म. टा. प्रतिनिधी, मुंबई
करोनाच्या संसर्गाने आपले आयुष्य घराच्या चौकटीत बंदिस्त केले आहे. या चौकटीबाहेर पडण्यासाठी मुंबई आणि परिसरातील प्रत्येक जण उत्सुक असला तरी अद्याप भीती पूर्ण ओसरलेली नाही. अशा वेळी मुंबईतील काही महत्त्वाच्या ठिकाणांची 'जिवंत सफर' घरच्या घरीच करता आली तर? याच विचारातून 'मटा'ने साठाव्या वर्षात पदार्पण करताना सहा वैशिष्ट्यपूर्ण सफरींचे आयोजन केले आहे. तेव्हा या अनोख्या, मनोरंजक सफरींमध्ये सामील व्हा आणि आपल्या लाडक्या मुंबईला नव्याने भेटा.
येत्या १८ जून रोजी महाराष्ट्र टाइम्स ६०व्या वर्षात पदार्पण करत आहे. वर्धापन दिनी वाचकांसाठी प्रत्यक्ष कार्यक्रमांचे आयोजन शक्य नसल्यामुळे या आभासी कार्यक्रमांमधून वाचकांसोबतचे नाते अधिक दृढ करण्याचा हा संकल्प आहे. त्यानुसार १७ ते २२ जून या कालावधीत आपण संजय गांधी राष्ट्रीय उद्यान, वीरमाता जीजाबाई भोसले उद्यान अर्थात राणीची बाग, रेल्वे म्युझियम, बॉम्बे नॅचरल हिस्ट्री सोसायटी (बीएनएचएस), नेहरू विज्ञान केंद्र आणि इतिहासाच्या खुणा जपून ठेवणारे परळ गाव येथे फेरफटका मारणार आहोत.
आपण या ठिकाणांना अनेकदा भेटी दिल्या असतील, परंतु हा ऑनलाइन फेरफटका त्यापेक्षा खूप वेगळा आहे. या सर्व संबंधित संस्थांनी खास महाराष्ट्र टाइम्सच्या विनंतीवरून या ऑनलाइन सफरी तयार केल्या आहेत. तेथील अधिकारी आणि तज्ज्ञ त्या त्या परिसरात वाचकांना 'घेऊन जातील' आणि खास माहिती देतील. कदाचित प्रत्यक्ष भटकंतीतही पाहता येणार नाही अशी काही ठिकाणे, एरव्ही मिळणार नाही अशी माहिती, बीएनएचएसकडील काही दुर्मिळ, जागतिक दर्जाचे लघुपट आणि हो अर्थातच मुंबईकर ज्यांना पाहायला नेहमीच गर्दी करतात, ते पेंग्विनही थेट आपल्याला घरी बसून पाहता येतील. या सफरींचा अधिक तपशील पुढील दोन दिवसांत आम्ही देऊच. तर, आपल्या मुंबईच्या या फेरफटक्यात सहकुटुंब सहभागी व्हा, घरी रहा, सुरक्षित रहा. 'मटा'च्या साठाव्या वर्षात वाचकांसाठी अधिकही बरेच काही असणार आहे. प्रतीक्षा करा...
करोनाच्या संसर्गाने आपले आयुष्य घराच्या चौकटीत बंदिस्त केले आहे. या चौकटीबाहेर पडण्यासाठी मुंबई आणि परिसरातील प्रत्येक जण उत्सुक असला तरी अद्याप भीती पूर्ण ओसरलेली नाही. अशा वेळी मुंबईतील काही महत्त्वाच्या ठिकाणांची 'जिवंत सफर' घरच्या घरीच करता आली तर? याच विचारातून 'मटा'ने साठाव्या वर्षात पदार्पण करताना सहा वैशिष्ट्यपूर्ण सफरींचे आयोजन केले आहे. तेव्हा या अनोख्या, मनोरंजक सफरींमध्ये सामील व्हा आणि आपल्या लाडक्या मुंबईला नव्याने भेटा.
येत्या १८ जून रोजी महाराष्ट्र टाइम्स ६०व्या वर्षात पदार्पण करत आहे. वर्धापन दिनी वाचकांसाठी प्रत्यक्ष कार्यक्रमांचे आयोजन शक्य नसल्यामुळे या आभासी कार्यक्रमांमधून वाचकांसोबतचे नाते अधिक दृढ करण्याचा हा संकल्प आहे. त्यानुसार १७ ते २२ जून या कालावधीत आपण संजय गांधी राष्ट्रीय उद्यान, वीरमाता जीजाबाई भोसले उद्यान अर्थात राणीची बाग, रेल्वे म्युझियम, बॉम्बे नॅचरल हिस्ट्री सोसायटी (बीएनएचएस), नेहरू विज्ञान केंद्र आणि इतिहासाच्या खुणा जपून ठेवणारे परळ गाव येथे फेरफटका मारणार आहोत.
आपण या ठिकाणांना अनेकदा भेटी दिल्या असतील, परंतु हा ऑनलाइन फेरफटका त्यापेक्षा खूप वेगळा आहे. या सर्व संबंधित संस्थांनी खास महाराष्ट्र टाइम्सच्या विनंतीवरून या ऑनलाइन सफरी तयार केल्या आहेत. तेथील अधिकारी आणि तज्ज्ञ त्या त्या परिसरात वाचकांना 'घेऊन जातील' आणि खास माहिती देतील. कदाचित प्रत्यक्ष भटकंतीतही पाहता येणार नाही अशी काही ठिकाणे, एरव्ही मिळणार नाही अशी माहिती, बीएनएचएसकडील काही दुर्मिळ, जागतिक दर्जाचे लघुपट आणि हो अर्थातच मुंबईकर ज्यांना पाहायला नेहमीच गर्दी करतात, ते पेंग्विनही थेट आपल्याला घरी बसून पाहता येतील. या सफरींचा अधिक तपशील पुढील दोन दिवसांत आम्ही देऊच. तर, आपल्या मुंबईच्या या फेरफटक्यात सहकुटुंब सहभागी व्हा, घरी रहा, सुरक्षित रहा. 'मटा'च्या साठाव्या वर्षात वाचकांसाठी अधिकही बरेच काही असणार आहे. प्रतीक्षा करा...