म. टा. विशेष प्रतिनिधी, मुंबई
राज्यात शिवसेना, राष्ट्रवादी काँग्रेस आणि काँग्रेसोबत येऊन महाशिवआघाडीची सत्ता स्थापन करण्याची दाट शक्यता असल्याने तोच प्रयोग आता मुंबई महापालिकेतही राबवला जाण्याची शक्यता आहे. त्यामुळे शिवसेनेच्या महापौरपदाच्या उमेदवाराला काँग्रेस आणि राष्ट्रवादीने मतदान केल्यास या आघाडीचा उमेदवार तब्बल १३१ इतक्या दणदणीत मतांनी निवडून येऊ शकतो. सेना आणि भाजपमधील मुख्यमंत्रीपदाचा वाद विकोपाला गेल्याने भाजप विरोधी पक्षात बसणार काय, अशा चर्चा पालिकेत रंगू लागल्या आहेत.
मुंबई महापालिकेच्या महापौरपदासाठी २२ नोव्हेंबरला निवडणूक होत असून आज, सोमवारी उमेदवारी अर्ज भरण्याचा शेवटचा दिवस आहे. सेनेकडून स्थायी समितीचे अध्यक्ष यशवंत जाधव यांचे नाव जवळपास निश्चित झाले आहे. एरवी बुधवारी होणारी स्थायी समितीची बैठकही आज, सोमवारीच ठेवण्यात आली आहे. या बैठकीनंतर जाधव हे समितीच्या अध्यक्षपदाचा राजीनामा देऊन सेनेकडून महापौरपदासाठी उमेदवारी अर्ज भरतील, असे सेनेच्या गोटातून सांगितले जात आहे. महापौरपदासाठी अद्याप काँग्रेस, राष्ट्रवादी किंवा, भाजपकडून अर्ज भरण्यात आलेला नाही. त्यामुळे जाधव यांची निवड बिनविरोध होण्याची शक्यता व्यक्त केली जात आहे.
भाजप उमेदवार उभा करू शकतो?
महाशिवआघाडीमुळे काँग्रेस, राष्ट्रवादीने तलवार म्यान केल्याने ही निवडणूक एकतर्फी होऊ नये तसेच सेनेवरील उट्टे काढण्यासाठी भाजप उमेदवार उभा करू शकतो. मात्र महाशिवआघाडीमुळे भाजपचा प्रयत्न थिटा पडण्याचीच दाट शक्यता आहे. किंवा भाजप निवडणुकीत तटस्थ राहू शकतो. किंवा भाजपचे नगरसेवक निवडणुकीला अनुपस्थित राहू शकतात. मात्र या दोन्हीचा फायदा महाशिवआघाडीलाच होऊन त्यांचा उमेदवार विजयी होणार असल्याने भाजपला सर्व काही शांतपणे पाहण्याशिवाय पर्याय राहणार नाही.
........
स्थायी समितीच्या अध्यक्षपदी कोण?
स्थायी समिती ही पालिकेतील सत्तेचे आर्थिक केंद्र असून मागील सलग २२ वर्षे ते सेनेच्या ताब्यात आहे. या समितीच्या अध्यक्षपदाची जबाबदारी दिली जाणारा नगरसेवक ज्येष्ठ आणि 'मातोश्री'च्या मर्जीतील असावा लागतो. सेनेत सध्या मंगेश सातमकर, आशीष चेंबुरकर, राजू पेडणेकर ही नावे चर्चेत आहेत. यापैकी कुणाच्या गळ्यात 'मातोश्री' माळ घालते हे पाहाणे उत्सुकतेचे ठरणार आहे.
............
पालिकेतील पक्षीय बलाबल
शिवसेना ९४
भाजप ८२
काँग्रेस २९
राष्ट्रवादी ८
समाजवादी पक्ष ६
मनसे १
राज्यात शिवसेना, राष्ट्रवादी काँग्रेस आणि काँग्रेसोबत येऊन महाशिवआघाडीची सत्ता स्थापन करण्याची दाट शक्यता असल्याने तोच प्रयोग आता मुंबई महापालिकेतही राबवला जाण्याची शक्यता आहे. त्यामुळे शिवसेनेच्या महापौरपदाच्या उमेदवाराला काँग्रेस आणि राष्ट्रवादीने मतदान केल्यास या आघाडीचा उमेदवार तब्बल १३१ इतक्या दणदणीत मतांनी निवडून येऊ शकतो. सेना आणि भाजपमधील मुख्यमंत्रीपदाचा वाद विकोपाला गेल्याने भाजप विरोधी पक्षात बसणार काय, अशा चर्चा पालिकेत रंगू लागल्या आहेत.
मुंबई महापालिकेच्या महापौरपदासाठी २२ नोव्हेंबरला निवडणूक होत असून आज, सोमवारी उमेदवारी अर्ज भरण्याचा शेवटचा दिवस आहे. सेनेकडून स्थायी समितीचे अध्यक्ष यशवंत जाधव यांचे नाव जवळपास निश्चित झाले आहे. एरवी बुधवारी होणारी स्थायी समितीची बैठकही आज, सोमवारीच ठेवण्यात आली आहे. या बैठकीनंतर जाधव हे समितीच्या अध्यक्षपदाचा राजीनामा देऊन सेनेकडून महापौरपदासाठी उमेदवारी अर्ज भरतील, असे सेनेच्या गोटातून सांगितले जात आहे. महापौरपदासाठी अद्याप काँग्रेस, राष्ट्रवादी किंवा, भाजपकडून अर्ज भरण्यात आलेला नाही. त्यामुळे जाधव यांची निवड बिनविरोध होण्याची शक्यता व्यक्त केली जात आहे.
भाजप उमेदवार उभा करू शकतो?
महाशिवआघाडीमुळे काँग्रेस, राष्ट्रवादीने तलवार म्यान केल्याने ही निवडणूक एकतर्फी होऊ नये तसेच सेनेवरील उट्टे काढण्यासाठी भाजप उमेदवार उभा करू शकतो. मात्र महाशिवआघाडीमुळे भाजपचा प्रयत्न थिटा पडण्याचीच दाट शक्यता आहे. किंवा भाजप निवडणुकीत तटस्थ राहू शकतो. किंवा भाजपचे नगरसेवक निवडणुकीला अनुपस्थित राहू शकतात. मात्र या दोन्हीचा फायदा महाशिवआघाडीलाच होऊन त्यांचा उमेदवार विजयी होणार असल्याने भाजपला सर्व काही शांतपणे पाहण्याशिवाय पर्याय राहणार नाही.
........
स्थायी समितीच्या अध्यक्षपदी कोण?
स्थायी समिती ही पालिकेतील सत्तेचे आर्थिक केंद्र असून मागील सलग २२ वर्षे ते सेनेच्या ताब्यात आहे. या समितीच्या अध्यक्षपदाची जबाबदारी दिली जाणारा नगरसेवक ज्येष्ठ आणि 'मातोश्री'च्या मर्जीतील असावा लागतो. सेनेत सध्या मंगेश सातमकर, आशीष चेंबुरकर, राजू पेडणेकर ही नावे चर्चेत आहेत. यापैकी कुणाच्या गळ्यात 'मातोश्री' माळ घालते हे पाहाणे उत्सुकतेचे ठरणार आहे.
............
पालिकेतील पक्षीय बलाबल
शिवसेना ९४
भाजप ८२
काँग्रेस २९
राष्ट्रवादी ८
समाजवादी पक्ष ६
मनसे १