ्या अडचणीत सापडण्याची शक्यता आहे.
ईडीने सोमवारी संजय राऊतांना मनीलाँड्रिंग प्रतिबंधक कायदा (पीएमएलए) न्यायालयाचे न्यायाधीश एम जी देशपांडे यांच्यासमोर हजर केले आणि त्यांची आठ दिवसांची कोठडी मागितली होती. परंतु न्यायालयाने त्यांना ८ ऑगस्टपर्यंतची कोठडी सुनावली. त्यामुळे आता संजय राऊतांना आणखी काही दिवस न्यायालयीन कोठडीत मुक्काम करावा लागणार आहे.
हेही वाचा : आज मी राज्याचा उपमु... अजितदादा बोलता-बोलता अडखळले, मग...
काय आहे ईडीचा दावा?
'पत्राचाळ पुनर्विकास व एफएसआय घोटाळा प्रकरणात प्रवीण राऊत हे संजय राऊत यांचे फ्रंट मॅन म्हणून कार्यरत होते. संजय राऊत यांचे निकटवर्तीय असल्यानेच प्रवीण यांनी म्हाडाकडून आवश्यक त्या मंजुरी मिळवल्या. मनी लाँड्रिंगच्या गुन्ह्यात प्रवीण यांनी अवैधरीत्या मिळवलेल्या ११२ कोटी रुपयांपैकी १ कोटी ६ लाख रुपये हे संजय राऊत व त्यांच्या कुटुंबीयांकडे थेट गेले असल्याचे आत्तापर्यंतच्या तपासात निष्पन्न झाले असून ही रक्कम आणखीही असू शकते', असा दावा सक्तवसुली संचालनालयाने (ईडी) याआधी कोर्टात केला होता.
हेही वाचा : शिंदे-फडणवीस दिल्ली दौऱ्यावर, मंत्रिमंडळ विस्ताराचा खलिता घेऊन येणार?