मुंबई : विधानसभा अध्यक्षपदाच्या निवडणुकीत भाजपचे उमेदवार राहुल नार्वेकर (Rahul Narwekar) यांनी शिंदे गट, भाजप आणि अपक्ष आमदारांची १६४ मतं मिळवत बाजी मारली. त्यानंतर त्यांच्या अभिनंदनाचा ठराव मांडण्यात आला. यावेळी मुख्यमंत्री एकनाथ शिंदे, उपमुख्यमंत्री देवेंद्र फडणवीस, राष्ट्रवादीचे नेते अजित पवार यांच्यासह सर्वपक्षीयांनी नार्वेकरांचं अभिनंदन केलं. राष्ट्रवादीचे प्रदेशाध्यक्ष जयंत पाटील (Jayant Patil) यांनीही नार्वेकरांना उद्देशून चिमटे काढले. "तुम्ही आमचे जावई आहात. आमच्याकडे पाहण्याचा दृष्टीकोन चांगला ठेवावा. नाही ठेवला तर आमच्या मुलीला आम्ही कळवू आणि संध्याकाळी घरी गेल्यानंतर तुमचा समाचार घेण्याची व्यवस्था करु" अशी फटकेबाजी जयंतरावांनी केली. विधानपरिषदेचे सभापती रामराजे नाईक निंबाळकर (Ramraje Naik Nimbalkar) हे नार्वेकरांचे सासरे आहेत. जयंत पाटील काय काय म्हणाले?
महाराष्ट्र विधानसभा अध्यक्ष पदी राहुल नार्वेकर यांची निवड झाली त्याबद्दल जयंत पाटलांनी त्यांचे हार्दिक अभिनंदन केले. सभागृहाला एक अभ्यासू अध्यक्ष मिळाले याचा आनंद त्यांनी व्यक्त केला. नवनिर्वाचित अध्यक्षांच्या माध्यमातून या सभागृहाची शिस्त आणि परंपरा कायम टिकून राहील, अशी अपेक्षाही जयंतरावांनी यावेळी व्यक्त केली. मधल्या काळात सभागृहाच्या शिस्त भंगाचे अनेक प्रकार पुढे आले आहेत. यावर नवीन अध्यक्ष गांभीर्याने लक्ष देतील आणि सभागृहाची गरिमा जपतील हा मला विश्वास आहे, असंही ते म्हणाले.
हेही वाचा : एकाही बंडखोर आमदाराची माझ्या डोळ्याला डोळा भिडवण्याची हिंमत झाली नाही: आदित्य ठाकरे
राहुल नार्वेकरजी हे खरं तर राष्ट्रवादी काँग्रेस परिवाराचे जावई आहेत. त्यामुळे त्यांना मंत्रिपद देऊन जावयाचा यथोचित सन्मान होईल अशी आम्हाला आशा होती. मात्र तसे झाले नाही. मात्र मिळालेल्या संधीचा योग्य वापर करून आपण सर्वांना न्याय द्याल हा विश्वास व्यक्त करतो, असं पाटील म्हणाले. देवेंद्र फडणवीस काय म्हणाले?
"विधीमंडळाच्या वरच्या सभागृहाचे सभापती रामराजे नाईक निंबाळकर आणि कनिष्ठ सभागृहाचे अध्यक्ष राहुल नार्वेकर हे सासरे-जावई आहेत. पुलं देशपांडे म्हणत की जावई-सासऱ्याचं एकमत होणं कठीण आहे. जावयाचा उल्लेख पुलं 'जावई हा सासऱ्याच्या पत्रिकेतला दशमग्रह' असा करतात. पण त्यांचं प्रेम आहे सासऱ्यांवर, काळजी करु नका" अशी मिश्किल टिपण्णी देवेंद्र फडणवीस यांनी केलं.
हेही वाचा : वडील मुख्यमंत्रिपदावरून पायउतार अन् शिवसेनेतील फाटाफूट; विधिमंडळात आदित्य ठाकरे आक्रमक
अजित पवारांचीही टोलेबाजी
राहुल नार्वेकर हे रामराजे यांचे जावई आहेत, म्हणजे आमचेही जावईच आहेत. आजपर्यंत आम्ही जावईहट्ट पुरवत आलेलो आहोत. आता जावयानेही आमचे हट्ट पुरवायचे आहेत. सासरच्या लोकांवर अन्याय होणार नाहीत याची काळजी घ्या, असा टोला अजितदादांनी लगावला.
पाहा व्हिडीओ
हेही वाचा : शिवसेनेनं जे केलं तेच शिंदे गटानं केलं, गोगावलेंचं राहुल नार्वेकरांना पत्र
महाराष्ट्र विधानसभा अध्यक्ष पदी राहुल नार्वेकर यांची निवड झाली त्याबद्दल जयंत पाटलांनी त्यांचे हार्दिक अभिनंदन केले. सभागृहाला एक अभ्यासू अध्यक्ष मिळाले याचा आनंद त्यांनी व्यक्त केला. नवनिर्वाचित अध्यक्षांच्या माध्यमातून या सभागृहाची शिस्त आणि परंपरा कायम टिकून राहील, अशी अपेक्षाही जयंतरावांनी यावेळी व्यक्त केली. मधल्या काळात सभागृहाच्या शिस्त भंगाचे अनेक प्रकार पुढे आले आहेत. यावर नवीन अध्यक्ष गांभीर्याने लक्ष देतील आणि सभागृहाची गरिमा जपतील हा मला विश्वास आहे, असंही ते म्हणाले.
हेही वाचा : एकाही बंडखोर आमदाराची माझ्या डोळ्याला डोळा भिडवण्याची हिंमत झाली नाही: आदित्य ठाकरे
राहुल नार्वेकरजी हे खरं तर राष्ट्रवादी काँग्रेस परिवाराचे जावई आहेत. त्यामुळे त्यांना मंत्रिपद देऊन जावयाचा यथोचित सन्मान होईल अशी आम्हाला आशा होती. मात्र तसे झाले नाही. मात्र मिळालेल्या संधीचा योग्य वापर करून आपण सर्वांना न्याय द्याल हा विश्वास व्यक्त करतो, असं पाटील म्हणाले.
"विधीमंडळाच्या वरच्या सभागृहाचे सभापती रामराजे नाईक निंबाळकर आणि कनिष्ठ सभागृहाचे अध्यक्ष राहुल नार्वेकर हे सासरे-जावई आहेत. पुलं देशपांडे म्हणत की जावई-सासऱ्याचं एकमत होणं कठीण आहे. जावयाचा उल्लेख पुलं 'जावई हा सासऱ्याच्या पत्रिकेतला दशमग्रह' असा करतात. पण त्यांचं प्रेम आहे सासऱ्यांवर, काळजी करु नका" अशी मिश्किल टिपण्णी देवेंद्र फडणवीस यांनी केलं.
हेही वाचा : वडील मुख्यमंत्रिपदावरून पायउतार अन् शिवसेनेतील फाटाफूट; विधिमंडळात आदित्य ठाकरे आक्रमक
अजित पवारांचीही टोलेबाजी
राहुल नार्वेकर हे रामराजे यांचे जावई आहेत, म्हणजे आमचेही जावईच आहेत. आजपर्यंत आम्ही जावईहट्ट पुरवत आलेलो आहोत. आता जावयानेही आमचे हट्ट पुरवायचे आहेत. सासरच्या लोकांवर अन्याय होणार नाहीत याची काळजी घ्या, असा टोला अजितदादांनी लगावला.
पाहा व्हिडीओ
हेही वाचा : शिवसेनेनं जे केलं तेच शिंदे गटानं केलं, गोगावलेंचं राहुल नार्वेकरांना पत्र