म. टा. खास प्रतिनिधी मुंबईः चेहरा सुंदर दिसण्यासाठी पावडर, क्रीम किंवा अन्य सौंदर्य प्रसाधने वापरली जातात. मात्र ती खरेदी करताना त्याची मुदत तर संपली नाही ना, हे अवश्य तपासून पाहा, अन्यथा मुदतबाह्य सौंदर्यप्रसाधनाने चेहरा खराब होण्याची शक्यता आहे. मुंबई पोलिसांच्या गुन्हे शाखेने गोरेगाव, दाणाबंदर, क्रॉफर्ड मार्केटमध्ये छापा टाकून नुकताच साडेतीन कोटींची मुदतबाह्य सौंदर्य प्रसाधनांचा साठा हस्तगत केला आहे. अशी मुदतबाह्य उत्पादन विकणाऱ्यांची मोठी साखळी सक्रिय आहे. यातील एका कंपनी मालकाला ताब्यात घेतले असून यात सहभागी असलेल्या इतरांचा शोध पोलिस घेत आहेत.
मुंबईत सौंदर्य प्रसाधनाची मोठी बाजारपेठ असून देशात तयार होणाऱ्या तसेच परदेशातून आयात केल्या जाणाऱ्या उत्पादनांना चांगली मागणी आहे. याचाच गैरफायदा काही कंपन्या घेत असल्याची माहिती गुन्हे शाखा युनिट ११चे प्रभारी पोलिस निरीक्षक विनायक चव्हाण यांना मिळाली. नॅशनल इम्पेक्स आणि एम. एस. इंटरनॅशनल या कंपन्या परदेशातून आयात केलेल्या उत्पादनाच्या वैधता तारखांमध्ये फेरफार करून त्याची विक्री करीत होत्या.
गोरेगाव, दाणाबंदर आणि क्रॉफर्ड मार्केट या ठिकाणी कंपन्यांच्या गोदामांमध्ये उत्पादनांच्या तारखांची खाडाखोड केली जात होती. एकाच वेळी तीन ठिकाणी छापे टाकणे आवश्यक असल्याने युनिट ११, युनिट १२ आणि युनिट ८ च्या अधिकाऱ्यांची वेगवेगळी पथके तयार करण्यात आली. पोलिसांच्या वेगवेगळ्या पथकांनी एकाच वेळी सात गोदामांवर छापे टाकले. यात वेगवेगळ्या क्रीम, पावडर, केसांना लावण्याचे रंग अशा वेगवेगळ्या सौंदर्य प्रसाधनांचा साठा आढळला.
या उत्पादनांची मुदत संपल्याचे पोलिसांच्या निदर्शनास आले. तसेच तारखा बदलण्यासाठी लागणारे संगणक आणि इतर साहित्यही आढळले. पोलिसांनी सुमारे साडेतीन कोटींची मुदतबाह्य उत्पादने, १३ लाखांची रोख रक्कम, १४ हार्डडिस्क, दोन मोबाइल तसेच इतर साहित्य हस्तगत केले.
...या नामांकित दुकानांतून विक्री
या कंपन्या मुदत वाढवून या उत्पादनांची विक्री अब्दुल रहेमान इस्टेटमधील सुपर शॉपिंग कॉम्प्लेक्समधील २४९ आणि २५१ क्रमांकाचे दुकान, क्रॉफर्ड मार्केट मधील ब्युटी सेंटर (४१७/४१९), शेख मेनन स्ट्रीटवरील कपाडिया चेम्बर्स, कांदिवलीच्या ओम टॉवर्समधील दी ब्युटी शॉप, घाटकोपरच्या एमजी रोडवरील फर्स्ट ब्युटी या दुकानांमधून केली जात होती. त्यामुळे या दुकानांमधून उत्पादने खरेदी करताना काळजी घ्या, असे आवाहन पोलिसांनी केले आहे.
मुंबईत सौंदर्य प्रसाधनाची मोठी बाजारपेठ असून देशात तयार होणाऱ्या तसेच परदेशातून आयात केल्या जाणाऱ्या उत्पादनांना चांगली मागणी आहे. याचाच गैरफायदा काही कंपन्या घेत असल्याची माहिती गुन्हे शाखा युनिट ११चे प्रभारी पोलिस निरीक्षक विनायक चव्हाण यांना मिळाली. नॅशनल इम्पेक्स आणि एम. एस. इंटरनॅशनल या कंपन्या परदेशातून आयात केलेल्या उत्पादनाच्या वैधता तारखांमध्ये फेरफार करून त्याची विक्री करीत होत्या.
गोरेगाव, दाणाबंदर आणि क्रॉफर्ड मार्केट या ठिकाणी कंपन्यांच्या गोदामांमध्ये उत्पादनांच्या तारखांची खाडाखोड केली जात होती. एकाच वेळी तीन ठिकाणी छापे टाकणे आवश्यक असल्याने युनिट ११, युनिट १२ आणि युनिट ८ च्या अधिकाऱ्यांची वेगवेगळी पथके तयार करण्यात आली. पोलिसांच्या वेगवेगळ्या पथकांनी एकाच वेळी सात गोदामांवर छापे टाकले. यात वेगवेगळ्या क्रीम, पावडर, केसांना लावण्याचे रंग अशा वेगवेगळ्या सौंदर्य प्रसाधनांचा साठा आढळला.
या उत्पादनांची मुदत संपल्याचे पोलिसांच्या निदर्शनास आले. तसेच तारखा बदलण्यासाठी लागणारे संगणक आणि इतर साहित्यही आढळले. पोलिसांनी सुमारे साडेतीन कोटींची मुदतबाह्य उत्पादने, १३ लाखांची रोख रक्कम, १४ हार्डडिस्क, दोन मोबाइल तसेच इतर साहित्य हस्तगत केले.
...या नामांकित दुकानांतून विक्री
या कंपन्या मुदत वाढवून या उत्पादनांची विक्री अब्दुल रहेमान इस्टेटमधील सुपर शॉपिंग कॉम्प्लेक्समधील २४९ आणि २५१ क्रमांकाचे दुकान, क्रॉफर्ड मार्केट मधील ब्युटी सेंटर (४१७/४१९), शेख मेनन स्ट्रीटवरील कपाडिया चेम्बर्स, कांदिवलीच्या ओम टॉवर्समधील दी ब्युटी शॉप, घाटकोपरच्या एमजी रोडवरील फर्स्ट ब्युटी या दुकानांमधून केली जात होती. त्यामुळे या दुकानांमधून उत्पादने खरेदी करताना काळजी घ्या, असे आवाहन पोलिसांनी केले आहे.